ಶುಕ್ರವಾರ ಇಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ‘ಸಾಮಾಜಿಕ ಜಾಲತಾಣದಲ್ಲಿ ಮೀ–ಟೂ ಅಭಿಯಾನ ಆರಂಭವಾದ ಬಳಿಕ ಲೈಂಗಿಕ ದೌರ್ಜನ್ಯಕ್ಕೆ ಒಳಗಾದ ಅನೇಕ ಪ್ರಕರಣಗಳ ಬಹಿರಂಗಗೊಂಡಿವೆ. ಲೈಂಗಿಕ ದೌರ್ಜನ್ಯ ವಿರುದ್ಧ ಅರಿವು ಮೂಡಿಸಲು ‘ಫೈರ್’ ಸಂಸ್ಥೆ ಹುಟ್ಟು ಹಾಕುತ್ತಿದ್ದೇವೆ. ಸಂಸ್ಥೆಯ ಭಾಗವಾಗಿ ದೂರು ಸಮಿತಿ ಇರಲಿದೆ. ಇದಕ್ಕೆ ಕವಿತಾ ಲಂಕೇಶ್ ನಿರ್ದೇಶಕಿಯಾಗಿದ್ದು, ಪ್ರಿಯಾಂಕಾ ಉಪೇಂದ್ರ, ಅಹಿಂಸಾ ಚೇತನ್ ಹಾಗೂ ನಾನು ಸದಸ್ಯರಾಗಿದ್ದೇವೆ’ ಎಂದರು.