ನವದೆಹಲಿ: ಬಿಜೆಪಿಯೊಂದೇ ಚುನಾವಣಾ ಬಾಂಡ್ಗಳ ಮೂಲಕ ಒಟ್ಟು ₹ 6,060.51 ಕೋಟಿ ದೇಣಿಗೆ ಪಡೆದಿದ್ದರೆ, ಇತರೆ ಎಲ್ಲ ಪ್ರಾದೇಶಿಕ ಪಕ್ಷಗಳು ಒಟ್ಟಾಗಿ ₹ 5,221 ಕೋಟಿ ದೇಣಿಗೆಯನ್ನು ಪಡೆದುಕೊಂಡಿವೆ.
ಚುನಾವಣಾ ಆಯೋಗವು ಹಂಚಿಕೊಂಡಿರುವ ಚುನಾವಣಾ ಬಾಂಡ್ ಕುರಿತ ವಿವರಗಳ ಪ್ರಕಾರ, 2019ರ ಏಪ್ರಿಲ್ನಿಂದ 2024ರ ಜನವರಿ ನಡುವಿನ ಅವಧಿಯಲ್ಲಿ ಈ ಮೊತ್ತದ ದೇಣಿಗೆ ಬಾಂಡ್ಗಳ ಮೂಲಕ ರಾಜಕೀಯ ಪಕ್ಷಗಳಿಗೆ ಸಂದಾಯವಾಗಿದೆ.
ರಾಷ್ಟ್ರೀಯ ಪಕ್ಷಗಳಾಗಿರುವ ಬಿಎಸ್ಪಿ, ಸಿಪಿಎಂ ಮತ್ತು ಎನ್ಪಿಪಿ ಚುನಾವಣಾ ಬಾಂಡ್ಗಳ ಮೂಲಕ ಯಾವುದೇ ದೇಣಿಗೆಯನ್ನು ಸ್ವೀಕರಿಸಿಲ್ಲ. ಕರ್ನಾಟಕದ ಜೆಡಿಎಸ್ ಪಕ್ಷ ₹ 43.40 ಕೋಟಿ ದೇಣಿಗೆ ಪಡೆದಿದೆ. ಉಳಿದಂತೆ ಪಕ್ಷಾವಾರು ದೇಣಿಗೆಗಳ ವಿವರ ಹೀಗಿದೆ.