ಛತ್ರಪತಿ ಸಂಭಾಜಿನಗರ: ಮಹಾರಾಷ್ಟ್ರದ ಬೀಡ್ ಜಿಲ್ಲೆಯ ವ್ಯಕ್ತಿಯೊಬ್ಬರು ಹಂದಿಜ್ವರದಿಂದಾಗಿ(ಎಚ್1ಎನ್1) ಮೃತಪಟ್ಟಿದ್ದಾರೆ.
‘ಸಕುದ್ ಜಿಲ್ಲೆಯ ರಾವ್ಸಾಹೇಬ್ ಛಾಟೆ ಅವರು ಎಚ್1ಎನ್1 ಸೋಂಕಿನಿಂದ ಮೃತಪಟ್ಟಿರುವುದು ಪರೀಕ್ಷೆಯಿಂದ ದೃಢಪಟ್ಟಿದೆ’ ಎಂದು ಆರೋಗ್ಯ ಅಧಿಕಾರಿಯೊಬ್ಬರು ಶುಕ್ರವಾರ ತಿಳಿಸಿದ್ದಾರೆ.
‘ಪಂಢರಪುರಕ್ಕೆ ಪ್ರವಾಸ ಮಾಡಿದ್ದ ಛಾಟೆ ಅವರು ಜುಲೈ 15ರಂದು ಮನೆಗೆ ಮರಳಿದ್ದರು. ಮರುದಿನ ಖಾಸಗಿ ಆಸ್ಪತ್ರೆಗೆ ದಾಖಲಾಗಿದ್ದ ಅವರ ಕಫದ ಮಾದರಿಯನ್ನು ಸಂಗ್ರಹಿಸಿ ಪರೀಕ್ಷೆಗೆ ಕಳುಹಿಸಲಾಗಿತ್ತು, ಆದರೆ ಜುಲೈ 17ರಂದು ಅವರು ಮೃತಪಟ್ಟರು’ ಎಂದು ಜಿಲ್ಲಾ ಆರೋಗ್ಯ ಅಧಿಕಾರಿ ಡಾ. ಉಲ್ಲಾಸ್ ಗಂಡಲ್ ಅವರು ತಿಳಿಸಿದ್ದಾರೆ.
ಸುಕುದಾ ಗ್ರಾಮದಲ್ಲಿ ಸರ್ವೆ ನಡೆಸಲಾಗುತ್ತಿದ್ದು, ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ. ಮೃತ ವ್ಯಕ್ತಿಯ ಕುಟುಂಬಸ್ಥರಿಗೆ ಔಷಧ ನೀಡಲಾಗಿದೆ. ಅವರಲ್ಲಿ ಹಂದಿಜ್ವರದ ರೋಗ ಲಕ್ಷಣಗಳು ಕಂಡುಬಂದಿಲ್ಲ ಎಂದು ತಿಳಿಸಿದ್ದಾರೆ.
