ಕೇರಳ: ಅರ್ಧಕ್ಕೆ ಶಾಲೆ ಬಿಟ್ಟ ಪೌರ ಕಾರ್ಮಿಕಳ ಪುಸ್ತಕವೀಗ ವಿ.ವಿ ಪಠ್ಯ

ತಿರುವನಂತಪುರ: ಅರ್ಧಕ್ಕೆ ಶಾಲೆ ಬಿಟ್ಟಿದ್ದ ಪೌರ ಕಾರ್ಮಿಕರೊಬ್ಬರು ತಮ್ಮ ಜೀವಾನುಭವದ ಕುರಿತು ಬರೆದ ಪುಸ್ತಕವು ಕೇರಳದ ಎರಡು ವಿಶ್ವವಿದ್ಯಾಲಯಗಳ ಪದವಿ ಹಾಗೂ ಸ್ನಾತಕೋತ್ತರ ವಿದ್ಯಾರ್ಥಿಗಳಿಗೆ ಪಠ್ಯದ ಭಾಗವಾಗಿದೆ.

. ರಾಜಧಾನಿ ತಿರುವನಂತಪುರದ ಸಚಿವಾಲಯದ ಸಮೀಪದಲ್ಲಿರುವ ‘ಚೆಂಕಲ್ ಚೂಳ ಕಾಲೊನಿ’ ಎಂದೇ ಖ್ಯಾತಿ ಪಡೆದಿರುವ ರಾಜಾಜಿನಗರದ ನಿವಾಸಿ ಧನುಜಾ ಕುಮಾರಿ ಅವರು ಬರೆದ ‘ಚೆಂಕಲ್ ಚೂಳಿಯೇ ಎಂಟೆ ಜೀವಿತಂ’ (ಚೆಂಕಲ್ ಚೂಳದಲ್ಲಿ ನನ್ನ ಜೀವನ) ಕೃತಿಯು ಅವರ ಜೀವನದ ಅನುಭವಗಳನ್ನು ಒಳಗೊಂಡಿದೆ. ಈ ಕೃತಿಯನ್ನು ಕ್ಯಾಲಿಕಟ್ ವಿಶ್ವವಿದ್ಯಾಲಯದ ಎಂ.ಎ ಹಾಗೂ ಕಣ್ಣೂರು ವಿಶ್ವವಿದ್ಯಾಲಯದ ಬಿ.ಎ ವಿದ್ಯಾರ್ಥಿಗಳಿಗೆ ಪಠ್ಯಕ್ರಮದ ಭಾಗವಾಗಿದೆ.

. ಸ್ವಾತಂತ್ರ್ಯೋತವದ ದಿನದ ಅಂಗವಾಗಿ ಗುರುವಾರ ಧನುಜಾ ಹಾಗೂ ಕುಟುಂಬ ಸದಸ್ಯರನ್ನು ಕೇರಳ ರಾಜ್ಯಪಾಲ ಆರೀಫ್ ಮೊಹಮ್ಮದ್ ಖಾನ್ ಅವರು ರಾಜಭವನಕ್ಕೆ ಅತಿಥಿಯಾಗಿ ಆಹ್ವಾನಿಸಿದ್ದರು.

. ರಾಜ್ಯಪಾಲರ ಭೇಟಿ ವೇಳೆ ಭಾವುಕರಾದ ಧನುಜಾ, ‘ಅತ್ಯಂತ ಹಿಂದುಳಿದ ಪರಿಸ್ಥಿತಿಯಲ್ಲಿರುವ ನಾನು ಜೀವನದಲ್ಲಿ ಅಂತಹ ಕ್ಷಣವನ್ನು ಊಹಿಸಲು ಸಾಧ್ಯವಿಲ್ಲ’ ಎಂದು ‘ಪ್ರಜಾವಾಣಿ’ ಜೊತೆ ಅನುಭವ ಹಂಚಿಕೊಂಡರು.

. ಈ ಪ್ರದೇಶದಲ್ಲಿರುವ ಅನೇಕರಂತೆ ಧನುಜಾ ಅವರು ಕೂಡ ಶಾಲೆಯನ್ನು ಬಿಟ್ಟಿದ್ದಾರೆ. ಈ ಕಾಲೊನಿಯಲ್ಲಿ ಅನೇಕರು ಅಪರಾಧ ಕೃತ್ಯಗಳಿಂದ ಭಾಗಿಯಾಗಿದ್ದರಿಂದ ಕುಖ್ಯಾತಿಯೂ ಪಡೆದಿದ್ದರು.

. ಧನುಜಾ ಕುಮಾರಿ ಅವರು ಈಗ ‘ಹರಿತಾ ಕರ್ಮಾ ಸೇನಾ’ದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಈ ತಂಡವು ಪ್ರತಿ ಮನೆಗಳಿಂದಲೂ ತ್ಯಾಜ್ಯ ಸಂಗ್ರಹಿಸುವ ಕೆಲಸ ಮಾಡುತ್ತಿದೆ.

. ತಮ್ಮ ಕಾಲೊನಿಯಲ್ಲಿ ಅನುಭವಿಸಿದ ಜೀವನದ ಅನುಭವಗಳನ್ನೇ ಧನುಜಾ ಅವರು ಬರೆಯಲು ಆರಂಭಿಸಿದರು. 2014ರಲ್ಲಿ ಸಾಂಸ್ಕೃತಿಕ ಕಲಾವಿದರ ತಂಡವೊಂದು ಇಲ್ಲಿಗೆ ಭೇಟಿ ನೀಡಿದ್ದ ಇವರ ಬರವಣಿಗೆಯನ್ನು ಗುರುತಿಸಿ, ಲೇಖಕಿ ವಿಜಿಲಾ ಅವರಿಗೆ ಪರಿಚಯಿಸಿದರು. ಈ ಬರವಣಿಗೆ ಓದಿ ವಿಜಿಲಾ ಅವರು ಪುಸ್ತಕ ಬರೆದು, ಮುದ್ರಿಸಲು ಪ್ರೋತ್ಸಾಹಿಸಿದರು. ಕಾಲೊನಿಯಲ್ಲಿ ಸಮುದಾಯದವರು ಎದುರಿಸುತ್ತಿರುವ ತಾರತಮ್ಯವನ್ನು ಕೃತಿಯು ಒಳಗೊಂಡಿದೆ. ಅವರ ಮಗ ಕೇರಳ ಸರ್ಕಾರದ ಸ್ವಾಯತ್ತ ಸಂಸ್ಥೆ ‘ಕಲಾಮಂಡಲಂ’ ಕಲಿಯುತ್ತಿದ್ದ ವೇಳೆ ಕೂಡ ಸಾಕಷ್ಟು ಅವಮಾನಕ್ಕೆ ಒಳಗಾಗಿದ್ದರು.

. ಧನುಜಾ ಅವರ ಬರವಣಿಗೆಗೆ ಕುಟುಂಬದಿಂದಲೂ ಸಾಕಷ್ಟು ಬೆಂಬಲ ಸಿಕ್ಕಿದೆ. ಅವರ ಪತಿ ಚೆಂಡೆ ವಾದಕರಾಗಿದ್ದು, ಮಕ್ಕಳಾದ ನಿಧೀಶ್, ಸುಧೀಶ್ ಅವರು ಕಲಾವಿದರಾಗಿದ್ದಾರೆ.

. ಮೊದಲ ಪುಸ್ತಕಕ್ಕೆ ಸಿಕ್ಕ ಪ್ರೋತ್ಸಾಹದಿಂದ ‘ಚೆಂಕಲ್ ಚೂಳ ಹಿಸ್ಟರಿ’ ಪುಸ್ತಕ ಬರೆಯಲು ಸಿದ್ಧತೆ ನಡೆಸಿದ್ದಾರೆ. ತಮ್ಮ ಕಾಲೊನಿಯಲ್ಲಿ ಗ್ರಂಥಾಲಯ ತೆರೆಯಲು ಮುಂದಾಗಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೇರಳ: ಅರ್ಧಕ್ಕೆ ಶಾಲೆ ಬಿಟ್ಟ ಪೌರ ಕಾರ್ಮಿಕಳ ಪುಸ್ತಕವೀಗ ವಿ.ವಿ ಪಠ್ಯ

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಕಾರು ಅಪಘಾತ: ಲಿವರ್‌ಪೂಲ್‌ ತಾರೆ ಜೋಟಾ, ಸೋದರ ಸಾವು

IND vs ENG: ಟೆಸ್ಟ್ ಕ್ರಿಕೆಟ್‌ನಲ್ಲಿ ಶುಭಮನ್ ಗಿಲ್ ಚೊಚ್ಚಲ ದ್ವಿಶತಕ ಸಾಧನೆ

ಫಿಡೆ ವಿಶ್ವ ಕೆಡೆಟ್ಸ್‌ ಕಪ್‌: ಚಿನ್ನ ಗೆದ್ದ ಪ್ರತೀತಿ, ಆದ್ಯಾಗೆ ಬೆಳ್ಳಿ

IND vs ENG: ಗಿಲ್ 168*, ಜಡೇಜ 89; ಊಟದ ವಿರಾಮಕ್ಕೆ ಭಾರತ 419/6

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ದಿನ ಭವಿಷ್ಯ | ಎಲ್ಲಾ ವಿಚಾರಗಳಲ್ಲಿಯೂ ಸಾವಧಾನವಾಗಿ ಮುಂದುವರಿಯಿರಿ

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ