ನವದೆಹಲಿ: ಅತ್ಯಾಧುನಿಕ ಯುದ್ಧನೌಕೆ ಐಎನ್ಎಸ್ ಮಹೇಂದ್ರಗಿರಿ ಲೋಕಾರ್ಪಣೆಗೆ ಸಿದ್ಧಗೊಂಡಿದ್ದು, ಮುಂಬೈನ ಮಝ್ಗಾಂವ್ನಲ್ಲಿರುವ ಹಡಗು ತಯಾರಿಕಾ ಘಟಕದಿಂದ ಸೆ. 1ರಂದು ದೇಶದ ನೌಕಾದಳವನ್ನು ಸೇರಲಿದೆ.
ಈ ವಿಷಯವನ್ನು ರಕ್ಷಣಾ ಮಂತ್ರಾಲಯ ಬುಧವಾರ ಹೇಳಿದೆ.
ಒಡಿಶಾದ ಪೂರ್ವ ಘಟ್ಟ ಪ್ರದೇಶದ ಎತ್ತರದ ಪರ್ವತ ‘ಮಹೇಂದ್ರಗಿರಿ’ಯ ಹೆಸರನ್ನು ಈ ಯುದ್ಧನೌಕೆಗೆ ಇಡಲಾಗಿದೆ. 17ಎ ಯುದ್ಧನೌಕೆಯ ಯೋಜನೆಯ ಏಳನೇ ಹಡಗು ಇದಾಗಿದೆ. ಶಿವಾಲಿಕ್ ಶ್ರೇಣಿಯ ಯುದ್ಧನೌಕೆಯ ಮುಂದುವರಿದ ಭಾಗವೇ ಮಹೇಂದ್ರಗಿರಿ.
ರಹಸ್ಯ ಕಾರ್ಯಾಚರಣೆ ನಡೆಸಲು ಅನುಕೂಲವಾಗುವಂತೆ, ಅತ್ಯಾಧುನಿಕ ಶಸ್ತ್ರಾಸ್ತ್ರಗಳನ್ನು ಇದರಲ್ಲಿ ಅಳವಡಿಸಬಹುದಾಗಿದೆ. ಜತೆಗೆ ಸೆನ್ಸರ್ಗಳು ಹಾಗೂ ಆಧುನಿಕ ನಿರ್ವಹಣಾ ಸೌಕರ್ಯಗಳನ್ನು ಮಹೇಂದ್ರಗಿರಿ ಹೊಂದಿದೆ.