ವಾರಾಣಸಿಯ ಕಲೆ, ಸಂಸ್ಕೃತಿ ಮತ್ತು ಸಂಗೀತವನ್ನು ಪ್ರತಿನಿಧಿಸುವ ಮ್ಯೂರಲ್ ಚಿತ್ರಗಳನ್ನೊಳಗೊಂಡ ಗ್ಯಾಲರಿ ಇರುವ ಈ ಕೇಂದ್ರ, ಅಂತರರಾಷ್ಟ್ರೀಯ ಸಮ್ಮೇಳನಗಳು, ಪ್ರದರ್ಶನಗಳು ಮತ್ತು ಸಂಗೀತ ಕಛೇರಿಗಳಂತಹ ಕಾರ್ಯಕ್ರಮಗಳನ್ನು ನಡೆಸಲು ಸೂಕ್ತ ಸ್ಥಳವಾಗಿದೆ. ಈ ಕೇಂದ್ರದ ಮುಖ್ಯ ಸಭಾಂಗಣವನ್ನು ಅಗತ್ಯವೆನಿಸಿದಾಗ, ಸಣ್ಣ ಸಣ್ಣ ಸಭಾಂಗಣಗಳಾಗಿ ವಿಭಜಿಸಲು ಸಾಧ್ಯವಿರುವಂತೆ ನಿರ್ಮಿಸಲಾಗಿದೆ. ಅಧಿಕಾರಿಗಳ ಪ್ರಕಾರ, ಇದು ಪರಿಸರ ಸ್ನೇಹಿ ಕಟ್ಟಡವಾಗಿದೆ.