ಗೋವಾ ದೇಗುಲದಲ್ಲಿ ಕಾಲ್ತುಳಿತ ಪ್ರಕರಣ: DC, SP ಎತ್ತಂಗಡಿ ಮಾಡಿದ ರಾಜ್ಯಸರ್ಕಾರ

ಪಣಜಿ: ಗೋವಾದ ಉತ್ತರ ಭಾಗದಲ್ಲಿನ ಶಿರಗಾಂವ್ ಗ್ರಾಮದ ದೇವಾಲಯದಲ್ಲಿ ಶನಿವಾರ ಆರು ಜನರ ಸಾವಿಗೆ ಕಾರಣವಾದ ಕಾಲ್ತುಳಿತ ಪ್ರಕರಣ ನಡೆದ ಕೆಲವೇ ಗಂಟೆಗಳಲ್ಲಿ ಜಿಲ್ಲಾಧಿಕಾರಿ, ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಸೇರಿದಂತೆ ಐವರು ಅಧಿಕಾರಿಗಳ ಎತ್ತಂಗಡಿ ಮಾಡಿ ರಾಜ್ಯ ಸರ್ಕಾರ ಆದೇಶಿಸಿದೆ.

‘ಕಾಲ್ತುಳಿತ ಪ್ರಕರಣದ ನಿಷ್ಪಕ್ಷಪಾತ ತನಿಖೆ ನಡೆಸುವ ಉದ್ದೇಶದಿಂದ ಜಿಲ್ಲಾಧಿಕಾರಿ ಸ್ನೇಹಾ ಗಿತ್ತೇ, ಉತ್ತರ ಗೋವಾ ಎಸ್ಪಿ ಅಕ್ಷತ್ ಕುಶಾಲ್, ಡಿಎಸ್ಪಿ ಜಿವ್ಬಾ ದಾಲ್ವಿ, ಹೆಚ್ಚುವರಿ ಜಿಲ್ಲಾಧಿಕಾರಿ ಭೀಮನಾಥ ಕೊರ್ಜುವೇಕರ್, ಇನ್ಸ್ಪೆಕ್ಟರ್ ದಿನೇಶ್ ಗಡೇಕರ್ ಅವರನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ವರ್ಗಾವಣೆ ಮಾಡಲಾಗಿದೆ’ ಎಂದು ಮುಖ್ಯಮಂತ್ರಿ ಪ್ರಮೋದ್ ಸಾವಂತ್ ಅವರು ತಿಳಿಸಿದ್ದಾರೆ.

ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಸಾವಂತ್, ‘ಘಟನೆ ಕುರಿತು ತನಿಖೆ ನಡೆಸಲು ಸತ್ಯ ಶೋಧನಾ ಸಮಿತಿ ರಚಿಸಲಾಗಿದೆ. ಕಂದಾಯ ಇಲಾಖೆ ಕಾರ್ಯದರ್ಶಿ ಸಂದೀಪ್ ಜೇಖಸ್ ಅವರ ಅಧ್ಯಕ್ಷತೆಯ ಈ ಸಮಿತಿಯಲ್ಲಿ ಹಿರಿಯ ಪೊಲೀಸ್ ಅಧಿಕಾರಿ ವರ್ಮಾ ಶರ್ಮಾ, ಪರಿಮಳಾ ಅಭಿಷೇಕ್, ಸಾರಿಗೆ ಇಲಾಖೆ ನಿರ್ದೇಶಕ ಟಿಕಂ ಸಿಂಗ್ ವರ್ಮಾ, ದಕ್ಷಿಣ ಗೋವಾ ಎಸ್ಪಿ ಸದಸ್ಯರಾಗಿದ್ದಾರೆ’ ಎಂದು ತಿಳಿಸಿದ್ದಾರೆ.

.ಗೋವಾದ ಶಿರ್ಗಾಂವ್ ದೇಗುಲದಲ್ಲಿ ಕಾಲ್ತುಳಿತ: 6 ಸಾವು, 30ಕ್ಕೂ ಅಧಿಕ ಮಂದಿಗೆ ಗಾಯ.ಗೋವಾ | ಶಿರ್ಗಾಂವ್ ದೇಗುಲದಲ್ಲಿ ಕಾಲ್ತುಳಿತ: ತನಿಖೆಗೆ ಸಿಎಂ ಆದೇಶ. ‘ಈ ಸಮಿತಿಯು ಘಟನೆ ನಡೆದ ಸ್ಥಳಗಳಿಗೆ ಭೇಟಿ ನೀಡಿ, ನೊಂದ ಕುಟುಂಬದವರನ್ನೂ ಸಂಪರ್ಕಿಸಿ ಮಾಹಿತಿ ಕಲೆಹಾಕಲಿದೆ. ಜತೆಗೆ ಜಿಲ್ಲಾಧಿಕಾರಿ, ಪೊಲೀಸ್ ಮತ್ತು ತುರ್ತು ಸೇವೆಗಳ ಇಲಾಖೆಯ ಅಧಿಕಾರಿಗಳ ಹೇಳಿಕೆಗಳನ್ನೂ ದಾಖಲಿಸಿಕೊಳ್ಳಲಿದೆ’ ಎಂದಿದ್ದಾರೆ.

ಭಾನುವಾರ ಬೆಳಿಗ್ಗೆ ಈ ಸಮಿತಿಯು ತನ್ನ ವರದಿಯನ್ನು ಸಲ್ಲಿಸಲಿದೆ. ಘಟನೆಯಲ್ಲಿ ಆರು ಜನ ಮೃತಪಟ್ಟಿದ್ದಾರೆ. 11 ಮಂದಿ ಗಾಯಗೊಂಡಿದ್ದು, ಅವರನ್ನು ಗೋವಾ ವೈದ್ಯಕೀಯ ಕಾಲೇಜು ಮತ್ತು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇವರಲ್ಲಿ ಐವರು ವೆಂಟಿಲೇಟರ್ನಲ್ಲಿದ್ದಾರೆ. ಉಳಿದವರಿಗೆ ಉತ್ತರ ಗೋವಾದಲ್ಲಿರುವ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ’ ಎಂದಿದ್ದಾರೆ.

ಪಣಜಿಯಿಂದ ಸುಮಾರು 40 ಕಿ.ಮೀ ದೂರದಲ್ಲಿರುವ ಶಿರ್ಗಾಂವ್ ಗ್ರಾಮದಲ್ಲಿರುವ ಶ್ರೀ ಲೈರಾಯಿ ದೇವಿ ದೇಗುಲದ ವಾರ್ಷಿಕ ಉತ್ಸವ ಹಿನ್ನೆಲೆ ಕನಿಷ್ಠ 30 ಸಾವಿರರಿಂದ 40 ಸಾವಿರ ಜನ ಸೇರಿದ್ದರು. ಇಂದು ಬೆಳಗಿನ ಜಾವ 3ಗಂಟೆ ಸುಮಾರಿಗೆ ಕಾಲ್ತುಳಿತ ಸಂಭವಿಸಿದೆ. ಘಟನೆಯಲ್ಲಿ ಕನಿಷ್ಠ 6 ಜನ ಮೃತಪಟ್ಟು, 30ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗೋವಾ ದೇಗುಲದಲ್ಲಿ ಕಾಲ್ತುಳಿತ ಪ್ರಕರಣ: DC, SP ಎತ್ತಂಗಡಿ ಮಾಡಿದ ರಾಜ್ಯಸರ್ಕಾರ

ಚಿನಕುರುಳಿ ಕಾರ್ಟೂನು: 13 ಮಾರ್ಚ್ 2026

ಚುರುಮುರಿ: ವರ್ಷ ಆರು, ದೇವರು ನೂರಾರು!

ಚಿನಕುರುಳಿ ಕಾರ್ಟೂನು: 12 ಮಾರ್ಚ್ 2026

ಗುಂಡಣ್ಣ ಕಾರ್ಟೂನ್: ಗುರುವಾರ, ಮಾರ್ಚ್ 12 2026

ಪ್ರೊಮೋದಲ್ಲಿ ರಜನಿ ಹಾಡು ವಿರೋಧಿಸಿ CSK ವಿರುದ್ಧ ಹೈಕೋರ್ಟ್‌ಗೆ ಸನ್‌ ಮೊರೆ

ಫಿಫಾ ವಿಶ್ವಕಪ್‌ನಲ್ಲಿ ಇರಾನ್‌ ಆಟಗಾರರ ಸುರಕ್ಷತೆಗೆ ನಾನು ಜವಾಬ್ದಾರನಲ್ಲ: ಟ್ರಂಪ್

ಕಾವ್ಯಾ ಮಾರನ್ ಮಾಲೀಕತ್ವದ ತಂಡಕ್ಕೆ ಆಯ್ಕೆಯಾದ ಪಾಕ್‌ನ ಅಬ್ರಾರ್ ಅಹ್ಮದ್‌

ಹಾಕಿ ವಿಶ್ವಕಪ್: ಇಟಲಿ ವಿರುದ್ಧ ಸೆಮಿಫೈನಲ್ ಪಂದ್ಯ ಇಂದು

ಒಳನೋಟ: ಸವಾಲು ಮೆಟ್ಟಿ ಉದ್ಯಮ ಕಟ್ಟಿ

ಒಳನೋಟ: ನೆಡುತೋಪಿನಿಂದ ವನ ವಿಸ್ತರಣೆ?

ಒಳನೋಟ | ಕೋಟಿ ವೃಕ್ಷ ಅಭಿಯಾನಕ್ಕೆ ಜನ ಸಹಭಾಗಿತ್ವ: ಹಸಿರಾಗುತ್ತಿದೆ ವಿಜಯಪುರ

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಚಿನಕುರುಳಿ ಕಾರ್ಟೂನು: 13 ಮಾರ್ಚ್ 2026

ಚುರುಮುರಿ: ವರ್ಷ ಆರು, ದೇವರು ನೂರಾರು!

ಚಿನಕುರುಳಿ ಕಾರ್ಟೂನು: 12 ಮಾರ್ಚ್ 2026

ಗುಂಡಣ್ಣ ಕಾರ್ಟೂನ್: ಗುರುವಾರ, ಮಾರ್ಚ್ 12 2026