‘ಬಿಜೆಪಿಯ ಅಧರ್ಮ ತಡೆಯಲು ದೇವರೇ ಬಂದಂತಾಗಿದೆ’

‘ರಾಮ, ಕೃಷ್ಣ, ಶಿವ–ಪಾರ್ವತಿ ಎಲ್ಲ ದೇವರ ಭಕ್ತರೂ ದೇಶದೊಂದಿಗಿದ್ದಾರೆ. ಕೊನೆಗೆ ಬಿಜೆಪಿಯ ಅಧರ್ಮ ಅಂತ್ಯಗೊಂಡು, ಧರ್ಮ ಉಳಿಯುತ್ತದೆ’ ಎಂದು ಕೇಜ್ರಿವಾಲ್ ಹೇಳಿದರು. 

‘ದೇವರೇ ಸಿಜೆಐ ರೂಪದಲ್ಲಿ ತೀರ್ಪು ನೀಡಿರುವಂತೆ ಭಾಸವಾಗುತ್ತಿದೆ’ ಎಂದು ಕೇಜ್ರಿವಾಲ್ ಹೇಳಿದರು. 

ತೀರ್ಪಿಗಾಗಿ ಸುಪ್ರೀಂ ಕೋರ್ಟ್ ಮತ್ತು ಮುಖ್ಯ ನ್ಯಾಯಮೂರ್ತಿಗೆ (ಸಿಜೆಐ) ಧನ್ಯವಾದ ತಿಳಿಸಿದ ಕೇಜ್ರಿವಾಲ್, ‘ಇದು ದೇಶದ ಪ್ರಜಾಪ್ರಭುತ್ವವನ್ನು ಉಳಿಸಿತು’ ಎಂದು ಹೇಳಿದರು.

ಬಿಜೆಪಿ ವಿರುದ್ಧ ವಾಗ್ದಾಳಿ ನಡೆಸಿದ ಅವರು, ‘ಕೇಸರಿ ಪಕ್ಷವು ಚುನಾವಣೆ ಗೆಲ್ಲಲು ಏನು ಬೇಕಾದರೂ ಮಾಡುತ್ತದೆ. ಅದು ಶಾಸಕರನ್ನು ಬೇಟೆಯಾಡಿ, ಸರ್ಕಾರಗಳನ್ನು ಉರುಳಿಸುವುದರಲ್ಲಿ ತೊಡಗಿದೆ’ ಎಂದು ಆರೋಪಿಸಿದರು.