ಧಾರಾಕಾರ ಮಳೆ ಮುನ್ಸೂಚನೆ: 7 ಜಿಲ್ಲೆಗಳಲ್ಲಿ ‘ರೆಡ್ ಅಲರ್ಟ್‌’

ರಾಮನಗರ, ಮೈಸೂರು, ಮಂಡ್ಯ, ಚಾಮರಾಜನಗರ ಜಿಲ್ಲೆಗಳಲ್ಲಿ ‘ಆರೆಂಜ್ ಅಲರ್ಟ್‌’ ಹಾಗೂ ತುಮಕೂರು, ಕೋಲಾರ, ದಾವಣಗೆರೆ, ಚಿತ್ರದುರ್ಗ, ಬಳ್ಳಾರಿ, ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ, ಬಳ್ಳಾರಿ, ಹಾವೇರಿ, ಗದಗ, ಧಾರವಾಡ, ಬೆಳಗಾವಿ, ಕೊಪ್ಪಳ, ವಿಜಯಪುರ ಜಿಲ್ಲೆಗಳಲ್ಲಿ ‘ಯೆಲ್ಲೊ ಅಲರ್ಟ್‌’ ನೀಡಲಾಗಿದೆ.

ಕರಾವಳಿಯಲ್ಲಿ ಗಂಟೆಗೆ ಗರಿಷ್ಠ 60 ಕಿ.ಮೀ ವೇಗದಲ್ಲಿ ಗಾಳಿ ಬೀಸುತ್ತಿರುವುದರಿಂದ ಮೀನುಗಾರರು ಸಮುದ್ರಕ್ಕೆ ಇಳಿಯಬಾರದು ಎಂದು ಇಲಾಖೆ ಎಚ್ಚರಿಸಿದೆ. ಮೇ 21ರ ಬಳಿಕ ರಾಜ್ಯದಾದ್ಯಂತ ಮಳೆ ತಗ್ಗುವ ಸಾಧ್ಯತೆ ಇದೆ.

ಮಳೆ–ಎಲ್ಲಿ, ಎಷ್ಟು?:ಬೆಂಗಳೂರಿನ ಜಿಕೆವಿಕೆ ಭಾಗದಲ್ಲಿ ಬುಧವಾರ 13 ಸೆಂ.ಮೀ ಗರಿಷ್ಠ ಮಳೆಯಾಗಿದೆ. ಹೊಳೆನರಸೀಪುರ 12, ಹುಣಸೂರು 11, ಪಾವಗಡ, ದೊಡ್ಡಬಳ್ಳಾಪುರ 10, ಗೌರಿಬಿದನೂರು, ತೊಂಡೇಬಾವಿ 9, ಶಿಡ್ಲಘಟ್ಟ, ಮಳವಳ್ಳಿ, ಕನಕಪುರ 8, ಕುಣಿಗಲ್, ಚಿಕ್ಕಬಳ್ಳಾಪುರ, ಹಾಸನ 7, ಚನ್ನಪಟ್ಟಣ, ತಿಪಟೂರು, ದೇವನಹಳ್ಳಿ 6, ಧಾರವಾಡ, ಗುಡಿಬಂಡೆ, ಮಾಗಡಿ, ರಾಮನಗರ 5, ನೆಲಮಂಗಲ, ಪಾಂಡವಪುರ, ಆನೇಕಲ್‌ನಲ್ಲಿ ತಲಾ 4 ಸೆಂ.ಮೀ ಮಳೆಯಾಗಿದೆ.