ಸೋಮವಾರ, ಆಗಸ್ಟ್ 10, 2020
26 °C

ಫೋರ್ಟಿಸ್‌ ಷೇರು ಖರೀದಿಗೆ ಮಲೇಷ್ಯಾ ಸಂಸ್ಥೆ ಉತ್ಸುಕ

ಪಿಟಿಐ Updated:

ಅಕ್ಷರ ಗಾತ್ರ : | |

ಫೋರ್ಟಿಸ್‌ ಷೇರು ಖರೀದಿಗೆ ಮಲೇಷ್ಯಾ ಸಂಸ್ಥೆ ಉತ್ಸುಕ

ನವದೆಹಲಿ: ಫೋರ್ಟಿಸ್‌ ಹೆಲ್ತ್‌ಕೇರ್‌ ಸಂಸ್ಥೆಯಲ್ಲಿ ಹೂಡಿಕೆ ಮಾಡಲು ಪ್ರಮುಖ ಸಂಸ್ಥೆಗಳು ಪೈಪೋಟಿಗೆ ಬಿದ್ದಿವೆ.

ಮಲೇಷ್ಯಾದ ಐಎಚ್‌ಎಚ್‌ ಹೆಲ್ತ್‌ಕೇರ್ ಸಂಸ್ಥೆ ಷೇರು ಖರೀದಿಗೆ ಆಸಕ್ತಿ ತೋರಿದೆ. ಪ್ರತಿ ಷೇರಿಗೆ ₹ 160ರವರೆಗೂ ಬೆಲೆ ನೀಡಲು ಸಿದ್ಧವಿರುವುದಾಗಿ ತಿಳಿಸಿದೆ. ಇದು ಮಣಿಪಾಲ್‌ ಹೆಲ್ತ್‌ ಎಂಟರ್‌ಪ್ರೈಸಸ್‌ ನೀಡಲು ಸಿದ್ಧವಿರುವ (₹155) ಬೆಲೆಗಿಂತಲೂ ಹೆಚ್ಚಿದೆ.

ಪ್ರತಿ ಷೇರಿಗೆ ₹ 156 ರಂತೆ ಒಟ್ಟಾರೆ ₹ 1,250 ಕೋಟಿಗಳನ್ನು ಜಂಟಿಯಾಗಿ ಹೂಡಿಕೆ ಮಾಡುವುದಾಗಿ ಹೀರೊ ಎಂಟರ್‌ಪ್ರೈಸಸ್‌ ಇನ್‌ವೆಸ್ಟ್‌ಮೆಂಟ್‌ ಮತ್ತು ಬರ್ಮನ್‌ ಫ್ಯಾಮಿಲಿ ಹೋಲ್ಡಿಂಗ್ಸ್‌ ಗುರುವಾರ ತಿಳಿಸಿದ್ದವು.

ಯಾವುದೇ ಷರತ್ತು ವಿಧಿಸದೇ ಹೂಡಿಕೆಗೆ ಆಸಕ್ತಿ ಹೊಂದಿರುವುದಾಗಿ ಐಎಚ್‌ಎಚ್ ಹೆಲ್ತ್‌ಕೇರ್‌ ಸಂಸ್ಥೆಯು ಪತ್ರ ಬರೆದಿದೆ ಎಂದು ಫೋರ್ಟಿಸ್‌ ಸಂಸ್ಥೆಯು ಶುಕ್ರವಾರ ಷೇರುಪೇಟೆಗೆ ಮಾಹಿತಿ ನೀಡಿದೆ. ‘ಫೋರ್ಟಿಸ್‌ ಹೆಲ್ತ್‌ಕೇರ್ ಸಂಸ್ಥೆಯು ಗಂಭೀರವಾದ ಸವಾಲುಗಳನ್ನು ಎದುರಿಸುತ್ತಿದೆ. ಇಂತಹ ಸಂದರ್ಭದಲ್ಲಿ ದೂರದೃಷ್ಟಿ ಇರುವ ಮತ್ತು ಉತ್ತಮ ಕಾರ್ಯಾಚರಣಾ ಕೌಶಲ್ಯ ಹೊಂದಿರುವ ಪಾಲುದಾರನ ಅಗತ್ಯವಿದೆ’ ಎಂದು ಐಎಚ್‌ಎಚ್‌ ಹೆಲ್ತ್‌ಕೇರ್‌ನ ವ್ಯವಸ್ಥಾಪಕ ನಿರ್ದೇಶಕ ಟಾನ್‌ ಸೀ ಲೆಂಗ್‌ ಹೇಳಿದ್ದಾರೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.