ಮಂದಿರ ನಿರ್ಮಾಣ: ಶೀಘ್ರ ದಿನಾಂಕ ನಿಗದಿ

ಧರ್ಮಸಭೆಗೆ ಜನರನ್ನು ಆಹ್ವಾನಿಸಲು ಅಯೋಧ್ಯೆ ಸುತ್ತಮುತ್ತ ಸಭೆಗಳನ್ನು ನಡೆಸುತ್ತಿರುವ ವಿಎಚ್‌ಪಿ ನಾಯಕರು ಸೋಮವಾರ ಈ ವಿಷಯವನ್ನು ಬಹಿರಂಗಪಡಿಸಿದ್ದಾರೆ.

ಧರ್ಮಸಭೆಯಲ್ಲಿ ಭಾಗವಹಿಸಲಿರುವ ಸಾಧು, ಸಂತರು ರಾಮಮಂದಿರ ನಿರ್ಮಾಣ ದಿನವನ್ನು ಘೋಷಿಸಲಿದ್ದಾರೆ. ಇದೊಂದು ನಿರ್ಣಾಯಕ ಯುದ್ಧ ಎಂದು ಅವರು ಹೇಳುತ್ತಿದ್ದಾರೆ.

ಬಿಜೆಪಿ ನಾಯಕರು ಧರ್ಮಸಭೆಯಿಂದ ಅಂತರ ಕಾಯ್ದುಕೊಂಡಿದ್ದಾರೆ. ಆದರೆ, ಕಾರ್ಯಕರ್ತರು ಈ ಸಭೆಯಲ್ಲಿ ಭಾಗವಹಿಸಲು ಪಕ್ಷದ ಅಭ್ಯಂತರ ಇಲ್ಲ ಎಂದು ಸ್ಪಷ್ಟಪಡಿಸಿದ್ದಾರೆ.

ರಾಮಜನ್ಮಭೂಮಿ–ಬಾಬ್ರಿ ಮಸೀದಿ ವಿವಾದಿತ ಜಾಗದಲ್ಲಿ ಯಥಾಸ್ಥಿತಿ ಕಾಪಾಡುವ ಹೊಣೆ ಹೊತ್ತಿರುವ ಜಿಲ್ಲಾಡಳಿತ ಬಿಗಿ ಪೊಲೀಸ್‌ ಭದ್ರತೆ ನಿಯೋಜಿಸುತ್ತಿದೆ.