7

ಬದುಕುವ ಛಲದಲಿ

Published:
Updated:
ಬದುಕುವ ಛಲದಲಿ

ಇಲಿಗಳು ಇದ್ದವು ಹಡಗಿನ ಒಳಗಡೆ,

ಹಡಗು ಮುಳುಗುತಿತ್ತು;

ಇಲಿಗಳ ಸಂಕಟ, ತಳಮಳ, ಕಂಟಕ

ಕಡಲಿಗೇನು ಗೊತ್ತು!

'ಕಡಲಿಗೆ ಹಾರಿ ಈಜುವುದೊಳಿತು'

ಹೇಳಿತು ಇಲಿಯೊಂದು;

'ಈಜಲು ತಿಳಿಯದು, ಮಾಡುವುದೇನು?'

ಕೇಳಿತು ಮತ್ತೊಂದು.

 

'ಬದುಕುವ ಯತ್ನವ ಮಾಡಿಯೆ ಸಿದ್ಧ'

ದೊಡ್ಡಿಲಿ ಕಡಲಿಗೆ ಧುಮುಕಿತ್ತು;

ಅಪ್ಪಿಲಿ ಅಮ್ಮಿಲಿ ಅಣ್ಣಿಲಿ ಸಣ್ಣಿಲಿ-

ಅರಿತವು ಒದಗಿದ ಆಪತ್ತು.

ಅಣ್ಣಿಲಿ ಬಾಲವ ಸಣ್ಣಿಲಿ ಹಿಡಿಯಿತು;

ಅಕ್ಕಿಲಿ ಬಾಲವ ತಮ್ಮಿಲಿ ಹಿಡಿಯಿತು;

ಅಪ್ಪಿಲಿ ಬಾಲವ ಅಮ್ಮಿಲಿ ಹಿಡಿಯಿತು;

ಬಾಲವೆ ಬಳ್ಳಿಯ ಹಾಗಿತ್ತು;

 

ಈಜುವ ಸಾಹಸ ನಡೆದಿತ್ತು.

 

ಉಕ್ಕುವ ಕಡಲಿನ ತೆರೆಗಳ ಮೇಲೆ

ಸವಾರಿ ಮಾಡಿತು ಇಲಿಸಾಲು;

ಬದುಕುವ ಛಲದಲಿ ಬಾಲವು ಸೇರಿ

ಜಯದಲಿ ಪಡೆಯಿತು ಸಮಪಾಲು

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry