ಭಾವೈಕ್ಯತೆ ಮೆರೆದ ಮುಸ್ಲಿಂ ಕುಟುಂಬ: ಮಗಳ ಮದುವೆಯಲ್ಲಿ 11 ಹಿಂದೂ ಜೋಡಿಗಳ ವಿವಾಹ

ಹಗರಿಬೊಮ್ಮನಹಳ್ಳಿ (ಬಳ್ಳಾರಿ ಜಿಲ್ಲೆ): ಮುಸ್ಲಿಂ ಸಮುದಾಯಕ್ಕೆ ಸೇರಿದ ಶಿಕ್ಷಕರೊಬ್ಬರು ತಮ್ಮ ಮಗಳ ಮದುವೆಯಲ್ಲಿ ಹಿಂದೂ ಧರ್ಮದ 11 ಜೋಡಿ ವಧು–ವರರ ಸಾಮೂಹಿಕ ವಿವಾಹ ನೆರವೇರಿಸಿ ಭಾವೈಕ್ಯ ಮೆರೆದಿದ್ದಾರೆ.

. ತಾಲ್ಲೂಕಿನ ನಾರಾಯಣದೇವರಕೆರೆ ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಮುಖ್ಯ ಶಿಕ್ಷಕರಾಗಿರುವ ಎಸ್.ಇನಾಯತ್, ಇಲ್ಲಿನ ಪಂಚಮಸಾಲಿ ಕಲ್ಯಾಣ ಮಂಟಪದಲ್ಲಿ ಬುಧವಾರ ಸಾಮೂಹಿಕ ವಿವಾಹವನ್ನು ಹಮ್ಮಿಕೊಂಡಿದ್ದರು. ಈ ಮೂಲಕ, ಸಾಮೂಹಿಕ ವಿವಾಹ ಕಾರ್ಯಕ್ರಮದಲ್ಲಿಯೇ ಮದುವೆಯಾಗುವುದಾಗಿ ಹೇಳಿದ್ದ ತಮ್ಮ ಮಗಳ ಬೇಡಿಕೆಯನ್ನೂ ಈಡೇರಿಸಿದರು.

. ಇನಾಯತ್ ಅವರ ಪುತ್ರಿ ಎಸ್.ನಗ್ಮಾ ಎಂಜಿನಿಯರಿಂಗ್ ಪದವೀಧರೆ. ಮಗಳ ಒತ್ತಾಸೆಯಂತೆ ಹಿಂದೂ ಧರ್ಮದ ವಿವಿಧ ಸಮುದಾಯಗಳ 11 ಜೋಡಿಗಳ ವಿವಾಹ ನೆರವೇರಿಸಿ, ಅಂದಾಜು ₹ 5 ಲಕ್ಷ ವೆಚ್ಚವನ್ನು ಭರಿಸಿದರು. ಅಲ್ಲದೇ ನವದಂಪತಿಗೆ ತವರು ಮನೆಯ ಉಡುಗೊರೆಯಾಗಿ ಒಂದು ಗಾಡ್ರೇಜ್ ಮತ್ತು ಅಡುಗೆ ಪಾತ್ರೆಗಳನ್ನೂ ನೀಡಿದರು.

. ಪರಿಶಿಷ್ಟ ಜಾತಿಯ ಮೂರು, ಪರಿಶಿಷ್ಟ ಪಂಗಡದ ಎರಡು ಮತ್ತು ಇತರ ಜಾತಿಗೆ ಸೇರಿದ ಆರು ಜೋಡಿಗಳ ವಿವಾಹವನ್ನು ಹಿಂದೂ ಸಂಪ್ರದಾಯದಂತೆ ನೆರವೇರಿಸಲಾಯಿತು. ವಧು–ವರರನ್ನು ಹರಸಲು ಬಂದಿದ್ದ ಮೂರು ಸಾವಿರ ಜನರಿಗೆ ಸಿಹಿ ಊಟದ ವ್ಯವಸ್ಥೆ ಮಾಡಲಾಗಿತ್ತು.

. ನವ ದಂಪತಿ ಎಸ್.ನಗ್ಮಾ ಮತ್ತು ಎಸ್.ಕೆ.ಎಸ್.ರಸೂಲ್ ಅವರಿಗೆ ಎಲ್ಲರೂ ಶುಭ ಹಾರೈಸಿದರು. ಮದುವೆ ಸಂಭ್ರಮದ ಬಳಿಕ ಇನಾಯತ್ ಮತ್ತು ಅವರ ಪತ್ನಿ ನಾಪೂನ್ನೀಸಾ ಅವರ ಮೊಗದಲ್ಲಿ ಮಂದಹಾಸ ಮೂಡಿತ್ತು. ವಿವಾಹಕ್ಕೆ ಬಂದವರು ಅಪ್ಪ ಮತ್ತು ಮಗಳ ಕಾರ್ಯವನ್ನು ಶ್ಲಾಘಿಸಿದರು.

. ಜನವಾದಿ ಮಹಿಳಾ ಸಂಘಟನೆಯ ರಾಜ್ಯ ಘಟಕದ ಅಧ್ಯಕ್ಷೆ ಕೆ.ನೀಲಾ, ವೀರಶೈವ ಲಿಂಗಾಯತ ಪಂಚಮಸಾಲಿ ಶಾಖಾ ಮಠದ ಮಹಾಂತ ಸ್ವಾಮೀಜಿ, ನಂದಿಪುರದ ಮಹೇಶ್ವರ ಸ್ವಾಮೀಜಿ, ಹಾಲಶಂಕರ ಸ್ವಾಮೀಜಿ, ಪಾದ್ರಿ ವಿಜಯಕುಮಾರ್, ಮೌಲಾನಾ ದಾದಾ ಸಾಹೇಬ್, ಕ್ಷೇತ್ರ ಶಿಕ್ಷಣಾಧಿಕಾರಿ ಶೇಖರಪ್ಪ ಹೊರಪೇಟಿ, ಶಿಕ್ಷಣ ಸಂಪನ್ಮೂಲ ಅಧಿಕಾರಿ ಬೋರಯ್ಯ ಈ ಸಮಾರಂಭಕ್ಕೆ ಸಾಕ್ಷಿಯಾದರು.

. ಪ್ರಾಥಮಿಕ ಶಾಲಾ ಶಿಕ್ಷಕರ ಸಂಘದ ಪದಾಧಿಕಾರಿಗಳು ಊಟದ ವ್ಯವಸ್ಥೆ, ವಸತಿ ವ್ಯವಸ್ಥೆ ಸೇರಿದಂತೆ ಇತರ ಕೆಲಸಗಳಲ್ಲಿ ಸಾಥ್ ನೀಡಿದರು.

. ***

. ‘ವಿಜೃಂಭಣೆ ಅರತಕ್ಷತೆ ಹಮ್ಮಿಕೊಂಡು ದುಂದು ವೆಚ್ಚ ಮಾಡುವ ಬದಲಾಗಿ ಬಡವರ 11ಜೋಡಿ ಸಾಮೂಹಿಕ ವಿವಾಹಗಳನ್ನು ಹಮ್ಮಿಕೊಳ್ಳುವಂತೆ ನಮ್ಮ ತಂದೆಯವರ ಬಳಿ ವಿನಂತಿಸಿಕೊಂಡಿದ್ದೆ. ನನ್ನ ಅಪೇಕ್ಷೆಯಂತೆ ಸಾಮೂಹಿಕ ವಿವಾಹವನ್ನು ಅಚ್ಚುಕಟ್ಟಾಗಿ ನೆರವೇರಿಸಿದ್ದಾರೆ. ಇದು ತಮ್ಮ ಪತಿ ಎಸ್.ಕೆ.ಎನ್.ರಸೂಲ್ ಅವರಿಗೂ ತುಂಬಾ ಖುಷಿ ತಂದಿದೆ.’ ಎಸ್.ನಗ್ಮಾ , ಮುಖ್ಯ ಶಿಕ್ಷಕರ ಮಗಳು

. ***

. ‘ತಂದೆಯಾಗಿ ಮಗಳ ಆಸೆಯನ್ನು ಈಡೇರಿಸಿದ್ದೇನೆ. ಅವಳಿಗೆ ಇರುವ ಬಡವರ ಬಗೆಗಿನ ಅನುಕಂಪ ಮತ್ತು ಸಾಮಾಜಿಕ ಕಳಕಳಿ ನೋಡಿ ಹೆಮ್ಮೆ ಅನಿಸುತ್ತದೆ.’ ಎಸ್.ಇನಾಯತ್, ಶಿಕ್ಷಕ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಭಾವೈಕ್ಯತೆ ಮೆರೆದ ಮುಸ್ಲಿಂ ಕುಟುಂಬ: ಮಗಳ ಮದುವೆಯಲ್ಲಿ 11 ಹಿಂದೂ ಜೋಡಿಗಳ ವಿವಾಹ

ಚಿನಕುರುಳಿ Cartoon: 9 ಜುಲೈ 2025

ಚುರುಮುರಿ: ಹೃದಯದ ಮಾತು

ದಿನ ಭವಿಷ್ಯ: ಈ ರಾಶಿಯವರಿಗೆ ಕಚೇರಿಯಲ್ಲಿ ವಿಶೇಷ ಗೌರವ ದೊರೆಯಲಿದೆ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಆಗಸ್ಟ್‌ 29ರಿಂದ ಪ್ರೊ ಕಬಡ್ಡಿ ಲೀಗ್

ವೇಟ್‌ಲಿಫ್ಟಿಂಗ್: ಸಾಯಿರಾಜ್‌ಗೆ ಕಂಚು

ICC Test Rankings: 15 ಸ್ಥಾನ ಮೇಲೇರಿ ಅಗ್ರ ಹತ್ತರಲ್ಲಿ ಕಾಣಿಸಿಕೊಂಡ ಗಿಲ್

ಭಾರತ ‘ಎ’ ಹಾಕಿ ತಂಡದ ಶುಭಾರಂಭ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 9 ಜುಲೈ 2025

ಚುರುಮುರಿ: ಹೃದಯದ ಮಾತು

ದಿನ ಭವಿಷ್ಯ: ಈ ರಾಶಿಯವರಿಗೆ ಕಚೇರಿಯಲ್ಲಿ ವಿಶೇಷ ಗೌರವ ದೊರೆಯಲಿದೆ

ಚಿನಕುರುಳಿ | ಮಂಗಳವಾರ, 08 ಜುಲೈ 2025