<p>ದೊಡ್ಡ ಮಾತಾಡಬೇಡ. ಹೋಗು… ಸಮೋಸಾ ಮಾರು’- ಸಹಪಾಠಿ ಹೀಗೆ ಕಿಚಾಯಿಸಿದ ದಿನ ನೇಹಾ ಕಕ್ಕರ್ ಮನೆಗೆ ಹೋಗಿ ಗೊಳೋ ಎಂದು ಅತ್ತಿದ್ದಳು. ಆಗಿನ್ನೂ ಆರರ ಹುಡುಗಿ. ಅಪ್ಪ ಸಂಜೆಯಾಯಿತೆಂದರೆ ಒಲೆ ಮೇಲೆ ಬಾಣಲೆ ಇಟ್ಟು, ಬಿಸಿ ಬಿಸಿ ಸಮೋಸ ಮಾಡಿ, ಮಾರುತ್ತಿದ್ದರು.</p>.<p>ಎಣ್ಣೆಯಲ್ಲಿ ಸಮೋಸ ಬೇಯುವ ನಡುವೆಯೇ ನೇಹಾ ಅಲ್ಲೊಂದು ಹಾಡು ಹೇಳಿದಳೆಂದರೆ, ‘ವಾಹ್ ವಾಹ್’ ಎನ್ನುತ್ತಲೇ ಸಮೋಸ ಜತೆಗೆ ಅದನ್ನು ನೆಚ್ಚಿಕೊಳ್ಳುವ ಸಹೃದಯರೂ ಇದ್ದರು. ಆದರೆ, ಗಾಯಕಿಯಾಗುವ ಕನಸು ಹೊತ್ತ ಹುಡುಗಿಗೆ ಸ್ನೇಹಿತೆಯೇ ಚುಚ್ಚಿದರೆ ಸಂಕಟವಾಗುವುದು ಸಹಜವೇ.</p>.<p>ಶಾಸ್ತ್ರೀಯ ಸಂಗೀತ ಕಲಿಯಲು ಗುರುವಿನ ಸನ್ನಿಧಿಗೆ ಸೇರುವಷ್ಟು ಬೆಂಬಲ ಮನೆಯಲ್ಲಿ ನೇಹಾಗೆ ಇರಲಿಲ್ಲ. ಹಾಗಂತ ಯಾರೂ ಹಾಡಲು ಅಡ್ಡಿಪಡಿಸುತ್ತಿರಲಿಲ್ಲ.</p>.<p>ಅಕ್ಕ ಸೋನು ಕಕ್ಕರ್ ಕಂಠವೂ ಚೆನ್ನಾಗಿತ್ತು. ಅಕ್ಕ-ತಂಗಿಯರ ಹಾಡೆಂದರೆ ದೆಹಲಿ, ಗುರುಗ್ರಾಮದ ಗಲ್ಲಿಗಲ್ಲಿಗಳೆಲ್ಲ ಕಿವಿ ಅರಳಿಸಿಕೊಳ್ಳುತ್ತಿದ್ದವು. ಎಣ್ಣೆಯಲ್ಲಿ ಅಪ್ಪ ಸಮೋಸ ತೇಲಿಬಿಡುವ ಹೊತ್ತಿಗೆ ಅಕ್ಕ-ತಂಗಿಯರು ಯಾವುದೋ ಮೊಹಲ್ಲಾದ ‘ಮಾತಾ ಕಿ ಚೌಕಿ’ ಧಾರ್ಮಿಕ ಕಾರ್ಯಕ್ರಮದಲ್ಲಿ ಭಜನೆ ಮಾಡುತ್ತಿದ್ದರು. ಭಕ್ತಿಭಾವದಲ್ಲಿ ಇಬ್ಬರೂ ಭಜನೆಗಳನ್ನು ಹಾಡುತ್ತಿದ್ದರೆ ದೈವಾಂಶವನ್ನೇ ಅವರಿಬ್ಬರಲ್ಲಿ ಜನ ಕಾಣುತ್ತಿದ್ದರು. ಕೆಲವು ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ರಾತ್ರಿಯಿಡೀ ಹಾಡಬೇಕಿತ್ತು.</p>.<p>ಗಂಟಲಲ್ಲಿ ಕಿಚ್ ಕಿಚ್ ಬಂದರೆ ಒಂದಿಷ್ಟು ಬಿಸಿ ಚಹಾವೇ ಔಷಧ. ಜಾಗರಣೆಯಿದ್ದು, ಗಂಟೆಗಟ್ಟಲೆ ಹಾಡಿದ ಮೇಲೆ ಭಕ್ತರು ಕೊಡುತ್ತಿದ್ದ ಹಣವನ್ನು ಪುಟ್ಟ ಕೈಚೀಲಕ್ಕೆ ಹಾಕಿಕೊಂಡು ಹೊರಡುತ್ತಿದ್ದ ಅಕ್ಕ-ತಂಗಿಯರ ಮಾತೆಲ್ಲವೂ ಸಂಗೀತದ ಭವಿಷ್ಯದ ಸುತ್ತಲೇ ಗಿರಕಿ ಹೊಡೆಯುತ್ತಿತ್ತು. ಚಿಕ್ಕಾಸು ಕೂಡಿಡುತ್ತಲೇ ಭವಿತವ್ಯದ ಕುರಿತು ಕನಸು ಕಾಣುತ್ತಿದ್ದ ಇಬ್ಬರ ಇರಾದೆ ಮಾತ್ರ ಪಕ್ಕಾ. ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಮಾಡುತ್ತಿದ್ದ ಭಜನೆಯೇ ರಿಯಾಜ್.</p>.<p>ನಾಲ್ಕನೇ ವಯಸ್ಸಿನಿಂದ ಹದಿನಾರರವರೆಗೆ ನೇಹಾ ಹಾಡುಗಾರಿಕೆಯನ್ನು ಸುಧಾರಿಸಿಕೊಂಡಿದ್ದೇ ಭಜನೆಗಳನ್ನು ಹಾಡುವ ಮೂಲಕ. ಅನುಕರಣೆಯ ಆ ಮಾದರಿಯಲ್ಲೂ ತನ್ನತನದ ಛಾಪನ್ನು ಮೂಡಿಸಲು ಅವಳು ಹೆಣಗಾಡುತ್ತಿದ್ದಳು. ಅದುವರೆಗಿನ ರಿಯಾಜ್ಗೆ ಅರ್ಥ ಸಿಕ್ಕಿದ್ದು ‘ಇಂಡಿಯನ್ ಐಡಲ್’ ರಿಯಾಲಿಟಿ ಷೋನ ಎರಡನೇ ಆವೃತ್ತಿಯ ಸ್ಪರ್ಧಿಯಾಗಿ ಆಯ್ಕೆಯಾದ ಮೇಲೆ. ಅಲ್ಲಿಂದ ಬದುಕು ಬದಲಾಯಿತು.</p>.<p>ನೇಹಾ ಎಂಬ ‘ಅವಳು’, ‘ಅವರು’ ಎಂದು ಕರೆಸಿಕೊಳ್ಳುವ ಮಟ್ಟಕ್ಕೆ ಬೆಳೆದ ಪುಟ್ಟ ಸತ್ಯಕಥೆ ಇದು.</p>.<p>‘ನೇಹಾ-ದಿ ರಾಕ್ ಸ್ಟಾರ್’ ಎಂಬ ಆಲ್ಬಂ ಮಾಡಿದಾಗ ಯುವಜನತೆ ಈ ಹುಡುಗಿಯ ಪ್ರತಿಭೆಯತ್ತ ಆಕರ್ಷಿತವಾಯಿತು. ಆ ಆಲ್ಬಂ ಸೂಪರ್ ಹಿಟ್ ಆಯಿತು. ‘ಇಂಡಿಯನ್ ಐಡಲ್’ ಸ್ಪರ್ಧೆಯಲ್ಲಿ ಅನುರಣಿಸಿದ ಕಂಠಕ್ಕೂ ಜನಮನ್ನಣೆ. ಬಾಲಿವುಡ್ ಅವಕಾಶದ ದಿಡ್ಡಿಬಾಗಿಲು ತೆರೆಯಿತು.</p>.<p>ಪಂಜಾಬಿ, ಸೂಫಿ ಶೈಲಿಯ ಹಾಡುಗಳಿಗೆ ಅಗತ್ಯವಿದ್ದ ಪಲುಕು ತುಂಬಿದ ನೇಹಾ ಕಳೆದ ಎರಡು ವರ್ಷಗಳ ಅವಧಿಯಲ್ಲಿ ಸದ್ದು ಮಾಡಿದ ಬಾಲಿವುಡ್ ಗಾಯಕ-ಗಾಯಕಿಯರ ಯಾದಿಯಲ್ಲಿ ಪ್ರಮುಖರು.</p>.<p>ಇದೇ ನೇಹಾ ರಿಯಾಲಿಟಿ ಷೋ ತೀರ್ಪುಗಾರ್ತಿಯ ಕುರ್ಚಿ ಮೇಲೆ ಕೂರುತ್ತಾರೆ. ಎದೆತುಂಬಿ ಹಾಡುವ ಮಕ್ಕಳ ಗೀತೆಗಳನ್ನು ಮನತುಂಬಿ ಕೇಳುತ್ತಾರೆ.</p>.<p>ಮಕ್ಕಳ ಜತೆ ಮಗುವಿನಂತೆ ಬೆರೆಯುವ ಅವರದ್ದು ಬಿಂದಾಸ್ ವ್ಯಕ್ತಿತ್ವ. ‘ನೇಹಾ ಹಾಡು ಅವರ ಮುಖದ ತುಂಬಾ ಕಾಣುತ್ತದೆ. ಭಾವವನ್ನು ಅನುಭವಿಸಿ ಹಾಡುವ ಅವರ ತೀವ್ರತೆಯನ್ನು ಯಾರುತಾನೆ ಮೆಚ್ಚಿಕೊಳ್ಳದಿರಲು ಸಾಧ್ಯ’ ಎಂದು ವಾರಗೆಯ ಗಾಯಕ ಅರಿಜಿತ್ ಸಿಂಗ್ ಹೊಗಳಿದ್ದರಲ್ಲೂ ಅರ್ಥವಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ದೊಡ್ಡ ಮಾತಾಡಬೇಡ. ಹೋಗು… ಸಮೋಸಾ ಮಾರು’- ಸಹಪಾಠಿ ಹೀಗೆ ಕಿಚಾಯಿಸಿದ ದಿನ ನೇಹಾ ಕಕ್ಕರ್ ಮನೆಗೆ ಹೋಗಿ ಗೊಳೋ ಎಂದು ಅತ್ತಿದ್ದಳು. ಆಗಿನ್ನೂ ಆರರ ಹುಡುಗಿ. ಅಪ್ಪ ಸಂಜೆಯಾಯಿತೆಂದರೆ ಒಲೆ ಮೇಲೆ ಬಾಣಲೆ ಇಟ್ಟು, ಬಿಸಿ ಬಿಸಿ ಸಮೋಸ ಮಾಡಿ, ಮಾರುತ್ತಿದ್ದರು.</p>.<p>ಎಣ್ಣೆಯಲ್ಲಿ ಸಮೋಸ ಬೇಯುವ ನಡುವೆಯೇ ನೇಹಾ ಅಲ್ಲೊಂದು ಹಾಡು ಹೇಳಿದಳೆಂದರೆ, ‘ವಾಹ್ ವಾಹ್’ ಎನ್ನುತ್ತಲೇ ಸಮೋಸ ಜತೆಗೆ ಅದನ್ನು ನೆಚ್ಚಿಕೊಳ್ಳುವ ಸಹೃದಯರೂ ಇದ್ದರು. ಆದರೆ, ಗಾಯಕಿಯಾಗುವ ಕನಸು ಹೊತ್ತ ಹುಡುಗಿಗೆ ಸ್ನೇಹಿತೆಯೇ ಚುಚ್ಚಿದರೆ ಸಂಕಟವಾಗುವುದು ಸಹಜವೇ.</p>.<p>ಶಾಸ್ತ್ರೀಯ ಸಂಗೀತ ಕಲಿಯಲು ಗುರುವಿನ ಸನ್ನಿಧಿಗೆ ಸೇರುವಷ್ಟು ಬೆಂಬಲ ಮನೆಯಲ್ಲಿ ನೇಹಾಗೆ ಇರಲಿಲ್ಲ. ಹಾಗಂತ ಯಾರೂ ಹಾಡಲು ಅಡ್ಡಿಪಡಿಸುತ್ತಿರಲಿಲ್ಲ.</p>.<p>ಅಕ್ಕ ಸೋನು ಕಕ್ಕರ್ ಕಂಠವೂ ಚೆನ್ನಾಗಿತ್ತು. ಅಕ್ಕ-ತಂಗಿಯರ ಹಾಡೆಂದರೆ ದೆಹಲಿ, ಗುರುಗ್ರಾಮದ ಗಲ್ಲಿಗಲ್ಲಿಗಳೆಲ್ಲ ಕಿವಿ ಅರಳಿಸಿಕೊಳ್ಳುತ್ತಿದ್ದವು. ಎಣ್ಣೆಯಲ್ಲಿ ಅಪ್ಪ ಸಮೋಸ ತೇಲಿಬಿಡುವ ಹೊತ್ತಿಗೆ ಅಕ್ಕ-ತಂಗಿಯರು ಯಾವುದೋ ಮೊಹಲ್ಲಾದ ‘ಮಾತಾ ಕಿ ಚೌಕಿ’ ಧಾರ್ಮಿಕ ಕಾರ್ಯಕ್ರಮದಲ್ಲಿ ಭಜನೆ ಮಾಡುತ್ತಿದ್ದರು. ಭಕ್ತಿಭಾವದಲ್ಲಿ ಇಬ್ಬರೂ ಭಜನೆಗಳನ್ನು ಹಾಡುತ್ತಿದ್ದರೆ ದೈವಾಂಶವನ್ನೇ ಅವರಿಬ್ಬರಲ್ಲಿ ಜನ ಕಾಣುತ್ತಿದ್ದರು. ಕೆಲವು ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ರಾತ್ರಿಯಿಡೀ ಹಾಡಬೇಕಿತ್ತು.</p>.<p>ಗಂಟಲಲ್ಲಿ ಕಿಚ್ ಕಿಚ್ ಬಂದರೆ ಒಂದಿಷ್ಟು ಬಿಸಿ ಚಹಾವೇ ಔಷಧ. ಜಾಗರಣೆಯಿದ್ದು, ಗಂಟೆಗಟ್ಟಲೆ ಹಾಡಿದ ಮೇಲೆ ಭಕ್ತರು ಕೊಡುತ್ತಿದ್ದ ಹಣವನ್ನು ಪುಟ್ಟ ಕೈಚೀಲಕ್ಕೆ ಹಾಕಿಕೊಂಡು ಹೊರಡುತ್ತಿದ್ದ ಅಕ್ಕ-ತಂಗಿಯರ ಮಾತೆಲ್ಲವೂ ಸಂಗೀತದ ಭವಿಷ್ಯದ ಸುತ್ತಲೇ ಗಿರಕಿ ಹೊಡೆಯುತ್ತಿತ್ತು. ಚಿಕ್ಕಾಸು ಕೂಡಿಡುತ್ತಲೇ ಭವಿತವ್ಯದ ಕುರಿತು ಕನಸು ಕಾಣುತ್ತಿದ್ದ ಇಬ್ಬರ ಇರಾದೆ ಮಾತ್ರ ಪಕ್ಕಾ. ಧಾರ್ಮಿಕ ಕಾರ್ಯಕ್ರಮಗಳಲ್ಲಿ ಮಾಡುತ್ತಿದ್ದ ಭಜನೆಯೇ ರಿಯಾಜ್.</p>.<p>ನಾಲ್ಕನೇ ವಯಸ್ಸಿನಿಂದ ಹದಿನಾರರವರೆಗೆ ನೇಹಾ ಹಾಡುಗಾರಿಕೆಯನ್ನು ಸುಧಾರಿಸಿಕೊಂಡಿದ್ದೇ ಭಜನೆಗಳನ್ನು ಹಾಡುವ ಮೂಲಕ. ಅನುಕರಣೆಯ ಆ ಮಾದರಿಯಲ್ಲೂ ತನ್ನತನದ ಛಾಪನ್ನು ಮೂಡಿಸಲು ಅವಳು ಹೆಣಗಾಡುತ್ತಿದ್ದಳು. ಅದುವರೆಗಿನ ರಿಯಾಜ್ಗೆ ಅರ್ಥ ಸಿಕ್ಕಿದ್ದು ‘ಇಂಡಿಯನ್ ಐಡಲ್’ ರಿಯಾಲಿಟಿ ಷೋನ ಎರಡನೇ ಆವೃತ್ತಿಯ ಸ್ಪರ್ಧಿಯಾಗಿ ಆಯ್ಕೆಯಾದ ಮೇಲೆ. ಅಲ್ಲಿಂದ ಬದುಕು ಬದಲಾಯಿತು.</p>.<p>ನೇಹಾ ಎಂಬ ‘ಅವಳು’, ‘ಅವರು’ ಎಂದು ಕರೆಸಿಕೊಳ್ಳುವ ಮಟ್ಟಕ್ಕೆ ಬೆಳೆದ ಪುಟ್ಟ ಸತ್ಯಕಥೆ ಇದು.</p>.<p>‘ನೇಹಾ-ದಿ ರಾಕ್ ಸ್ಟಾರ್’ ಎಂಬ ಆಲ್ಬಂ ಮಾಡಿದಾಗ ಯುವಜನತೆ ಈ ಹುಡುಗಿಯ ಪ್ರತಿಭೆಯತ್ತ ಆಕರ್ಷಿತವಾಯಿತು. ಆ ಆಲ್ಬಂ ಸೂಪರ್ ಹಿಟ್ ಆಯಿತು. ‘ಇಂಡಿಯನ್ ಐಡಲ್’ ಸ್ಪರ್ಧೆಯಲ್ಲಿ ಅನುರಣಿಸಿದ ಕಂಠಕ್ಕೂ ಜನಮನ್ನಣೆ. ಬಾಲಿವುಡ್ ಅವಕಾಶದ ದಿಡ್ಡಿಬಾಗಿಲು ತೆರೆಯಿತು.</p>.<p>ಪಂಜಾಬಿ, ಸೂಫಿ ಶೈಲಿಯ ಹಾಡುಗಳಿಗೆ ಅಗತ್ಯವಿದ್ದ ಪಲುಕು ತುಂಬಿದ ನೇಹಾ ಕಳೆದ ಎರಡು ವರ್ಷಗಳ ಅವಧಿಯಲ್ಲಿ ಸದ್ದು ಮಾಡಿದ ಬಾಲಿವುಡ್ ಗಾಯಕ-ಗಾಯಕಿಯರ ಯಾದಿಯಲ್ಲಿ ಪ್ರಮುಖರು.</p>.<p>ಇದೇ ನೇಹಾ ರಿಯಾಲಿಟಿ ಷೋ ತೀರ್ಪುಗಾರ್ತಿಯ ಕುರ್ಚಿ ಮೇಲೆ ಕೂರುತ್ತಾರೆ. ಎದೆತುಂಬಿ ಹಾಡುವ ಮಕ್ಕಳ ಗೀತೆಗಳನ್ನು ಮನತುಂಬಿ ಕೇಳುತ್ತಾರೆ.</p>.<p>ಮಕ್ಕಳ ಜತೆ ಮಗುವಿನಂತೆ ಬೆರೆಯುವ ಅವರದ್ದು ಬಿಂದಾಸ್ ವ್ಯಕ್ತಿತ್ವ. ‘ನೇಹಾ ಹಾಡು ಅವರ ಮುಖದ ತುಂಬಾ ಕಾಣುತ್ತದೆ. ಭಾವವನ್ನು ಅನುಭವಿಸಿ ಹಾಡುವ ಅವರ ತೀವ್ರತೆಯನ್ನು ಯಾರುತಾನೆ ಮೆಚ್ಚಿಕೊಳ್ಳದಿರಲು ಸಾಧ್ಯ’ ಎಂದು ವಾರಗೆಯ ಗಾಯಕ ಅರಿಜಿತ್ ಸಿಂಗ್ ಹೊಗಳಿದ್ದರಲ್ಲೂ ಅರ್ಥವಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
