ಕರಾಚಿ: ಉಗ್ರರಿಂದ ಪೊಲೀಸ್ ಮುಖ್ಯಸ್ಥರ ಕಚೇರಿ ಮೇಲೆ ದಾಳಿ–ನಾಲ್ವರ ಸಾವು

‘ಸ್ಥಳೀಯ ಕಾಲಮಾನ ಸಂಜೆ 7.10ರ ಸುಮಾರಿಗೆ ಉಗ್ರರು ಕಚೇರಿ ಮೇಲೆ ಗುಂಡಿನ ದಾಳಿ ನಡೆಸಿದ್ದರು. ಭದ್ರತಾ ಸಿಬ್ಬಂದಿಯೂ ಪ್ರತಿದಾಳಿ ನಡೆಸಿದ್ದಾರೆ’ ಎಂದು ಕರಾಚಿ ಪೊಲೀಸ್‌ ಮುಖ್ಯಸ್ಥ ಜಾವೇದ್‌ ಒದೊ ಟ್ವೀಟ್‌ ಮಾಡಿದ್ದಾರೆ.

‘ದಾಳಿಯಲ್ಲಿ ಇಬ್ಬರು ಬಂಡುಕೋರರು, ಪೊಲೀಸ್‌ ಸಿಬ್ಬಂದಿ ಹಾಗೂ ನಾಗರಿಕರೊಬ್ಬರು ಅಸುನೀಗಿದ್ದಾರೆ. ನಾಲ್ವರು ಪೊಲೀಸರು ಸೇರಿದಂತೆ ಒಟ್ಟು ಆರು ಮಂದಿ ಗಾಯಗೊಂಡಿದ್ದಾರೆ. ಪೊಲೀಸ್‌ ಸಮವಸ್ತ್ರ ಧರಿಸಿದ್ದ ಇಬ್ಬರು ಉಗ್ರರು ಮುಖ್ಯದ್ವಾರದ ಮೂಲಕ ಕಚೇರಿ ಪ್ರವೇಶಿಸಿದರೆ ಉಳಿದವರು ಕಟ್ಟಡದ ಹಿಂಬದಿಯಿಂದ ಕಚೇರಿಯ ಆವರಣ ಪ್ರವೇಶಿಸಿದ್ದರು’ ಎಂದು ದಕ್ಷಿಣ ವಿಭಾಗದ ಡಿಐಜಿ ಇರ್ಫಾನ್‌ ಬಲೋಚಾ ಮಾಹಿತಿ ನೀಡಿದ್ದಾರೆ.