ನವದೆಹಲಿ: ಭಾರತೀಯ ಜನತಾ ಪಕ್ಷದ (ಬಿಜೆಪಿ) ರಾಷ್ಟ್ರೀಯ ಅಧ್ಯಕ್ಷ ಜೆಪಿ ನಡ್ಡಾ ಅವರ ಟ್ವಿಟರ್ ಖಾತೆಯನ್ನು ಭಾನುವಾರ ಹ್ಯಾಕ್ ಮಾಡಲಾಗಿದೆ. ಉಕ್ರೇನ್ ಮತ್ತು ರಷ್ಯಾಗೆ ಬೆಂಬಲ ಯಾಚಿಸಿ, ಕ್ರಿಪ್ಟೋ ಕರೆನ್ಸಿ ಮೂಲಕ ದೇಣಿಗೆ ಯಾಚಿಸುವ ಪೋಸ್ಟ್ ಅನ್ನು ನಡ್ಡಾ ಖಾತೆ ಮೂಲಕ ಪ್ರಕಟಿಸಲಾಗಿದೆ.
'ಉಕ್ರೇನ್ ಜನರಿಗೆ ಬೆಂಬಲ ನೀಡಿ. ಕ್ರಿಪ್ಟೋಕರೆನ್ಸಿ ಮೂಲಕ ದೇಣಿಗೆ ಸ್ವೀಕರಿಸಲಾಗುತ್ತಿದೆ. ಬಿಟ್ಕಾಯಿನ್ ಮತ್ತು ಎಥೆರಿಯಮ್ನಿಂದ ದೇಣಿಗೆ ನೀಡಬಹುದು’ ಎಂದು ಟ್ವೀಟ್ ಮಾಡಲಾಗಿದೆ. ಕೆಲವೇ ಕ್ಷಣಗಳಲ್ಲಿ ಉಕ್ರೇನ್ ಪರವಾದ ಟ್ವೀಟ್ ಡಿಲಿಟ್ ಮಾಡಿ ರಷ್ಯಾದ ಹೆಸರಲ್ಲೂ ಪೋಸ್ಟ್ ಪ್ರಕಟಿಸಲಾಗಿದೆ.
ಹ್ಯಾಕರ್ಗಳು ಪ್ರಕಟಿಸಿದ್ದ ಎಲ್ಲ ಪೋಸ್ಟ್ಗಳನ್ನು ಈಗ ಡಿಲಿಟ್ ಮಾಡಲಾಗಿದೆ.