ನವದೆಹಲಿ: ಬಾಹ್ಯಾಕಾಶ ಕ್ಷೇತ್ರದಲ್ಲಿ ಭಾರತವನ್ನು ಸ್ವಾವಲಂಬಿಯಾಗಿಸುವ ಮಾಜಿ ಪ್ರಧಾನಿ ಜವಹರ್‌ಲಾಲ್‌ ನೆಹರೂ ಅವರ ದೃಷ್ಟಿಕೋನ ಇಂದು ಉತ್ತಮ ಫಲಿತಾಂಶವನ್ನು ನೀಡಿದೆ ಎಂದು ಕಾಂಗ್ರೆಸ್ ಹೇಳಿದೆ.
ಇಸ್ರೊದ ಮಹೋನ್ನತ ಸಾಧನೆಗಳ ಬಗ್ಗೆ ಪಾಕಿಸ್ತಾನದ ಮಾಧ್ಯಮಗಳಲ್ಲಿ ಸಾಕಷ್ಟು ಪರ-ವಿರೋಧ ಚರ್ಚೆಯಾಗುತ್ತಿದೆ. ಆದರೆ ಸತ್ಯಾಂಶ ಏನೆಂದರೆ ಪಾಕಿಸ್ತಾನದ ಬಾಹ್ಯಾಕಾಶ ಸಂಸ್ಥೆ SUPARCO ಅನ್ನು ಸ್ಥಾಪಿಸಿದ (1961) ಕೆಲವು ತಿಂಗಳ ಬಳಿಕವಷ್ಟೇ ಭಾರತದ ಬಾಹ್ಯಾಕಾಶ ಸಂಸ್ಥೆ INCOSPAR ಅಸ್ತಿತ್ವಕ್ಕೆ (1962 ಫೆಬ್ರುವರಿ) ಬಂದಿತ್ತು ಎಂದು ಕಾಂಗ್ರೆಸ್ ನಾಯಕ ಜೈರಾಮ್‌ ರಮೇಶ್‌ ಹೇಳಿದ್ದಾರೆ.
There has been much comment in Pakistan's media on ISRO's outstanding achievements while bomoaning the fact that Pakistan's space agency SUPARCO was set up in late 1961, a few months before India's INCOSPAR in Feb 1962.
What is not recognised is that from day 1 Nehru stressed…
ಅಮೆರಿಕ ಹಾಗೂ ಸೋವಿಯತ್ ಒಕ್ಕೂಟದ ಸಹಕಾರಕ್ಕಾಗಿ ಒತ್ತಡವಿದ್ದರೂ ಮೊದಲ ದಿನದಿಂದಲೂ ಸ್ವಾವಲಂಬನೆ ನೀತಿಯನ್ನು ನೆಹರೂ ಅವರು ಪ್ರತಿಪಾದಿಸಿದ್ದರು ಎಂದು ಅವರು ಉಲ್ಲೇಖಿಸಿದರು. ಬಾಹ್ಯಾಕಾಶ ಕಾರ್ಯಕ್ರಮಗಳನ್ನು ಭಾರತೀಯ ವೃತ್ತಿಪರರು ವಿನ್ಯಾಸಗೊಳಿಸಬೇಕು, ನಿಯಂತ್ರಿಸಬೇಕು ಮತ್ತು ಕಾರ್ಯಗತಗೊಳಿಸಬೇಕು ಎಂಬ ಸ್ಪಷ್ಟ ನಿಲುವನ್ನು ನೆಹರೂ ಮತ್ತು ಇಂದಿರಾ ಗಾಂಧಿ ಹೊಂದಿದ್ದರು ಎಂದು ಅವರು ಹೇಳಿದ್ದಾರೆ.
'ನೆಹರೂ ಅವರ ಯುಗದಲ್ಲಿ ಹಲವು ಕಟುವಾದ ಟೀಕೆಗಳ ನಡುವೆ ವಿಜ್ಞಾನ ಮತ್ತು ತಂತ್ರಜ್ಞಾನ ಕ್ಷೇತ್ರಕ್ಕೆ ಅಡಿಪಾಯ ಹಾಕಿ, ಹಲವು ಮೂಲಸೌಕರ್ಯಗಳನ್ನು ಒದಗಿಸಲಾಗಿತ್ತು. ಇಂದು ಸ್ವಾವಲಂಬಿ ಮತ್ತು ವೈಜ್ಞಾನಿಕವಾಗಿ ಮುಂದುವರಿದಿರುವ ಭಾರತವು ಬಾಹ್ಯಾಕಾಶ ಕ್ಷೇತ್ರದಲ್ಲಿ ಉತ್ತಮ ಸಾಧನೆಯನ್ನು ಮಾಡಿದೆ’ ಎಂದು ರಮೇಶ್‌ ಪ್ರತಿಪಾದಿಸಿದ್ದಾರೆ.
