ನವದೆಹಲಿ (ಪಿಟಿಐ): ಆಡಳಿತಾರೂಢ ರಾಜಕೀಯ ಪಕ್ಷಗಳು ತಮ್ಮ ಅಧಿಕಾರ ಚಲಾಯಿಸಲು ಪೊಲೀಸ್ ಇಲಾಖೆಯನ್ನು ಒಂದು ಸಾಧನವನ್ನಾಗಿ ಬಳಸಿಕೊಳ್ಳುತ್ತವೆ ಎಂದು ಮಾಜಿ ಕೇಂದ್ರ ಗೃಹ ಕಾರ್ಯದರ್ಶಿ ಜಿ.ಕೆ. ಪಿಳ್ಳೆ ಅಭಿಪ್ರಾಯಪಟ್ಟಿದ್ದಾರೆ.
`ಸಿಪಿಎಂ, ಡಿಎಂಕೆ, ಕಾಂಗ್ರೆಸ್, ಎಐಡಿಎಂಕೆ ಸೇರಿದಂತೆ ಎಲ್ಲಾ ರಾಜಕೀಯ ಪಕ್ಷಗಳು ತಮ್ಮ ಅಧಿಕಾರವನ್ನು ಚಲಾಯಿಸಲು ಪೊಲೀಸ್ ಇಲಾಖೆಯನ್ನು ಸಾಧನವನ್ನಾಗಿ ಬಳಸುತ್ತವೆ. ಎಲ್ಲಾ ಪಕ್ಷಗಳು ಇದನ್ನೇ ಮಾಡಿವೆ~ ಎಂದು ನಕ್ಸಲ್ ಉಗ್ರವಾದ ಕುರಿತ ದುಂಡು ಮೇಜಿನ ಶೃಂಗಸಭೆಯಲ್ಲಿ ಪಿಳ್ಳೆ ಹೇಳಿದ್ದಾರೆ.
ದೇಶದ ಐಪಿಎಸ್ ಅಧಿಕಾರಿಗಳು ವರ್ಗಾವಣೆ ಶಿಕ್ಷೆಯ ಭೀತಿಯನ್ನು ಎದುರಿಸುತ್ತಿದ್ದಾರೆ ಎಂದೂ ನಿವೃತ್ತ ಐಎಸ್ಎಸ್ ಅಧಿಕಾರಿ ಜಿ.ಕೆ.ಪಿಳ್ಳೆ ಹೇಳಿದ್ದಾರೆ.