ಗುರುವಾರ, 28 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ದೀಪಿಕಾ ಪಡುಕೋಣೆ ರಣವೀರ್ ಮದುವೆ ನವೆಂಬರ್‌ನಲ್ಲಿ?

Last Updated 4 ಮೇ 2018, 19:30 IST
ಅಕ್ಷರ ಗಾತ್ರ

ಗುಳಿಕೆನ್ನೆಯ ಬೆಡಗಿ ದೀಪಿಕಾ ಪಡುಕೋಣೆ ಮತ್ತು ನಟ ರಣವೀರ್ ಸಿಂಗ್ ಅವರ ಮದುವೆ ನವೆಂಬರ್‌ನಲ್ಲಿ ಆಗಲಿದೆ ಎಂಬ ಸುದ್ದಿ ಬಾಲಿವುಡ್ ಅಂಗಳದಲ್ಲಿ ಸದ್ದು ಮಾಡುತ್ತಿದೆ.

ಈಗಾಗಲೇ ದೀಪಿಕಾ ಮತ್ತು ರಣವೀರ್ ಅವರ ಎರಡೂ ಕುಟುಂಬಗಳು ಭೇಟಿ ಮಾಡಿದ್ದು, ಮದುವೆಯ ಕುರಿತು ಮಾತುಕತೆ ನಡೆಸಿವೆ. ಎರಡೂ ಕುಟುಂಬಗಳ ಒಮ್ಮತದ ಮೇರೆಗೆ ನವೆಂಬರ್‌ನಲ್ಲಿ ಮದುವೆ ನಡೆಯಲಿದೆ ಎಂಬ ಸುದ್ದಿ ಜೋರಾಗಿ ಹರಿದಾಡುತ್ತಿದೆ. ಈ ಸುದ್ದಿಗೆ ಇಂಬು ಕೊಡುವಂತೆ ದೀಪಿಕಾ ಮತ್ತು ರಣವೀರ್ ಸಹ ನವೆಂಬರ್‌ನಲ್ಲಿ ಯಾವುದೇ ಸಿನಿಮಾಗಳಿಗೆ ಡೇಟ್ ಕೊಟ್ಟಿಲ್ಲವಂತೆ. ದೀಪಿಕಾ ತನ್ನ ಸಹಾಯಕರಿಗೆ ನವೆಂಬರ್‌ ತಿಂಗಳಲ್ಲಿ ರಜೆ ತೆಗೆದುಕೊಳ್ಳದಂತೆ ತಾಕೀತು ಸಹ ಮಾಡಿದ್ದಾರಂತೆ. ಇದನ್ನೆಲ್ಲಾ ಗಮನಿಸಿದರೆ ದೀಪಿಕಾ ಮತ್ತು ರಣವೀರ್ ಮದುವೆ ನವೆಂಬರ್‌ನಲ್ಲಿ ಗ್ಯಾರಂಟಿ ಅನ್ನುತ್ತಿದ್ದಾರೆ ಅಭಿಮಾನಿಗಳು.

ದೀಪಿಕಾ ಅಪ್ಪ–ಅಮ್ಮ ನೆಲೆಸಿರುವ ಬೆಂಗಳೂರು ಮತ್ತು ರಣವೀರ್ ಕುಟುಂಬ ಇರುವ ಮುಂಬೈ ಎರಡೂ ಕಡೆಗಳಲ್ಲಿ ಮದುವೆಯ ಸಿದ್ಧತೆಗಳು ನಡೆಯಲಿವೆ. ಆದರೆ, ಮದುವೆ ಸ್ವದೇಶದಲ್ಲಿ ನಡೆಯಲಿದೆಯೋ ಅಥವಾ ವಿದೇಶದಲ್ಲೋ ಎನ್ನುವ ವಿಷಯ ಇನ್ನೂ ಸ್ಪಷ್ಟವಾಗಿಲ್ಲ. ಎರಡೂ ಕುಟುಂಬಗಳ ಆಪ್ತರು ಮತ್ತು ಸ್ನೇಹಿತರಿಗಷ್ಟೇ ಮದುವೆಗೆ ಆಹ್ವಾನವಿದೆಯಂತೆ. 

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT