<p><strong>ನವದೆಹಲಿ:</strong> ಭಾರತದ ವ್ಯಾಪ್ತಿಯ ಸಮುದ್ರದ ಮೇಲೆ ನಿಗಾ ಇಡುವ ಉದ್ದೇಶದಿಂದ ಅಮೆರಿಕದ ರಕ್ಷಣಾ ಉಪಕರಣಗಳ ಉತ್ಪಾದನಾ ಕಂಪನಿ ಜನರಲ್ ಆಟೋಮಿಕ್ಸ್ ನಿಂದ ಭಾರತೀಯ ನೌಕಾಪಡೆಯು ಎರಡು ಡ್ರೋನ್ಗಳನ್ನು ಗುತ್ತಿಗೆ ಮೇಲೆ ಪಡೆದಿದೆ.</p>.<p>ಅಗತ್ಯಬಿದ್ದಲ್ಲಿ ಈ ಡ್ರೋನ್ಗಳನ್ನು ಲಡಾಖ್ ಪ್ರದೇಶದಲ್ಲೂ ಈ ಮಾನವರಹಿತ ನೌಕೆಯನ್ನು(ಯುಎವಿ) ನಿಯೋಜಿಸಬಹುದು ಎಂದು ಮೂಲಗಳು ತಿಳಿಸಿವೆ. ಶಸ್ತ್ರ ರಹಿತ ಎಂಕ್ಯು–9ಬಿ ಸೀ ಗಾರ್ಡಿಯನ್ ಡ್ರೋನ್ಗಳನ್ನು ಒಂದು ವರ್ಷಕ್ಕೆ ಭೋಗ್ಯಕ್ಕೆ ಪಡೆಯಲಾಗಿದ್ದು, ಇನ್ನೊಂದು ವರ್ಷಕ್ಕೆ ವಿಸ್ತರಣೆ ಮಾಡುವಂಥ ಆಯ್ಕೆಯೊಂದಿಗೆ ಪಡೆದುಕೊಳ್ಳಲಾಗಿದೆ ಎಂದು ಮೂಲಗಳು ತಿಳಿಸಿವೆ.</p>.<p>ಭಾರತದ ಸಮುದ್ರ ವ್ಯಾಪ್ತಿಯಲ್ಲಿ(ಇಂಡಿಯನ್ ಓಷಿಯನ್ ರೀಜಿಯನ್) ತನ್ನ ಕಣ್ಗಾವಲು ಸಾಮರ್ಥ್ಯ ಹೆಚ್ಚಿಸಿಕೊಳ್ಳುವ ಉದ್ದೇಶದಿಂದ 30 ಶಸ್ತ್ರ ಸಹಿತ ಸೀ ಗಾರ್ಡಿಯನ್ ಡ್ರೋನ್ಗಳನ್ನು ಅಮೆರಿಕದಿಂದ ಖರೀದಿಸುವುದಕ್ಕೆ ಭಾರತೀಯ ನೌಕಾಪಡೆಯು ಚಿಂತನೆ ನಡೆಸುತ್ತಿದ್ದು, ಇದರ ಬೆನ್ನಲ್ಲೇ ಗುತ್ತಿಗೆ ಮೇಲೆ ಎರಡು ಅತ್ಯಾಧುನಿಕ ಡ್ರೋನ್ಗಳನ್ನು ಪಡೆಯಲಾಗಿದೆ. ಈ ತಿಂಗಳ ಆರಂಭದಲ್ಲಿ ಇವುಗಳು ತಮಿಳುನಾಡಿನ ನೌಕಾಪಡೆ ವಾಯುನೆಲೆಗೆ ಬಂದಿಳಿದಿವೆ.</p>.<p>ಕಳೆದ ಸೆಪ್ಟೆಂಬರ್ನಲ್ಲಿ ನೂತನ ರಕ್ಷಣಾ ಉಪಕರಣಗಳ ಖರೀದಿ ಪ್ರಕ್ರಿಯೆಯನ್ನು(ಡಿಎಪಿ) ಸರ್ಕಾರ ಬಿಡುಗಡೆಗೊಳಿಸಿತ್ತು. ಇದರ ಅನ್ವಯ ವಿದೇಶಗಳಿಂದ, ಗುತ್ತಿಗೆ ಆಧಾರದ ಮೇಲೆ ಸೇನಾ ಉಪಕರಣಗಳನ್ನು, ಹೆಲಿಕಾಪ್ಟರ್, ಯುಎವಿಗಳನ್ನು ಪಡೆಯಲು ಮೂರೂ ಸೇನೆಗಳಿಗೂ ಅವಕಾಶ ನೀಡಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಭಾರತದ ವ್ಯಾಪ್ತಿಯ ಸಮುದ್ರದ ಮೇಲೆ ನಿಗಾ ಇಡುವ ಉದ್ದೇಶದಿಂದ ಅಮೆರಿಕದ ರಕ್ಷಣಾ ಉಪಕರಣಗಳ ಉತ್ಪಾದನಾ ಕಂಪನಿ ಜನರಲ್ ಆಟೋಮಿಕ್ಸ್ ನಿಂದ ಭಾರತೀಯ ನೌಕಾಪಡೆಯು ಎರಡು ಡ್ರೋನ್ಗಳನ್ನು ಗುತ್ತಿಗೆ ಮೇಲೆ ಪಡೆದಿದೆ.</p>.<p>ಅಗತ್ಯಬಿದ್ದಲ್ಲಿ ಈ ಡ್ರೋನ್ಗಳನ್ನು ಲಡಾಖ್ ಪ್ರದೇಶದಲ್ಲೂ ಈ ಮಾನವರಹಿತ ನೌಕೆಯನ್ನು(ಯುಎವಿ) ನಿಯೋಜಿಸಬಹುದು ಎಂದು ಮೂಲಗಳು ತಿಳಿಸಿವೆ. ಶಸ್ತ್ರ ರಹಿತ ಎಂಕ್ಯು–9ಬಿ ಸೀ ಗಾರ್ಡಿಯನ್ ಡ್ರೋನ್ಗಳನ್ನು ಒಂದು ವರ್ಷಕ್ಕೆ ಭೋಗ್ಯಕ್ಕೆ ಪಡೆಯಲಾಗಿದ್ದು, ಇನ್ನೊಂದು ವರ್ಷಕ್ಕೆ ವಿಸ್ತರಣೆ ಮಾಡುವಂಥ ಆಯ್ಕೆಯೊಂದಿಗೆ ಪಡೆದುಕೊಳ್ಳಲಾಗಿದೆ ಎಂದು ಮೂಲಗಳು ತಿಳಿಸಿವೆ.</p>.<p>ಭಾರತದ ಸಮುದ್ರ ವ್ಯಾಪ್ತಿಯಲ್ಲಿ(ಇಂಡಿಯನ್ ಓಷಿಯನ್ ರೀಜಿಯನ್) ತನ್ನ ಕಣ್ಗಾವಲು ಸಾಮರ್ಥ್ಯ ಹೆಚ್ಚಿಸಿಕೊಳ್ಳುವ ಉದ್ದೇಶದಿಂದ 30 ಶಸ್ತ್ರ ಸಹಿತ ಸೀ ಗಾರ್ಡಿಯನ್ ಡ್ರೋನ್ಗಳನ್ನು ಅಮೆರಿಕದಿಂದ ಖರೀದಿಸುವುದಕ್ಕೆ ಭಾರತೀಯ ನೌಕಾಪಡೆಯು ಚಿಂತನೆ ನಡೆಸುತ್ತಿದ್ದು, ಇದರ ಬೆನ್ನಲ್ಲೇ ಗುತ್ತಿಗೆ ಮೇಲೆ ಎರಡು ಅತ್ಯಾಧುನಿಕ ಡ್ರೋನ್ಗಳನ್ನು ಪಡೆಯಲಾಗಿದೆ. ಈ ತಿಂಗಳ ಆರಂಭದಲ್ಲಿ ಇವುಗಳು ತಮಿಳುನಾಡಿನ ನೌಕಾಪಡೆ ವಾಯುನೆಲೆಗೆ ಬಂದಿಳಿದಿವೆ.</p>.<p>ಕಳೆದ ಸೆಪ್ಟೆಂಬರ್ನಲ್ಲಿ ನೂತನ ರಕ್ಷಣಾ ಉಪಕರಣಗಳ ಖರೀದಿ ಪ್ರಕ್ರಿಯೆಯನ್ನು(ಡಿಎಪಿ) ಸರ್ಕಾರ ಬಿಡುಗಡೆಗೊಳಿಸಿತ್ತು. ಇದರ ಅನ್ವಯ ವಿದೇಶಗಳಿಂದ, ಗುತ್ತಿಗೆ ಆಧಾರದ ಮೇಲೆ ಸೇನಾ ಉಪಕರಣಗಳನ್ನು, ಹೆಲಿಕಾಪ್ಟರ್, ಯುಎವಿಗಳನ್ನು ಪಡೆಯಲು ಮೂರೂ ಸೇನೆಗಳಿಗೂ ಅವಕಾಶ ನೀಡಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>