ಸೋಮವಾರ, ಮೇ 10, 2021
19 °C

ಶುಕ್ರವಾರ, 24–5–1968

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ವೀರೇಂದ್ರ ಪಾಟೀಲ್ ರಾಜ್ಯದ ನೂತನ ಮುಖ್ಯಮಂತ್ರಿ

ಬೆಂಗಳೂರು, ಮೇ 23– ನಲವತ್ತೈದು ವರ್ಷ ವಯಸ್ಸಿನ ಲೋಕೋಪಯೋಗಿ ಸಚಿವ ಶ್ರೀ ವೀರೇಂದ್ರ ಪಾಟೀಲ್ ಅವರು ಮೈಸೂರು ರಾಜ್ಯದ ನೂತನ ಮುಖ್ಯಮಂತ್ರಿ.

ಇಂದು ಬೆಳಿಗ್ಗೆ ಸೇರಿದ್ದ ವಿಧಾನಮಂಡಲದ ಕಾಂಗ್ರೆಸ್ ಪಕ್ಷದ ಸಭೆಯಲ್ಲಿ ನಡೆದ ಸದಸ್ಯರ ಅಭಿಪ್ರಾಯ ಸಂಗ್ರಹದಲ್ಲಿ ‘ಭಾರಿ ಬಹುಮತ’ವನ್ನು ಗಳಿಸಿದ ಶ್ರೀ ಪಾಟೀಲ್ ಅವರನ್ನು ಪಕ್ಷ ಸರ್ವಾನುಮತದಿಂದ ತನ್ನ ನಾಯಕನನ್ನಾಗಿ ಆರಿಸಿತು.

ನಾಯಕ ಸ್ಥಾನಕ್ಕೆ ಮತ್ತೊಬ್ಬ ಸ್ಪರ್ಧಿಯಾಗಿದ್ದ ಸಚಿವ ಬಿ.ಡಿ. ಜತ್ತಿ ಅವರು ಶ್ರೀ ವೀರೇಂದ್ರ ಪಾಟೀಲ್ ಅವರ ಹೆಸರನ್ನು ಸೂಚಿಸಿದರು.

**

ವೀರೇಂದ್ರರ ಪರ 133, ಜತ್ತಿ ಅವರಿಗೆ 41 ಮತ

ಬೆಂಗಳೂರು, ಮೇ 23– ಇಂದು ವಿಧಾನ ಮಂಡಲದ ಕಾಂಗ್ರೆಸ್ ಪಕ್ಷದಲ್ಲಿ ಅನೌಪಚಾರಿಕವಾಗಿ ನಡೆದ ಸದಸ್ಯರ ಅಭಿಪ್ರಾಯ ಸಂಗ್ರಹಣೆಯಲ್ಲಿ 133 ಮಂದಿ ಸದಸ್ಯರು ಸಚಿವ ಶ್ರೀ ವೀರೇಂದ್ರ ಪಾಟೀಲ್ ಅವರಿಗೂ 41 ಮಂದಿ ಸಚಿವ ಶ್ರೀ ಜತ್ತಿ ಅವರಿಗೂ ಬೆಂಬಲ ನೀಡಿದರೆಂದು ತಿಳಿದುಬಂದಿದೆ.

**

ಇಳಿದ ಭಾರ

ಬೆಂಗಳೂರು, ಮೇ 23– ಪರೀಕ್ಷೆ ಮುಗಿದ ದಿನ ವಿದ್ಯಾರ್ಥಿಯ ಮನಸ್ಸು ಎಷ್ಟು ಹಗುರ.

ಇಂದು ಕಾಂಗ್ರೆಸ್ ಪಕ್ಷದ ನಾಯಕತ್ವದ ಹೊಣೆಯಿಂದ ದೂರವಾದ ಶ್ರೀ ನಿಜಲಿಂಗಪ್ಪ ಅವರ ಮನಸ್ಸು ಹಗುರವಾಗಿತ್ತು. ‘ಒಂದು ಭಾರ ಕಳೆಯಿತು’ ಎಂದರು.

ಸಂಜೆ ನಗರದ ಪತ್ರಿಕಾ ವರದಿಗಾರರು ಏರ್ಪಡಿಸಿದ್ದ ಸತ್ಕಾರ ಕೂಟದಲ್ಲಿ ಮುಖ್ಯಮಂತ್ರಿಗಳು ಪರೀಕ್ಷೆಯ ಕಡೆಯ ದಿನದ ಆನಂದವನ್ನು ನೆನೆದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.