ಸಾಧನೆಗಳ ‘ಶಿಖರ’ ಈ ಪಂಜಾಬ್‌ ಬಾಲಕಿ: ಎವರೆಸ್ಟ್ ಏರಿದ ಸಾನ್ವಿ

‘ನಾವು ಪ್ರತಿ ವರ್ಷ ಕೇದಾರನಾಥ ಮತ್ತು ಮಾತಾ ವೈಷ್ಣೋ ದೇವಿ ದೇಗುಲಗಳಿಗೆ ಭೇಟಿ ನೀಡುತ್ತೇವೆ. ಇಂಥ ಸಮಯದಲ್ಲಿಯೇ ಮಗಳ ಸಾಮರ್ಥ್ಯದ ಬಗ್ಗೆ ಅರಿವಾದದ್ದು. ಅಲ್ಲದೇ, ನನ್ನ ಬಹುತೇಕ ಕೆಲಸವು ಪರ್ವತ ಪ್ರದೇಶಗಳಲ್ಲಿಯೇ ನಡೆಯುತ್ತದೆ. ಕೆಲಸದ ಸ್ಥಳಗಳಿಗೆ ಸಾನ್ವಿ ನನ್ನ ಜೊತೆ ಯಾವಾಗಲೂ ಬರುತ್ತಿದ್ದಳು. ಒಂದು ಬಾರಿಯಂತೂ ರೋಹ್ಟಾಂಗ್‌ನಲ್ಲಿ ನನ್ನ ಜೊತೆ ಸುಮಾರು 18 ಕಿ.ಮೀ. ಚಾರಣ ಮಾಡಿದ್ದಳು. ಈ ಘಟನೆ ಬಳಿಕ, ಪರ್ವತಾರೋಹಣ ಕ್ಷೇತ್ರದಲ್ಲಿ ನನ್ನ ಮಗಳು ಸಾಧನೆ ಮಾಡಬಹುದು ಎಂದು ನನಗೆ ಎನ್ನಿಸಿತು’ ಎಂದರು. ‘ಚಾರಣ ಮತ್ತು ಪರ್ವತಾರೋಹಣದ ತಯಾರಿಗಾಗಿ ಸೈಕ್ಲಿಂಗ್‌, ಯೋಗ ಹಾಗೂ ಇತರ ವ್ಯಾಯಾಮಗಳನ್ನು ಸಾನ್ವಿ ಮಾಡುತ್ತಾಳೆ’ ಎಂದು ಅವರು ತಿಳಿಸಿದರು.

ಪರ್ವತಾರೋಹಣದಲ್ಲಿ ಸಾನ್ವಿ ಮಾಡಿರುವ ಸಾಧನೆ ಗುರುತಿಸಿ, ಪಂಜಾಬ್‌ ಮುಖ್ಯಮಂತ್ರಿ ಭಗವಂತ್‌ ಮಾನ್‌ ಅವರು ಸ್ವಾತಂತ್ರ್ಯ ದಿನಾಚರಣೆಯಂದು ಈಕೆಗೆ ರಾಜ್ಯ ಪ್ರಶಸ್ತಿ ನೀಡಿ ಗೌರವಿಸಿದ್ದಾರೆ.