ಬೈಲಹೊಂಗಲದಲ್ಲಿ ಭಾರಿ ಮಳೆ

ಶುಕ್ರವಾರ ಸಂತೆ ದಿನ ಆಗಿದ್ದರಿಂದ ಸಂಜೆ ಹೊತ್ತು ವ್ಯಾಪಾರ ಮುಗಿಸಿಕೊಂಡು ಮನೆಗಳಿಗೆ ತೆರಳುತ್ತಿದ್ದ ಬೇರೆ, ಬೇರೆ ಗ್ರಾಮಗಳ ರೈತರು, ವ್ಯಾಪಾರಸ್ಥರು ಮಳೆಗೆ ಸಿಲುಕಿ ತೊಂದರೆಗೆ ಒಳಗಾದರು. ಕೇಂದ್ರ ಬಸ್ ನಿಲ್ದಾಣದ ತಗ್ಗು ಪ್ರದೇಶದ ರಸ್ತೆ ಸೇರಿದಂತೆ ಪ್ರಮುಖ ಬಜಾರ ರಸ್ತೆ, ರಾಯಣ್ಣ ವೃತ್ತದಲ್ಲಿ ಮಳೆ ನೀರು ನಿಂತು ವಾಹನಗಳ ಸಂಚಾರಕ್ಕೆ ಅಡೆತಡೆ ಉಂಟಾಗಿತ್ತು.

ಪುರಸಭೆ ಪ್ರಮುಖ ವಾರ್ಡಗಳಲ್ಲಿ ರಸ್ತೆ ಕಾಮಗಾರಿ ನಡೆಯುತ್ತಿರುವುದರಿಂದ, ಇಂದಿರಾ ನಗರ ಪ್ರದೇಶದಲ್ಲಿ ಚರಂಡಿ ಒಡಿದು ಮಳೆ ನೀರು ನಿಂತು ಸಂಚಾರಕ್ಕೆ ತೀವ್ರ ಅಡೆತಡೆ ಆಗಿತ್ತು. ಅಮಟೂರ, ಬೇವಿನಕೊಪ್ಪ, ದೇವಲಾಪುರ, ಆನಿಗೋಳ, ನಯಾನಗರ ಸೇರಿದಂತೆ ಕೆಲವು ಹಳ್ಳಿಗಳಲ್ಲಿ ಉತ್ತಮ ಮಳೆಯಾಗಿದೆ. ಯಾವುದೇ ಹಾನಿ ಸಂಭವಿಸಿಲ್ಲ.

ಬೆಳಗಾವಿ: ನಗರವೂ ಸೇರಿದಂತೆ ಜಿಲ್ಲೆಯ ಕೆಲವು ಪ್ರದೇಶಗಳಲ್ಲಿ ಶುಕ್ರವಾರ ತುಂತುರು ಮಳೆಯಾಗಿದೆ.

ಬೈಲಹೊಂಗಲ, ಬೆಳಗಾವಿ, ಹಲಗಾ, ಕಿತ್ತೂರು, ಖಾನಾಪುರ, ಕಿತ್ತೂರು ಪ್ರದೇಶಗಳಲ್ಲಿ ಮಳೆಯಾಗಿದೆ. ಗೋಕಾಕದಲ್ಲಿ ಬೆಳಗಿನಜಾವ ನಾಲ್ಕಾರು ಹನಿಗಳ ಮಳೆಯಾಗಿದೆ.