<p><strong>ನವದೆಹಲಿ:</strong> ‘ನಮೋ ಭಾರತ್’ ರೈಲಿನ ಪ್ರಯಾಣಿಕರು ನಿಗದಿತ ಟಿಕೆಟ್ ದರಕ್ಕಿಂತ ಶೇ 20ರಷ್ಟು ಹೆಚ್ಚು ಮೊತ್ತ ಪಾವತಿಸಿದರೆ ’ಪ್ರೀಮಿಯಂ’ ಕೋಚ್ನ ಸೌಲಭ್ಯಗಳನ್ನು ಪಡೆಯಬಹುದು ಎಂದು ರಾಷ್ಟ್ರ ರಾಜಧಾನಿ ಪ್ರಾದೇಶಿಕ ಸಾರಿಗೆ ಸಂಸ್ಥೆ (ಎನ್ಸಿಆರ್ಟಿಸಿ) ಹೇಳಿದೆ. </p>.<p>‘ಪ್ರೀಮಿಯಂ‘ ಕೋಚ್ನ ಟಿಕೆಟ್ ದರವನ್ನು ‘ಎನ್ಸಿಆರ್ಟಿಸಿ’ ತಗ್ಗಿಸಿದ್ದು, ಪರಿಷ್ಕೃತ ದರದ ಅನ್ವಯ ‘ಸ್ಟ್ಯಾಂಡರ್ಡ್ ಕೋಚ್’ ಟಿಕೆಟ್ ದರ ₹100 ಇದ್ದರೆ, ಅದಕ್ಕೆ ಹೆಚ್ಚುವರಿ ₹20 ಪಾವತಿಸಿ, ಅದನ್ನು ಪ್ರೀಮಿಯಂ ಕೋಚ್ ಟಿಕೆಟ್ ಆಗಿ ಬದಲಿಸಿಕೊಳ್ಳಬಹುದು. </p>.<p>ಪರಿಷ್ಕೃತ ದರದಂತೆ ನ್ಯೂ ಅಶೋಕ್ ನಗರ ಮತ್ತು ಮೀರಠ್ ನಡುವಿನ ಪ್ರಯಾಣ ದರವು ಸ್ಟ್ಯಾಂಡರ್ಡ್ ಕೋಚ್ಗೆ ₹150 ಇದ್ದರೆ, ಪ್ರೀಮಿಯಂ ಕೋಚ್ಗೆ ₹180 ಇರಲಿದೆ. ಗಾಜಿಯಾಬಾದ್ ಮತ್ತು ಆನಂದ್ ವಿಹಾರ್ ನಡುವೆ ಸ್ಟ್ಯಾಂಡರ್ಡ್ ಕೋಚ್ನ ಟಿಕೆಟ್ ದರ ₹40 ಇದ್ದರೆ ₹50ಕ್ಕೆ ಪ್ರೀಮಿಯಂ ಟಿಕೆಟ್ ಲಭಿಸಲಿದೆ. </p>.<p>‘ನಮೋ ಭಾರತ್’ ಅಪ್ಲಿಕೇಷನ್ ಅಥವಾ ‘ಎನ್ಸಿಎಂಸಿ’ ಕಾರ್ಡ್ ಬಳಸಿ ಕ್ಯೂಆರ್ ಟಿಕೆಟ್ ಕಾಯ್ದಿರಿಸುವ ಪ್ರಯಾಣಿಕರಿಗೆ ಲಾಯಲ್ಟಿ ಪಾಯಿಂಟ್ಸ್ ಕೊಡುಗೆಯನ್ನೂ ಎನ್ಸಿಆರ್ಟಿಸಿ ಪ್ರಕಟಿಸಿದೆ. 1 ಪಾಯಿಂಟ್ಗೆ 10 ಪೈಸೆಯಂತೆ, 300 ಪಾಯಿಂಟ್ಸ್ ಸೇರ್ಪಡೆಗೊಂಡಾಗ ಗ್ರಾಹಕರು ಅವನ್ನು ಟಿಕೆಟ್ ಖರೀದಿಗೆ ಬಳಸಿಕೊಳ್ಳಬಹುದಾಗಿದೆ. ‘ನಮೋ ಭಾರತ್‘ ಅಪ್ಲಿಕೇಷನ್ ಬಳಸಿ ಗ್ರಾಹಕರು ರೈಲು ನಿಲ್ದಾಣಗಳಲ್ಲಿ ವಾಹನ ನಿಲುಗಡೆ ಸೌಲಭ್ಯವನ್ನೂ ಪರಿಶೀಲಿಸಿಕೊಳ್ಳಬಹುದು’ ಎಂದು ಎನ್ಸಿಆರ್ಟಿಸಿ ಹೇಳಿದೆ. </p>.<p>ಸದ್ಯ ನಮೋ ಭಾರತ್ ರೈಲುಗಳು ಅಶೋಕ್ ನಗರದಿಂದ ದಕ್ಷಿಣ ಮೀರಠ್ ನಡುವೆ 55 ಕಿ.ಮೀ. ಸಂಚರಿಸುತ್ತಿದ್ದು, ಈ ಮಾರ್ಗದಲ್ಲಿ 11 ನಿಲ್ದಾಣಗಳಿವೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ‘ನಮೋ ಭಾರತ್’ ರೈಲಿನ ಪ್ರಯಾಣಿಕರು ನಿಗದಿತ ಟಿಕೆಟ್ ದರಕ್ಕಿಂತ ಶೇ 20ರಷ್ಟು ಹೆಚ್ಚು ಮೊತ್ತ ಪಾವತಿಸಿದರೆ ’ಪ್ರೀಮಿಯಂ’ ಕೋಚ್ನ ಸೌಲಭ್ಯಗಳನ್ನು ಪಡೆಯಬಹುದು ಎಂದು ರಾಷ್ಟ್ರ ರಾಜಧಾನಿ ಪ್ರಾದೇಶಿಕ ಸಾರಿಗೆ ಸಂಸ್ಥೆ (ಎನ್ಸಿಆರ್ಟಿಸಿ) ಹೇಳಿದೆ. </p>.<p>‘ಪ್ರೀಮಿಯಂ‘ ಕೋಚ್ನ ಟಿಕೆಟ್ ದರವನ್ನು ‘ಎನ್ಸಿಆರ್ಟಿಸಿ’ ತಗ್ಗಿಸಿದ್ದು, ಪರಿಷ್ಕೃತ ದರದ ಅನ್ವಯ ‘ಸ್ಟ್ಯಾಂಡರ್ಡ್ ಕೋಚ್’ ಟಿಕೆಟ್ ದರ ₹100 ಇದ್ದರೆ, ಅದಕ್ಕೆ ಹೆಚ್ಚುವರಿ ₹20 ಪಾವತಿಸಿ, ಅದನ್ನು ಪ್ರೀಮಿಯಂ ಕೋಚ್ ಟಿಕೆಟ್ ಆಗಿ ಬದಲಿಸಿಕೊಳ್ಳಬಹುದು. </p>.<p>ಪರಿಷ್ಕೃತ ದರದಂತೆ ನ್ಯೂ ಅಶೋಕ್ ನಗರ ಮತ್ತು ಮೀರಠ್ ನಡುವಿನ ಪ್ರಯಾಣ ದರವು ಸ್ಟ್ಯಾಂಡರ್ಡ್ ಕೋಚ್ಗೆ ₹150 ಇದ್ದರೆ, ಪ್ರೀಮಿಯಂ ಕೋಚ್ಗೆ ₹180 ಇರಲಿದೆ. ಗಾಜಿಯಾಬಾದ್ ಮತ್ತು ಆನಂದ್ ವಿಹಾರ್ ನಡುವೆ ಸ್ಟ್ಯಾಂಡರ್ಡ್ ಕೋಚ್ನ ಟಿಕೆಟ್ ದರ ₹40 ಇದ್ದರೆ ₹50ಕ್ಕೆ ಪ್ರೀಮಿಯಂ ಟಿಕೆಟ್ ಲಭಿಸಲಿದೆ. </p>.<p>‘ನಮೋ ಭಾರತ್’ ಅಪ್ಲಿಕೇಷನ್ ಅಥವಾ ‘ಎನ್ಸಿಎಂಸಿ’ ಕಾರ್ಡ್ ಬಳಸಿ ಕ್ಯೂಆರ್ ಟಿಕೆಟ್ ಕಾಯ್ದಿರಿಸುವ ಪ್ರಯಾಣಿಕರಿಗೆ ಲಾಯಲ್ಟಿ ಪಾಯಿಂಟ್ಸ್ ಕೊಡುಗೆಯನ್ನೂ ಎನ್ಸಿಆರ್ಟಿಸಿ ಪ್ರಕಟಿಸಿದೆ. 1 ಪಾಯಿಂಟ್ಗೆ 10 ಪೈಸೆಯಂತೆ, 300 ಪಾಯಿಂಟ್ಸ್ ಸೇರ್ಪಡೆಗೊಂಡಾಗ ಗ್ರಾಹಕರು ಅವನ್ನು ಟಿಕೆಟ್ ಖರೀದಿಗೆ ಬಳಸಿಕೊಳ್ಳಬಹುದಾಗಿದೆ. ‘ನಮೋ ಭಾರತ್‘ ಅಪ್ಲಿಕೇಷನ್ ಬಳಸಿ ಗ್ರಾಹಕರು ರೈಲು ನಿಲ್ದಾಣಗಳಲ್ಲಿ ವಾಹನ ನಿಲುಗಡೆ ಸೌಲಭ್ಯವನ್ನೂ ಪರಿಶೀಲಿಸಿಕೊಳ್ಳಬಹುದು’ ಎಂದು ಎನ್ಸಿಆರ್ಟಿಸಿ ಹೇಳಿದೆ. </p>.<p>ಸದ್ಯ ನಮೋ ಭಾರತ್ ರೈಲುಗಳು ಅಶೋಕ್ ನಗರದಿಂದ ದಕ್ಷಿಣ ಮೀರಠ್ ನಡುವೆ 55 ಕಿ.ಮೀ. ಸಂಚರಿಸುತ್ತಿದ್ದು, ಈ ಮಾರ್ಗದಲ್ಲಿ 11 ನಿಲ್ದಾಣಗಳಿವೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
