ಶಿವಸೇನಾಗೆ ಪಾಠ ಕಲಿಸಲು ಬಿಜೆಪಿಯಿಂದ ಸರ್ಕಾರ ರಚನೆ: ಪ್ರಹ್ಲಾದ ಜೋಶಿ

ಶನಿವಾರ ನಗರದಲ್ಲಿ ಸುದ್ದಿಗಾರರ ಜೊತೆ ಮಾತನಾಡಿದ ಅವರು ಅಧಿಕಾರದ ಆಸೆ ಹಾಗೂ ದುರಹಂಕಾರದಿಂದ ನಡೆದುಕೊಂಡ ಶಿವಸೇನಾ ಜನಾದೇಶವನ್ನು ತಿರಸ್ಕರಿಸಿತು. ಮಹಾರಾಷ್ಟ್ರದಲ್ಲಿ ಸ್ಥಿರ ಸರ್ಕಾರದ ಅನಿವಾರ್ಯತೆಯಿದ್ದ ಕಾರಣ ಎನ್‌ಸಿಪಿ ಜೊತೆ ಕೈ ಜೋಡಿಸಿದ್ದೇವೆ. ಶಿವಸೇನೆಯ ಅಧಿಕಾರದ ದುರಾಸೆಗೆ ಸರಿಯಾದ ಪಾಠ ಕಲಿಸಿದ್ದೇವೆ ಎಂದು ಪಕ್ಷದ ನಿರ್ಧಾರವನ್ನು ಸಮರ್ಥಿಸಿಕೊಂಡರು.

ಫಡಣವೀಸ್‌ ಅವರೇ ಐದು ವರ್ಷ ಮುಖ್ಯಮಂತ್ರಿಯಾಗಿರುತ್ತಾರೆ ಎಂದು ಖುದ್ದು ಪ್ರಧಾನಿಯೇ ಶಿವಸೇನಾ ನಾಯಕರಿಗೆ ಹೇಳಿದಾಗ ಯಾರೂ ಮಾತನಾಡಿರಲಿಲ್ಲ. ಬಳಿಕ ಇದಕ್ಕೆ ವಿರೋಧ ವ್ಯಕ್ತಪಡಿಸಿತ್ತು. ಆದರೂ, ಶಿವಸೇನಾ ಸುಧಾರಿಸಬಹುದು ಎಂದು ಒಂದು ತಿಂಗಳಿಂದ ತಾಳ್ಮೆಯಿಂದ ಕಾದಿದ್ದೆವು. ಶಿವಸೇನಾ, ಬಿಜೆಪಿಗೆ ಬ್ಲಾಕ್‌ಮೇಲ್‌ ಮಾಡುವ ಕುತಂತ್ರ ಮಾಡಿತು. ಬಿಜೆಪಿ ಅನೈತಿಕ ರಾಜಕಾರಣ ಮಾಡಿಲ್ಲ ಎಂದು ಹೇಳಿದರು.