ಬಾಲ್ಸೊರ್ (ಒಡಿಶಾ) (ಪಿಟಿಐ): ಸ್ವದೇಶಿ ನಿರ್ಮಿತ ಚಾಲಕ ರಹಿತ ಯುದ್ಧ ವಿಮಾನ `ಲಕ್ಷ್ಯ1~ ಪರೀಕ್ಷಾರ್ಥ ಹಾರಾಟ ಬುಧವಾರ ಯಶಸ್ವಿಯಾಗಿ ನಡೆಯಿತು.
ಸಮೀಪದ ಚಂಡಿಪುರ ಪರೀಕ್ಷಾ ಕೇಂದ್ರದಲ್ಲಿ ಯುದ್ಧ ವಿಮಾನದ ಹಾರಾಟ ನಡೆಯಿತು. ಚಾಲಕ ರಹಿತ ಯುದ್ಧ ವಿಮಾನಕ್ಕೆ ಉನ್ನತ ತಂತ್ರಜ್ಞಾನದ ಡಿಜಿಟಲ್ ನಿಯಂತ್ರಣ ವ್ಯವಸ್ಥೆ ಹೊಂದಿರುವ ಎಂಜಿನ್ ಅಳವಡಿಸಲಾಗಿದ್ದು ಇದು ಈ ವಿಮಾನದ ವಿಶೇಷ.
`ಸಾಮಾನ್ಯವಾಗಿ ಇಂಥ ಯುದ್ಧವಿಮಾನಗಳನ್ನು 30ರಿಂದ 35 ನಿಮಿಷಗಳ ಕಾಲ ಹಾರಾಟ ನಡೆಸಲಾಗುತ್ತದೆ. ಬುಧವಾರ ಈ ಯುದ್ಧ ವಿಮಾನದ ಪರೀಕ್ಷಾ ಹಾರಾಟದ ಸಮಯ ಹೆಚ್ಚಿಸುವುದರ ಜೊತೆಗೆ ಬೇರೆ ಬೇರೆ ಮಾನದಂಡಗಳನ್ನಿಟ್ಟುಕೊಂಡು ಪರೀಕ್ಷಿಸಲಾಯಿತು~ ಎಂದು ಮೂಲಗಳು ತಿಳಿಸಿವೆ.
`ಲಕ್ಷ್ಯ 1~ ಯುದ್ಧ ವಿಮಾನವನ್ನು ರಿಮೋಟ್ ಮೂಲಕ ನಿಯಂತ್ರಿಸಬಹುದಾಗಿದ್ದು, ವಾಯುಪಡೆಯ ಪೈಲಟ್ಗಳಿಗೆ ತರಬೇತಿ ನೀಡಲು ಇದನ್ನು ಬಳಸಲಾಗುತ್ತದೆ. ಬೆಂಗಳೂರಿನ ವೈಮಾನಿಕ ಅಭಿವೃದ್ಧಿ ಸಂಸ್ಥೆ (ಎಡಿಇ) ಚಾಲಕ ರಹಿತ ಯುದ್ಧ ವಿಮಾನ ಅಭಿವೃದ್ಧಿಪಡಿಸುತ್ತಿದೆ.