ಪುಣೆಯಿಂದ ಹೊರಟ ‘ಕೋವಿಶೀಲ್ಡ್‌’ ಲಸಿಕೆ ಹೊತ್ತ ಎರಡು ವಿಮಾನ

ನವದೆಹಲಿ: ದೇಶದಲ್ಲಿ ಕೋವಿಡ್–19 ಲಸಿಕೆ ನೀಡುವ ಬೃಹತ್ ಕಾರ್ಯಕ್ರಮಕ್ಕೆ ನಾಲ್ಕು ದಿನಗಳು ಬಾಕಿ ಇದ್ದು, ‘ಕೋವಿಶೀಲ್ಡ್’ ಲಸಿಕೆಯ ಲಕ್ಷಾಂತರ ಡೋಸ್ಗಳನ್ನು ಹೊತ್ತ ಎರಡು ವಿಮಾನಗಳು ಪುಣೆಯಿಂದ ದೆಹಲಿಗೆ ಮಂಗಳವಾರ ಪ್ರಯಾಣ ಬೆಳೆಸಿದವು.

. ‘ನಾಲ್ಕು ವಿಮಾನಯಾನ ಸಂಸ್ಥೆಗಳಿಗೆ ಸೇರಿದ ಒಟ್ಟು 9 ವಿಮಾನಗಳು ಪುಣೆಯಿಂದ 13 ನಗರಗಳಿಗೆ 56.5 ಲಕ್ಷ ಡೋಸ್ ಲಸಿಕೆಯನ್ನು ಸಾಗಣೆ ಮಾಡಲಿವೆ’ ಎಂದು ನಾಗರಿಕ ವಿಮಾನಯಾನ ಸಚಿವ ಹರ್ದೀಪ್ ಸಿಂಗ್ ಪುರಿ ಟ್ವೀಟ್ ಮಾಡಿದ್ದಾರೆ.

. ಸ್ಪೈಸ್ಜೆಟ್ ಹಾಗೂ ಗೋಏರ್ನ ತಲಾ ಒಂದು ವಿಮಾನ ಕ್ರಮವಾಗಿ ದೆಹಲಿ ಹಾಗೂ ಚೆನ್ನೈನತ್ತ ಲಸಿಕೆ ಹೊತ್ತು ಸಾಗಿದವು, ಉಳಿದ ವಿಮಾನಗಳು ಸಹ ಶೀಘ್ರವೇ ಪ್ರಯಾಣ ಬೆಳೆಸಲಿವೆ ಎಂದೂ ತಿಳಿಸಿದ್ದಾರೆ.

. ಪುಣೆ ವಿಮಾನನಿಲ್ದಾಣದಿಂದ 15 ಕಿ.ಮೀ. ದೂರದಲ್ಲಿರುವ ಸೀರಂ ಇನ್ಸ್ಟಿಟ್ಯೂಟ್ ಆಫ್ ಇಂಡಿಯಾದಿಂದ (ಎಸ್ಐಐ) ಮೂರು ಟ್ರಕ್ಗಳು ’ಕೋವಿಶೀಲ್ಡ್’ ಲಸಿಕೆಯನ್ನು ಹೊತ್ತು ಸಾಗಿದವು. ಈ ಸರಕನ್ನು ಹೊತ್ತ ಸ್ಪೈಸ್ಜೆಟ್ನ ವಿಮಾನ ಬೆಳಿಗ್ಗೆ 8ಕ್ಕೆ ದೆಹಲಿಯತ್ತ ಹಾರಿತು.

. ತಾಪಮಾನವನ್ನು ನಿಯಂತ್ರಿಸುವ ವ್ಯವಸ್ಥೆ ಇರುವ ಟ್ರಕ್ಗಳಲ್ಲಿ, ಲಸಿಕೆ ಇರುವಒಟ್ಟು 478 ಪೆಟ್ಟಿಗೆಗಳನ್ನು ಸಾಗಿಸಲಾಗಿತು. ಪ್ರತಿ ಪೆಟ್ಟಿಗೆ ತೂಕ 32 ಕೆ.ಜಿ. ಇದೆ. ಈ ಟ್ರಕ್ಗಳು ಎಸ್ಐಐ ಆವರಣ ಬಿಡುವ ಮುನ್ನ ವಿಧಿವತ್ತಾಗಿ ಅವುಗಳಿಗೆ ಪೂಜೆ ನೆರವೇರಿಸಲಾಯಿತು.

. ಮುಂಬೈಗೆ ರಸ್ತೆ ಮಾರ್ಗ ಮೂಲಕವೇ ಲಸಿಕೆಯನ್ನು ಸಾಗಿಸಲಾಗುತ್ತಿದೆ. ‘ಕೂಲ್–ಎಕ್ಸ್ ಕೋಲ್ಡ್ ಚೈನ್ ಲಿ.’ ಎಂಬ ಸಂಸ್ಥೆ ಲಸಿಕೆಯನ್ನು ಸಾಗಿಸುವುದು ಎಂದು ಮೂಲಗಳು ಹೇಳಿವೆ.

. ‘ಏರ್ಇಂಡಿಯಾ, ಸ್ಪೈಸ್ಜೆಟ್, ಗೋಏರ್ ಹಾಗೂ ಇಂಡಿಗೊ ಸಂಸ್ಥೆಗಳಿಗೆ ಸೇರಿದ ವಿಮಾನಗಳು ದೆಹಲಿ, ಚೆನ್ನೈ, ಕೋಲ್ಕತ್ತ, ಗುವಾಹಟಿ, ಶಿಲ್ಲಾಂಗ್, ಅಹಮದಾಬಾದ್, ಹೈದರಾಬಾದ್, ವಿಜಯವಾಡ, ಭುವನೇಶ್ವರ, ಪಟ್ನಾ, ಬೆಂಗಳೂರು, ಲಖನೌ ಹಾಗೂ ಚಂಡೀಗಡಗಳಿಗೆ ಲಸಿಕೆಯನ್ನು ಹೊತ್ತೊಯ್ಯಲಿವೆ’ ಎಂದು ಅವರು ಮತ್ತೊಂದು ಟ್ವೀಟ್ ಮಾಡಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪುಣೆಯಿಂದ ಹೊರಟ ‘ಕೋವಿಶೀಲ್ಡ್‌’ ಲಸಿಕೆ ಹೊತ್ತ ಎರಡು ವಿಮಾನ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ನವದೆಹಲಿಯ ಕರ್ನಾಟಕ ಭವನದ ಸಿಎಂ ಅವರ ಆ ‘ಸ್ವೀಟ್‌’ ರೂಮಲ್ಲಿ ಡಿಸಿಎಂ ದರ್ಬಾರ್‌!

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಕ್ಕೆ ಸಮನಾದ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ನವದೆಹಲಿಯ ಕರ್ನಾಟಕ ಭವನದ ಸಿಎಂ ಅವರ ಆ ‘ಸ್ವೀಟ್‌’ ರೂಮಲ್ಲಿ ಡಿಸಿಎಂ ದರ್ಬಾರ್‌!