ಸಂಗಾರೆಡ್ಡಿ(ತೆಲಂಗಾಣ): ಸಿದ್ದಿಪೇಟ ಜಿಲ್ಲೆಯ ಮುನಿಗಡಪ ಗ್ರಾಮದ ಹೊರವಲಯದಲ್ಲಿ 100ಕ್ಕೂ ಹೆಚ್ಚು ಮಂಗಗಳ ಕಳೇಬರಗಳು ಪತ್ತೆಯಾಗಿವೆ.
ಜಮೀನುಗಳಲ್ಲಿ ಮಂಗಗಳು ಸಾವಿಗೀಡಾಗಿ ಬಿದ್ದಿರುವ ಬಗ್ಗೆ ಗ್ರಾಮಸ್ಥರು ಮಾಹಿತಿ ನೀಡಿದ್ದರು. ಪಶುಸಂಗೋಪನಾ ಇಲಾಖೆಯ ಅಧಿಕಾರಿಗಳು ಸ್ಥಳಕ್ಕೆ ತೆರಳಿ ಅವುಗಳ ಕಳೇಬರದಿಂದ ಮಾದರಿ ಸಂಗ್ರಹಿಸಿ, ಹೈದರಾಬಾದ್ನ ಪ್ರಯೋಗಾಲಯಕ್ಕೆ ಕಳುಹಿಸಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಮಂಗಗಳಿಗೆ ವಿಷವುಣಿಸಿ, ಕಳೇಬರಗಳನ್ನು ಹೊಲಗಳಲ್ಲಿ ಎಸೆದಿರುವ ಸಾಧ್ಯತೆ ಇದೆ ಎಂದೂ ಹೇಳಿದ್ದಾರೆ.