Wayanad Landslide: ಪೊಲೀಸ್‌, ಅಗ್ನಿಶಾಮಕ ದಳದ ಕಾರ್ಯಕ್ಕೆ ಪಿಣರಾಯಿ ಮೆಚ್ಚುಗೆ

ಇದೇ ಸಂದರ್ಭದಲ್ಲಿ ‘ಇದು ರಾಜ್ಯದ ಇತಿಹಾಸದಲ್ಲಿ ಸಂಭವಿಸಿದ ಅತಿ ದೊಡ್ಡ ದುರಂತ’ ಎಂದು ಹೇಳಿದರು.

ಕೇರಳ ಪೊಲೀಸ್ ನಿರ್ಗಮನ ಪಥಸಂಚಲನವನ್ನು ಉದ್ದೇಶಿಸಿ ಮಾತನಾಡಿದ ಅವರು, ‘ಭೀಕರ ದುರಂತದಲ್ಲಿ ಉಂಟಾದ ಅನಾಹುತಗಳಿಂದ ರಾಜ್ಯವು ಇನ್ನಷ್ಟೇ ಚೇತರಿಸಿಕೊಳ್ಳಬೇಕಿದೆ’ ಎಂದು ಹೇಳಿದರು. 

‘ಪೊಲೀಸ್‌ ಮತ್ತು ಅಗ್ನಿಶಾಮಕ ದಳವು ದಿಟ್ಟತನದಿಂದ ರಕ್ಷಣಾ ಕಾರ್ಯಾಚರಣೆ ನಡೆಸಿದೆ. ವಯನಾಡ್ ದುರಂತಕ್ಕೆ ಇಡೀ ಜಗತ್ತು ಕಂಬನಿ ಮಿಡಿದಿದೆ. ಮಾನವೀಯತೆಯ ಅನಾವರಣವಾಗಿದೆ’ ಎಂದರು.  

ಪೊಲೀಸ್‌ ಪಡೆಗೆ ಹೊಸದಾಗಿ ಸೇರ್ಪಡೆಯಾದವರನ್ನು ಉದ್ದೇಶಿಸಿ ಮಾತನಾಡಿದ ಅವರು, ‘ಉನ್ನತ ವಿದ್ಯಾಭ್ಯಾಸ ಪಡೆದ ಮಹಿಳೆಯ ಉಪಸ್ಥಿತಿಯು ಪೊಲೀಸ್‌ ಪಡೆಯ ಬಲವನ್ನು ಹೆಚ್ಚಿಸುತ್ತದೆ. ಕಳೆದ ಬ್ಯಾಚ್‌ನಲ್ಲಿ 1,308 ಮಹಿಳೆಯರಿದ್ದರು. ಈ ಪೈಕಿ 23 ಮಹಿಳೆಯರು ಸಬ್‌ ಇನ್‌ಸ್ಪೆಕ್ಟರ್‌ ಆಗಿ ಬಡ್ತಿ ಪಡೆದಿದ್ದಾರೆ. ಈ ಬ್ಯಾಚ್‌ನಲ್ಲಿ 1,403 ಮಹಿಳೆಯರು ಕೇರಳ ಪೊಲೀಸ್ ಪಡೆಯ ಭಾಗವಾಗಿದ್ದಾರೆ’ ಎಂದು ಹೇಳಿದರು.