ಇಂತಹ ಪೋಸ್ಟ್‌ಗಳೊಟ್ಟಿಗೆ ಹಂಚಿಕೊಳ್ಳಲಾಗುತ್ತಿರುವ ಚಿತ್ರವು ಮನೋಹರ್‌ ಲಾಲ್ ಖಟ್ಟರ್ ಅವರದ್ದಲ್ಲ. ಗೂಗಲ್‌ ಇಮೇಜ್‌ ಸರ್ಚ್‌ನಲ್ಲಿ ಹುಡುಕಿದಾಗ ಈ ಚಿತ್ರ ತೀರಾ ಹಳೆಯದ್ದು ಎಂಬುದು ಗೊತ್ತಾಯಿತು. ಈ ಚಿತ್ರವು ಆನ್‌ಲೈನ್‌ನಲ್ಲಿ ಮತ್ತು ಸಾಮಾಜಿಕ ಜಾಲತಾಣಗಳಲ್ಲಿ 2019ರಿಂದಲೂ ಇವೆ. ಕೆಲವು ಪೋಸ್ಟ್‌ಗಳಲ್ಲಿ ಈ ವ್ಯಕ್ತಿಯನ್ನು ಬಳೆ ವ್ಯಾಪಾರಿ ಎಂದು ಕರೆದಿದ್ದರೆ, ಕೆಲವು ಪೋಸ್ಟ್‌ಗಳಲ್ಲಿ ಬಟ್ಟೆ ವ್ಯಾಪಾರಿ ಎಂದು ಕರೆಯಲಾಗಿದೆ. ಖಟ್ಟರ್ ಅವರು ರಾಜೀನಾಮೆ ನೀಡಿದ್ದು 2024ರಲ್ಲಿ. ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿರುವ ಚಿತ್ರದಲ್ಲಿರುವ ವ್ಯಕ್ತಿಯ ಚಹರೆ ಖಟ್ಟರ್ ಅವರಿಗೆ ಹೋಲುತ್ತದೆಯಾದರೂ, ಅದು ಖಟ್ಟರ್ ಅವರದ್ದಲ್ಲ.
