ನನಗೆ ದೇಶ ಮೊದಲು, ಭಾರತ ಸುರಕ್ಷಿತ ಕೈಗಳಲ್ಲಿದೆ: ನರೇಂದ್ರ ಮೋದಿ 

2014ರಲ್ಲಿ ನಾನು ಹೇಳಿದ್ದನ್ನೇ ಈಗ ಪುನರಾರ್ತಿಸುತ್ತೇನೆ.ಈ ದೇಶದ ಮಣ್ಣಿನ ಆಣೆ, ಈ ದೇಶ ನಾಶವಾಗಲು ಬಿಡುವುದಿಲ್ಲ, ಈ ದೇಶವನ್ನು ನಿಲ್ಲಲು ಬಿಡುವುದಿಲ್ಲ. ಈ ದೇಶ ತಲೆ ಬಾಗುವಂತೆ ಮಾಡುವುದಿಲ್ಲ ಎಂದು ಮೋದಿ ಭಾಷಣ ಆರಂಭಿಸಿದ್ದಾರೆ.

ಭಾರತದ ಹುತಾತ್ಮರಿಗೆ ಶ್ರದ್ಧಾಂಜಲಿ ಸಲ್ಲಿಸುವ ದಿನ ಇದು. ನಾನು ನಿಮ್ಮ ಜೋಷ್ ಅರ್ಥ ಮಾಡಬಲ್ಲೆ.ಇದು ಪ್ರತಿ ಭಾರತೀಯನ ಗೆಲುವು.ಭಾರತದ ಮೇಲೆ ಯಾವ ಬೆದರಿಕೆಯೂ ಬರದಂತೆ ನಾವು ನೋಡಿಕೊಳ್ಳುತ್ತೇವೆ.ನಿಮ್ಮ ಸೇವೆಯೇ ನನ್ನ ಆದ್ಯತೆ.
ನನಗೆ ದೇಶ ಮೊದಲು. ಅದಕ್ಕಾಗಿ ಈ ಪ್ರಧಾನ್ ಸೇವಕ್ ಕೆಲಸ ಮಾಡುತ್ತಿದ್ದೇನೆ.ಜೈ ಜವಾನ್, ಜೈ ಕಿಸಾನ್, ಜೈ ವಿಜ್ಞಾನ್ ಎಂಬ ಘೋಷಣೆ ಮೂಲಕ ನಾವು ಮುಂದೆ ಸಾಗುತ್ತಿದ್ದೇವೆ.

ಎರಡು ದಿನಗಳ ಹಿಂದೆಯಷ್ಟೇ ನಾನು ಪ್ರಧಾನ್ ಮಂತ್ರಿ ಸಮ್ಮಾನ್ ನಿಧಿ ಯೋಜನೆಗೆ ಉತ್ತರ ಪ್ರದೇಶದಲ್ಲಿ ಚಾಲನೆ ನೀಡಿದೆ ಎಂದು ಹೇಳಲು ಖುಷಿ ಪಡುತ್ತೇನೆ.

50 ಲಕ್ಷಕಿಂತಲೂ ಹೆಚ್ಚು ರೈತರು ಈ ಯೋಜನೆಯ ಫಲಾನುಭವಿಗಳಾಗಿದ್ದಾರೆ. ಆದರೆ ಚುರು ಅಥವಾ ರಾಜಸ್ತಾನದಲ್ಲಿರುವ ಯಾವುದೇ ರೈತ ಕುಟುಂಬ ಈ ಯೋಜನೆ ಪಡೆದಿಲ್ಲ. ಯಾಕೆಂದರೆ ಇಲ್ಲಿರುವ ಕಾಂಗ್ರೆಸ್ ಸರ್ಕಾರ ಯೋಜನೆಯ ಲಾಭ ಪಡೆಯಲು ಅರ್ಹತೆಯುಳ್ಳ ರೈತರ ಪಟ್ಟಿಯನ್ನು ಕಳಿಸಿಕೊಟ್ಟಿಲ್ಲ.

ಉತ್ತರ ಪ್ರದೇಶ ಸರ್ಕಾರ ರೈತರ ಪಟ್ಟಿಯನ್ನು ಕಳಿಸಿಕೊಟ್ಟಿದ್ದು, ಈ ಯೋಜನೆಯ ಲಾಭವನ್ನು ಪಡೆದುಕೊಂಡವರಲ್ಲಿ ಮೊದಲಿಗರಾಗಿದ್ದಾರೆ.

ರಾಜಕೀಯದಿಂದಾಗಿ ರೈತರಿಗೆ ಸಿಗುವ ಯೋಜನೆಯನ್ನು ತಡೆಯಬೇಡಿ ಎಂದು ಮೋದಿ ರಾಜಸ್ಥಾನ ಸರ್ಕಾರದಲ್ಲಿ ವಿನಂತಿಸಿದ್ದಾರೆ.
20 ಲಕ್ಷ ಯೋಧರಿಗೆ ಒಂದು ಶ್ರೇಣಿ, ಒಂದು ಪಿಂಚಣಿ (OROP)ಯೋಜನೆನೀಡಿದ್ದೇವೆ. ಮುಂದಿನ 10 ವರ್ಷಗಳಲ್ಲಿ ರೈತರ ಖಾತೆಗಳಿಗೆ ₹7.5 ಲಕ್ಷ ಕೋಟಿ ಜಮೆಮಾಡಲಾಗುವುದು.ನಿಮ್ಮ ಖಾತೆಗೆ ಹಣ ಜಮೆಆದ ಕೂಡಲೇ ಮೊಬೈಲ್‍ಗೆ ಸಂದೇಶ ಲಭಿಸಲಿದೆ ಎಂದಿದ್ದಾರೆ ಮೋದಿ.

ಇನ್ನಷ್ಟು ಓದು

*ನಮ್ಮ ಸರ್ಕಾರ ಬಳಸುತ್ತಿರುವ ‘ನಾನ್–ಮಿಲಿಟರಿ ಆಕ್ಷನ್’ ಪದಗಳ ಅರ್ಥವೇನು
*ಬಲಾಕೋಟ್‍ನಲ್ಲಿ ವೈಮಾನಿಕ ದಾಳಿ ನಡೆಸಿ ಪಾಕ್‍ಗೆ ಪ್ರತ್ಯುತ್ತರ ನೀಡಿದ ಭಾರತ
*ವೈಮಾನಿಕ ದಾಳಿಯಲ್ಲಿ ಹತರಾಗಿದ್ದು 200 ಉಗ್ರರು!
*ಪಾಕ್‍ ವಿರುದ್ಧ ವೈಮಾನಿಕ ದಾಳಿ ನಡೆಸಿದ ಐಎಎಫ್‍ಗೆ ಟ್ವೀಟ್ ಪ್ರಶಂಸೆ
*ಉಗ್ರರ ಶಿಬಿರಗಳನ್ನೇ ಗುರಿಯಾಗಿರಿಸಿ ಕಾರ್ಯಾಚರಣೆ ಮಾಡಲಾಗಿದೆ: ವಿಜಯ್ ಗೋಖಲೆ
*ಪಾಕ್ ಉಗ್ರರ ನೆಲೆಗಳ ಮೇಲೆ ದಾಳಿ: ಸೀಬರ್ಡ್ ನೌಕಾನೆಲೆಯಲ್ಲಿ ಭದ್ರತೆ ಹೆಚ್ಚಳ
*ಇಂದಿನ ದಾಳಿ ನವ ಭಾರತದ ಸಂಕಲ್ಪದ ಮುನ್ನುಡಿ: ಅಮಿತ್‌ ಶಾ
*ಪಾಕಿಸ್ತಾನ ಇನ್ನಾದರೂ ತೆಪ್ಪಗಿರಲಿ: ಪ್ರಹ್ಲಾದ ಜೋಶಿ
*ಮೋದಿ ನುಡಿದಂತೆ ನಡೆದಿದ್ದಾರೆ; ಇದು ಪಾಕಿಸ್ತಾನಕ್ಕೆ ಎಚ್ಚರಿಕೆ ಗಂಟೆ -ಸದಾನಂದ ಗೌಡ