ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ವ್ಯಾಯಾಮ, ಕ್ರೀಡೆಗಳ ಮೂಲ ಉದ್ದೇಶ ಆರೋಗ್ಯವರ್ಧನೆ, ಮನೋಲ್ಲಾಸಗಳನ್ನು ನೀಡುವುದೇ ಆಗಿದೆ. ಆದರೆ, ಅಲ್ಪಕಾಲದ ಯಶಸ್ಸು, ಹಣ ಗಳಿಕೆ, ಖ್ಯಾತಿ ಮತ್ತಿತರ ಆಮಿಷಗಳಿಗೆ ಯುವಕರು ಬಲಿಯಾಗುತ್ತಿದ್ದಾರೆ. ಹುರಿಗಟ್ಟಿದ ದೇಹ ಕಟ್ಟಲು ಹೆಚ್ಚು ಉತ್ಸುಕರಾಗಿರುವ ಇಂದಿನ ಯುವ ಸಮೂಹ ಅದಕ್ಕಾಗಿ ಅಗತ್ಯವಿರುವ ಸಮಯಕ್ಕಾಗಿ ಕಾಯುವಷ್ಟೂ ವ್ಯವಧಾನವಿಲ್ಲ. ಹೀಗಾಗಿ ತ್ವರಿತವಾಗಿ ಮಾಂಸಖಂಡಗಳನ್ನು ಉಬ್ಬಿಸಿಕೊಳ್ಳಲು ಗ್ರೋತ್‌ ಹಾರ್ಮೋನ್‌ಗಳು, ಸ್ಟೆರಾಯ್ಡ್‌ಗಳ ಮೊರೆ ಹೋಗುತ್ತಿದ್ದಾರೆ. ಇನ್ನೂ ಕೆಲವರು ಚುಚ್ಚುಮದ್ದು ಅಥವಾ ಅನ್ಯ ಮಾರ್ಗಗಳನ್ನು ಆಯ್ದುಕೊಂಡು ಪ್ರಾಣ ಕಳೆದುಕೊಂಡ ಉದಾಹರಣೆಗಳೂ ಇವೆ.