<p>ಬೆಕ್ಕಣ್ಣ ಸುದ್ದಿ ಓದುತ್ತ ಕಣ್ಣು ಕೆಂಪು ಮಾಡಿತು. </p>.<p>‘ನೋಡಿಲ್ಲಿ... ಬಿಬಿಎಂಪಿಯವರು ಬೀದಿ ನಾಯಿಗಳಿಗೆ ಬಾಡೂಟದ ಭೋಜನ ಭಾಗ್ಯ ಕರುಣಿಸ್ತಾರಂತೆ. ವರ್ಷಕ್ಕೆ ₹2.88 ಕೋಟಿ ರೊಕ್ಕ ಖರ್ಚು ಮಾಡೋ ಪ್ಲಾನ್ ಹಾಕ್ಯಾರೆ’ ಎಂದು ಸಿಟ್ಟಿನಿಂದ ಗುರುಗುಟ್ಟಿತು.</p>.<p>‘ಅದ್ರಾಗೆ ಬಿಬಿಎಂಪಿಯವರಿಂದ ಹಿಡಿದು, ಅಡುಗೆ ಮಾಡೋವ್ರು, ನಾಯಿಗಳಿಗೆ ಆ ಊಟ ಹಾಕೋವ್ರು ಎಲ್ಲಾರೂ ಅವರವರ ಪಾಲು ಮಡಿಕ್ಕೆಂಡು, ಇನ್ನು ಪಾಪದ ನಾಯಿಗಳಿಗೆ ಎಷ್ಟು ಸಿಗತೈತೋ ದೇವರಿಗೇ ಗೊತ್ತು’ ಎಂದೆ. ‘ಮೊದಲು ನಾಯಿಗಳನ್ನ ಹಿಡಿದು ಮರಿಗಳಾಗದಿದ್ದಂತೆ ಆಪರೇಷನ್ ಮಾಡೂದು ಬಿಟ್ಟು, ಅವಕ್ಕೆ ಛಲೋತ್ನಾಗಿ ಊಟ ಹಾಕೋ ಯೋಜನೆ ಮಾಡ್ಯಾರಲ್ಲ, ಬಿಬಿಎಂಪಿಗೆ ಶಭಾಸ್ ಅನ್ನಬಕು!’</p>.<p>‘ಸಾಲಿ ಹುಡುಗರ ಮಧ್ಯಾಹ್ನದ ಬಿಸಿಯೂಟಕ್ಕೆ ರೊಕ್ಕ ಇಲ್ಲ ಅಂತಾರೆ. ಬಿಬಿಎಂಪಿದು ಹಳೇ ಸಾಲಗಳೇ ಕೊಟ್ಟಿಗಟ್ಟಲೆ ಐತಂತೆ. ಅಂತಾದ್ರಲ್ಲಿ ಇಂತಾದಕ್ಕೆಲ್ಲ ಎಲ್ಲಿಂದ ರೊಕ್ಕ ತರತಾರೆ ಅಂತ!’</p>.<p>‘ನೀವು ಅದೀರಲ್ಲ… ತೆರಿಗೆ ತುಂಬೋ ಶ್ರೀಸಾಮಾನ್ಯರು!’ ಬೆಕ್ಕಣ್ಣ ನನ್ನ ಮೂತಿಗೆ ತಿವಿಯಿತು.</p>.<p>‘ಈ ಬೀದಿ ನಾಯಿಗಳು ಮಂದಿಗೆ ಕಚ್ಚೂದು ಬಿಟ್ಟರೆ ಬ್ಯಾರೆ ಕೆಲಸ ಮಾಡಂಗಿಲ್ಲ. ಯಾವತ್ತಾರೆ ಬೀದಿ ಬೆಕ್ಕುಗಳು ಮಂದಿಗೆ ಕಚ್ಚಿ, ಗಾಯ ಮಾಡಿದ್ದನ್ನು ಓದೀಯೇನು? ಬೀದಿ ನಾಯಿಗಳಿಗಲ್ಲ, ಬೀದಿ ಬೆಕ್ಕುಗಳಿಗೆ ಭೋಜನ ಭಾಗ್ಯ ಕೊಡಬಕು’ ಬೆಕ್ಕಣ್ಣ ವಾದಿಸಿತು.</p>.<p>‘ಖರೇ ಹೇಳಿದಿ. ನೀವು ಬೀದಿ ಬೆಕ್ಕುಗಳು ಇಲಿ– ಹೆಗ್ಗಣ ಹಿಡಿಯೂ ಕೆಲಸನಾದ್ರೂ ಮಾಡತೀರಿ... ಬೀದಿ ನಾಯಿಗಳು ಉಂಡಾಡಿ ಗುಂಡಗಳು’ ಎಂದು ನಾನೂ ಬೈದೆ.</p>.<p>‘ನಾವು ಮೋರಿವಳಗೆ, ಅಲ್ಲಿ ಇಲ್ಲಿ ಅಡಿಕ್ಕೆಂಡಿರೋ ಇಲಿ, ಹೆಗ್ಗಣ ಹಿಡಿತೀವಿ ಖರೇ. ಆದರೆ ಬಿಬಿಎಂಪಿಯ ಎಲ್ಲಾ ಇಲಾಖೆವಳಗೆ ಎರಡು ಕಾಲಿನ ಹೆಗ್ಗಣಗಳು ತುಂಬ್ಯಾವಲ್ಲ, ಅವ್ರನ್ನ ಹಿಡಿಯಾಕೆ ಯಾರಿಗೂ ಆಗಂಗಿಲ್ಲ ಬಿಡು!’ ಎಂದು ಬೆಕ್ಕಣ್ಣ ತಲೆ ಚಚ್ಚಿಕೊಂಡಿತು. ನಾನೂ ತಲೆ ಚಚ್ಚಿಕೊಂಡೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಕ್ಕಣ್ಣ ಸುದ್ದಿ ಓದುತ್ತ ಕಣ್ಣು ಕೆಂಪು ಮಾಡಿತು. </p>.<p>‘ನೋಡಿಲ್ಲಿ... ಬಿಬಿಎಂಪಿಯವರು ಬೀದಿ ನಾಯಿಗಳಿಗೆ ಬಾಡೂಟದ ಭೋಜನ ಭಾಗ್ಯ ಕರುಣಿಸ್ತಾರಂತೆ. ವರ್ಷಕ್ಕೆ ₹2.88 ಕೋಟಿ ರೊಕ್ಕ ಖರ್ಚು ಮಾಡೋ ಪ್ಲಾನ್ ಹಾಕ್ಯಾರೆ’ ಎಂದು ಸಿಟ್ಟಿನಿಂದ ಗುರುಗುಟ್ಟಿತು.</p>.<p>‘ಅದ್ರಾಗೆ ಬಿಬಿಎಂಪಿಯವರಿಂದ ಹಿಡಿದು, ಅಡುಗೆ ಮಾಡೋವ್ರು, ನಾಯಿಗಳಿಗೆ ಆ ಊಟ ಹಾಕೋವ್ರು ಎಲ್ಲಾರೂ ಅವರವರ ಪಾಲು ಮಡಿಕ್ಕೆಂಡು, ಇನ್ನು ಪಾಪದ ನಾಯಿಗಳಿಗೆ ಎಷ್ಟು ಸಿಗತೈತೋ ದೇವರಿಗೇ ಗೊತ್ತು’ ಎಂದೆ. ‘ಮೊದಲು ನಾಯಿಗಳನ್ನ ಹಿಡಿದು ಮರಿಗಳಾಗದಿದ್ದಂತೆ ಆಪರೇಷನ್ ಮಾಡೂದು ಬಿಟ್ಟು, ಅವಕ್ಕೆ ಛಲೋತ್ನಾಗಿ ಊಟ ಹಾಕೋ ಯೋಜನೆ ಮಾಡ್ಯಾರಲ್ಲ, ಬಿಬಿಎಂಪಿಗೆ ಶಭಾಸ್ ಅನ್ನಬಕು!’</p>.<p>‘ಸಾಲಿ ಹುಡುಗರ ಮಧ್ಯಾಹ್ನದ ಬಿಸಿಯೂಟಕ್ಕೆ ರೊಕ್ಕ ಇಲ್ಲ ಅಂತಾರೆ. ಬಿಬಿಎಂಪಿದು ಹಳೇ ಸಾಲಗಳೇ ಕೊಟ್ಟಿಗಟ್ಟಲೆ ಐತಂತೆ. ಅಂತಾದ್ರಲ್ಲಿ ಇಂತಾದಕ್ಕೆಲ್ಲ ಎಲ್ಲಿಂದ ರೊಕ್ಕ ತರತಾರೆ ಅಂತ!’</p>.<p>‘ನೀವು ಅದೀರಲ್ಲ… ತೆರಿಗೆ ತುಂಬೋ ಶ್ರೀಸಾಮಾನ್ಯರು!’ ಬೆಕ್ಕಣ್ಣ ನನ್ನ ಮೂತಿಗೆ ತಿವಿಯಿತು.</p>.<p>‘ಈ ಬೀದಿ ನಾಯಿಗಳು ಮಂದಿಗೆ ಕಚ್ಚೂದು ಬಿಟ್ಟರೆ ಬ್ಯಾರೆ ಕೆಲಸ ಮಾಡಂಗಿಲ್ಲ. ಯಾವತ್ತಾರೆ ಬೀದಿ ಬೆಕ್ಕುಗಳು ಮಂದಿಗೆ ಕಚ್ಚಿ, ಗಾಯ ಮಾಡಿದ್ದನ್ನು ಓದೀಯೇನು? ಬೀದಿ ನಾಯಿಗಳಿಗಲ್ಲ, ಬೀದಿ ಬೆಕ್ಕುಗಳಿಗೆ ಭೋಜನ ಭಾಗ್ಯ ಕೊಡಬಕು’ ಬೆಕ್ಕಣ್ಣ ವಾದಿಸಿತು.</p>.<p>‘ಖರೇ ಹೇಳಿದಿ. ನೀವು ಬೀದಿ ಬೆಕ್ಕುಗಳು ಇಲಿ– ಹೆಗ್ಗಣ ಹಿಡಿಯೂ ಕೆಲಸನಾದ್ರೂ ಮಾಡತೀರಿ... ಬೀದಿ ನಾಯಿಗಳು ಉಂಡಾಡಿ ಗುಂಡಗಳು’ ಎಂದು ನಾನೂ ಬೈದೆ.</p>.<p>‘ನಾವು ಮೋರಿವಳಗೆ, ಅಲ್ಲಿ ಇಲ್ಲಿ ಅಡಿಕ್ಕೆಂಡಿರೋ ಇಲಿ, ಹೆಗ್ಗಣ ಹಿಡಿತೀವಿ ಖರೇ. ಆದರೆ ಬಿಬಿಎಂಪಿಯ ಎಲ್ಲಾ ಇಲಾಖೆವಳಗೆ ಎರಡು ಕಾಲಿನ ಹೆಗ್ಗಣಗಳು ತುಂಬ್ಯಾವಲ್ಲ, ಅವ್ರನ್ನ ಹಿಡಿಯಾಕೆ ಯಾರಿಗೂ ಆಗಂಗಿಲ್ಲ ಬಿಡು!’ ಎಂದು ಬೆಕ್ಕಣ್ಣ ತಲೆ ಚಚ್ಚಿಕೊಂಡಿತು. ನಾನೂ ತಲೆ ಚಚ್ಚಿಕೊಂಡೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
