ನವದೆಹಲಿ (ಪಿಟಿಐ): ಪಾಕಿಸ್ತಾನದ ಗೂಢಚಾರ ಸಂಸ್ಥೆ ‘ಐಎಸ್‌‘ಗೆ ಸೇನೆಯ ವರ್ಗೀಕೃತ ದಾಖಲೆಗಳನ್ನು ಪೂರೈಸುತ್ತಿದ್ದ ಆರೋಪದಡಿ ಸೇನೆಯ ಸಿಬ್ಬಂದಿಯೊಬ್ಬರು ಸೇರಿದಂತೆ ಇಬ್ಬರನ್ನು ಪೊಲೀಸರು ಬಂಧಿಸಿದ್ದಾರೆ.
‘ಸೂಕ್ಷ್ಮ, ಪ್ರಮುಖ ದಾಖಲೆಗಳನ್ನು ಪೋಖ್ರಾನ್‌ನ ಸೇನಾ ನೆಲೆಯ ಬಳಿ, 34 ವರ್ಷದ ತರಕಾರಿ ವ್ಯಾಪಾರಿಯೊಬ್ಬ ಐಎಸ್‌ಗೆ ಒಪ್ಪಿಸುವಾಗ ಸಿಕ್ಕಿಬಿದ್ದಿದ್ದರಿಂದಾಗಿ ಈ ಪ್ರಕರಣ ಗೊತ್ತಾಗಿತ್ತು. ಪತ್ತೆಯಾದ ದಾಖಲೆಗಳು ಸೇನೆಯ ಪ್ರಮುಖ, ವರ್ಗೀಕರಿಸಿದ ದಾಖಲೆಗಳಾಗಿವೆ’ ಎಂದು ಸೇನೆಯ ಮುಖ್ಯ ಕಚೇರಿಯೂ ದೃಢಪಡಿಸಿದೆ.
ರಾಜಸ್ಥಾನದ ಪೋಖ್ರಾನ್‌ನಲ್ಲಿ ತರಕಾರಿ ಪೂರೈಕೆದಾರ ಹಬೀಬ್ ಖಾನ್‌ ಎಂಬವನನ್ನು ಬಂಧಿಸಲಾಗಿದೆ. ಮುಖ್ಯ ದಾಖಲೆಗಳನ್ನು ನೆರೆಯ ದೇಶಕ್ಕೆ ಪೂರೈಸಲಾಗುತ್ತಿದೆ ಎಂಬ ಮಾಹಿತಿ ಆಧರಿಸಿ ಬಂಧಿಸಿದ್ದು, ಈ ಬಗ್ಗೆ ಮೊಕದ್ದಮೆ ದಾಖಲಿಸಲಾಗಿದೆ’ ಎಂದು ವಿಶೇಷ ಕಮಿಷನರ್‌ (ಅಪರಾಧ) ಪ್ರವೀರ್ ರಂಜನ್‌ ಅವರು ತಿಳಿಸಿದರು.
‘ಇದರಲ್ಲಿ ಸೇನೆಯ ಪರಂಜಿತ್‌ ಅವರ ಪಾತ್ರವಿರುವುದೂ ತನಿಖೆಯಲ್ಲಿ ಗೊತ್ತಾಗಿದೆ. ಪರಂಜಿತ್‌ ಪೋಖ್ರಾನ್‌ನಲ್ಲಿ ಕೆಲಸ ಮಾಡುವಾಗ ಇವರ ಸಂಪರ್ಕಕ್ಕೆ ಬಂದಿದ್ದ ರೆಹಮಾನ್‌ ದಾಖಲೆಗಳನ್ನು ಒದಗಿಸಲು ಕೋರಿದ್ದರು. ಪರಂಜಿತ್‌ ಸದ್ಯ ಆಗ್ರಾ ಕಂಟೋನ್ಮೆಂಟ್‌ನಲ್ಲಿ ಕ್ಲರ್ಕ್‌ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
Lok Sabha Elections Results 2024 |ನರೇಂದ್ರ ಮೋದಿ ಅವರ 'ವಿಕಸಿತ ಭಾರತ' ಅಥವಾ ರಾಹುಲ್ ಗಾಂಧಿ ಅವರ ಇಂಡಿಯಾ ಐಕ್ಯ ಭಾರತ? ಜಗತ್ತಿನ ಅತಿದೊಡ್ಡ ಪ್ರಜಾಪ್ರಭುತ್ವದ 18ನೇ ಲೋಕಸಭೆಗೆ ನಡೆದ ಚುನಾವಣೆ ಫಲಿತಾಂಶದ ಕ್ಷಣ ಕ್ಷಣದ ಮಾಹಿತಿ, ವಿಶ್ವಾಸಾರ್ಹ ವಿಶ್ಲೇಷಣೆ, ಅಂಕಿ ಅಂಶಗಳಿಗಾಗಿ ಪ್ರಜಾವಾಣಿ ನೋಡಿ. ಇದರ ಜೊತಗೆ, ಆಂಧ್ರಪ್ರದೇಶ ಮತ್ತು ಒಡಿಶಾ ವಿಧಾನಸಭೆ ಚುನಾವಣೆಯ ಫಲಿತಾಂಶವೂ ಇಲ್ಲೇ ಲಭ್ಯ. ಪ್ರಜಾವಾಣಿಯನ್ನು ವಾಟ್ಸ್ಆ್ಯಪ್, ಎಕ್ಸ್, ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಂನಲ್ಲಿ ಫಾಲೋ ಮಾಡಲು ಮರೆಯದಿರಿ.
