ಭಾರತದಲ್ಲಿ ಕೋಳಿಗಳಿಗೆ ವಿಶ್ವದಲ್ಲೆ ಪ್ರಬಲ ರೋಗನಿರೋಧಕ ಔಷಧ ನೀಡಿಕೆ; ಮನುಷ್ಯರಿಗೂ ಅಪಾಯ

ಕೋಳಿ ಸಾಕಾಣಿಕೆ ವೇಳೆ ಕೋಳಿಗಳಿಗೆ ಅನಾರೋಗ್ಯ ಕಾಣಿಸಿಕೊಂಡಾಗ ಮಾತ್ರ ಔಷಧ ನೀಡಬೇಕು. ಆದರೆ, ಅಗತ್ಯ ಪ್ರಮಾಣಕ್ಕಿತ ಹೆಚ್ಚಿನ ಔಷಧಗಳನ್ನು ಅನಾರೋಗ್ಯ ಕಾಣಿಸಿಕೊಳ್ಳುವ ಮೊದಲೇ ನೀಡಲಾಗುತ್ತಿದೆ.

ಭಾರತದಲ್ಲಿ ನೂರಾರು ಟನ್‌ಗಳಷ್ಟು ರೋಗನಿರೋಧಕ ಔಷಧಗಳನ್ನು ವೈದ್ಯರ ಶಿಫಾರಸು ಇಲ್ಲದೆಯೇ ಕೋಳಿಗಳಿಗೆ ನೀಡಲಾಗುತ್ತಿದೆ ಎಂದು ಹೇಳಲಾಗಿದೆ.

ಅನಾರೋಗ್ಯ ಕಾಣಿಸಿಕೊಂಡ ಕೋಳಿಗಳಿಗೆ ಅಂತಿಮ ಹಂತದಲ್ಲಿ/ಅತ್ಯಂತ ವಿರಳ ಸಂದರ್ಭಗಳಲ್ಲಿ ನೀಡಬೇಕಿರುವ ಔಷಧವನ್ನೂ ಮುಂಚಿತವಾಗಿ, ಅಗತ್ಯ ಇಲ್ಲದಿದ್ದರೂ ನೀಡುತ್ತಿರುವುದು ಅತ್ಯಂತ ಅಪಾಯಕಾರಿ ಸಂಗತಿ ಎಂದು ಹೇಳಿದೆ.

ಈ ಕುರಿತು ‘ದಿ ಗಾರ್ಡಿಯನ್‌’ ವರದಿ ಮಾಡಿದ್ದು, ಕೋಳಿಗಳಿಗೆ ನೀಡುವ ಔಷಧವು ವಿದೇಶಗಳಿಗೆ ರಫ್ತಾಗುವ ಕೋಳಿಗಳ ಮೂಲಕ ವಿಶ್ವದೆಲ್ಲೆಡೆ ಹರಡುತ್ತಿದೆ. ಇದು ವಿಶ್ವದಲ್ಲಿನ ಇತರ ಜೀವಿಗಳ ಮೇಲೂ ಪರಿಣಾಮ ಬೀರುತ್ತದೆ ಎಂದು ವರದಿಯಲ್ಲಿ ಹೇಳಲಾಗಿದೆ.

ಅಗತ್ಯವಿಲ್ಲದ್ದರೂ ನೀಡಿರುವ ಔಷಧಗಳನ್ನು ತಿಂದು ಬೆಳೆದ ಕೋಳಿಗಳನ್ನು ಸೇವಿಸುವ ಮನುಷ್ಯರ ಮೇಲೂ ಇದರ ಪರಿಣಾಮ ಉಂಟಾಗುತ್ತದೆ. ಇದರಿಂದ ಮನುಷ್ಯನಿಗೂ ಯಾವುದಾದರೂ ಆರೋಗ್ಯ ಸಮಸ್ಯೆ ಎದುರಾದ ಸಂದರ್ಭದಲ್ಲಿ ಸಾಮಾನ್ಯ ಔಷಧೋಪಚಾರಕ್ಕೂ ಸ್ಪಂದಿಸದ ಸ್ಥಿತಿ ಎದುರಾಗುತ್ತದೆ ಎಂದು ವಿವರಿಸಲಾಗಿದೆ.

</p><p>ಜೀವಿಯೊಂದಕ್ಕೆ ಸಾಮಾನ್ಯ ರೋಗ ನಿರೋಧಕ ಶಕ್ತಿ ಇರುತ್ತದೆ. ಅದೇ ರೀತಿ ಕೋಳಿಗಳಿಗೂ ರೋಗ ನಿರೋಧಕ ಶಕ್ತಿ ಇದೆ. ಇದನ್ನು ಪರಿಗಣಿಸದೆ, ತಜ್ಞ ವೈದ್ಯರ ಸಲಹೆ, ಸೂಚನೆ ಇಲ್ಲದೆಯೆ ಅಗತ್ಯವಿಲ್ಲದಿದ್ದರೂ ರೋಗನಿರೋಧಕಗಳನ್ನು ನೀಡಲಾಗುತ್ತಿದೆ.</p><p>ಅತಿ ಹೆಚ್ಚು ರೋಗನಿರೋಧಕ ಔಷಧೀಯ ಅಂಶಗಳಿಂದ ಕೂಡಿರುವ ಕೋಳಿಗಳ ಮಾಂಸವನ್ನು ಸೇವಿಸುವ ಮನುಷ್ಯರೂ ಯಾವುದೇ ಚಿಕಿತ್ಸೆಗೆ ಒಗ್ಗದ ಸ್ಥಿತಿ ಎದುರಾಗುತ್ತದೆ ಎಂದು ವಿವರಿಸಲಾಗಿದೆ.</p></p>