ಬುಧವಾರ, 22 ಮೇ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

3 ವರ್ಷಗಳ ಬಳಿಕ ಮತ್ತೆ ಬಂಧನವಾದ ಕೊಲೆ ಅಪರಾಧಿ

Published 22 ಏಪ್ರಿಲ್ 2024, 14:34 IST
Last Updated 22 ಏಪ್ರಿಲ್ 2024, 14:34 IST
ಅಕ್ಷರ ಗಾತ್ರ

ನವದೆಹಲಿ: ಪರೋಲ್‌ ಪಡೆದು ಜೈಲಿನಿಂದ ಬಿಡುಗಡೆಯಾಗಿ ತಲೆಮರೆಸಿಕೊಂಡಿದ್ದ ಕೊಲೆ ಪ್ರಕರಣದ ಅಪರಾಧಿಯೊಬ್ಬರನ್ನು ಮೂರು ವರ್ಷಗಳ ಬಳಿಕ ದೆಹಲಿ ಪೊಲೀಸರು ಮತ್ತೆ ಬಂಧಿಸಿದ್ದಾರೆ.

‘ಅಪರಾಧಿ ರುಬಿ ಬೇಗಮ್ ಅವರನ್ನು ಅವರ ಪುತ್ರಿಯ ಮನೆಯಲ್ಲಿ ಬಂಧಿಸಲಾಗಿದೆ’ ಎಂದು ಪೊಲೀಸರು ಸೋಮವಾರ ತಿಳಿಸಿದ್ದಾರೆ.

ಬೇಗಮ್‌ ಮತ್ತು ಅವರ ಪತಿ 24 ವರ್ಷಗಳ ಹಿಂದೆ ತಮ್ಮ ಉದ್ಯೋಗದಾತನ ಮನೆಯಲ್ಲಿ ದರೋಡೆ ಮಾಡಿ, ಅವರನ್ನು ಹತ್ಯೆಗೈದಿದ್ದರು.  ನ್ಯಾಯಾಲಯವು 2016ರಲ್ಲಿ ಇಬ್ಬರಿಗೂ ಜೀವಾವಧಿ ಶಿಕ್ಷೆಯನ್ನು ವಿಧಿಸಿತ್ತು. 2020ರಲ್ಲಿ 8 ವಾರಗಳ ಅವಧಿಗೆ ಪರೋಲ್ ಮೇಲೆ ಬಿಡುಗಡೆಯಾಗಿದ್ದ ಬೇಗಮ್ ಅಸ್ಸಾಂಗೆ ತೆರಳಿದ್ದರು. ಕೋವಿಡ್‌–19 ಪರಿಸ್ಥಿತಿಯಿಂದಾಗಿ ಅವರ ಪರೋಲ್‌ ಅವಧಿ ವಿಸ್ತರಣೆಯಾಗಿತ್ತು. 

‘ಬೇಗಮ್‌ ಅವರಿಗೆ 2021ರ ಫೆಬ್ರುವರಿ 20ರಂದು ಶರಣಾಗುವಂತೆ ಸೂಚಿಸಲಾಗಿತ್ತು, ಆದರೆ, ಅವರು ತಲೆಮರೆಸಿಕೊಂಡಿದ್ದರು. ಭಾನುವಾರ ಅವರನ್ನು ಬಂಧಿಸಲಾಯಿತು’ ಎಂದು ಪೊಲೀಸರು ತಿಳಿಸಿದರು.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT