ಅಂಗನವಾಡಿಗಳಿಗೆ ಮೂಲ ಸೌಕರ್ಯ ಒದಗಿಸುವ ಸಂಬಂಧ ಸ್ವಯಂ ಪ್ರೇರಿತ ಅರ್ಜಿ ವಿಚಾರಣೆ ಕೈಗೆತ್ತಿಕೊಂಡಿರುವ ಮುಖ್ಯ ನ್ಯಾಯಮೂರ್ತಿ ಎ.ಎಸ್. ಓಕಾ ನೇತೃತ್ವದ ವಿಭಾಗೀಯ ಪೀಠ, ‘ರಾಜ್ಯದ 14,948 ಅಂಗನವಾಡಿಗಳಿಗೆ ವಿದ್ಯುತ್ ಸಂಪರ್ಕ ಮತ್ತು 18,974 ಕೇಂದ್ರಗಳಿಗೆ ಫ್ಯಾನ್ಗಳನ್ನು ಒದಗಿಸಬೇಕಿದೆ. ಇದರಲ್ಲಿ 3,524 ಕೇಂದ್ರಗಳು ಸರ್ಕಾರಿ ಕಟ್ಟಡದಲ್ಲಿ ಇರುವುದರಿಂದ ಯಾವುದೇ ತೊಡಕು ಬರುವುದಿಲ್ಲ. ಅವುಗಳಿಗೆ ಡಿಸೆಂಬರ್ ಒಳಗೆ, ಉಳಿದವುಗಳಿಗೆ 2022ರ ಜೂನ್ 30ರೊಳಗೆ ಈ ಸೌಕರ್ಯ ಕಲ್ಪಿಸಬೇಕು’ ಎಂದು ತಿಳಿಸಿತು.