‘ವೃಕ್ಷ ಪ್ರಸಾದ’: 20 ಸಾವಿರ ಸಸಿ ನೀಡುವ ಗುರಿ

ಮಂತ್ರಾಲಯ: ‘ವೃಕ್ಷ ಪ್ರಸಾದ’ ಹೆಸರಿ ನಲ್ಲಿ ಮಂತ್ರಾಲಯದಲ್ಲಿ ನಡೆಯುತ್ತಿರುವ ಸಸಿಗಳ ವಿತರಣಾ ಕಾರ್ಯಕ್ರಮವು ಪೂರ್ವಾರಾಧನೆಯ ದಿನವಾದ ಶುಕ್ರವಾರ ಆರಂಭಗೊಂಡಿತು. ಈ ಸಾರಿ 20 ಸಾವಿರದಷ್ಟು ಸಸಿಗಳನ್ನು ವಿತರಿಸುವ ಗುರಿ ಹೊಂದಲಾಗಿದೆ.

ಆರಾಧನೆ ಸಮಯ ಮಂತ್ರಾಲಯಕ್ಕೆ ಬರುವ ಭಕ್ತರಿಗೆ ಉಚಿತವಾಗಿ ಒಂದು ಅಥವಾ ಎರಡು ಸಸಿಗಳನ್ನು ವಿತರಣೆ ಮಾಡಲಾಗುತ್ತಿದೆ. ಆರಾಧನೆಯ ಮೊದಲ ದಿನ 3,500 ಸಸಿಗಳನ್ನು ವಿತರಣೆಗೆ ಸಿದ್ಧ ಮಾಡಿಕೊಳ್ಳಲಾಗಿದೆ.

‘ವೃಕ್ಷ ಪ್ರಸಾದ’ ಸಸಿ ವಿತರಣೆಗೆ ಚಾಲನೆ ನೀಡಿದ ಶ್ರೀಸುಬುಧೇಂದ್ರ ತೀರ್ಥರು, ಸಸಿಗಳನ್ನು ಪಡೆದುಕೊಂಡ ಭಕ್ತರಿಂದ ಸಸಿಗಳನ್ನು ಬೆಳಸಿ, ಸಂರಕ್ಷಣೆ ಮಾಡುವುದು ಮತ್ತು ಮತ್ತೊಬ್ಬರಿಗೂ ಸಸಿ ವಿತರಣೆ ಮಾಡುವ ಕುರಿತು ಪ್ರಮಾಣ ಮಾಡಿಸಿದರು.

ಮೂರು ದಿನಗಳಲ್ಲಿ 8 ವಿಧದ ಸಸಿಗಳನ್ನು ನೀಡಲಾಗುತ್ತದೆ ಎಂದು ಸಸಿ ವಿತರಣೆಯ ಉಸ್ತುವಾರಿ ನೋಡಿಕೊಳ್ಳು ತ್ತಿರುವ ರಾಜು ಹೇಳಿದರು.

ಈ ‘ವೃಕ್ಷ ಪ್ರಸಾದ’ಸೇವೆಯನ್ನು ಬೆಂಗಳೂರಿನ ಉದ್ಯಮಿ ಎಂ.ಕೆ. ಅನಿಲ್ ಕುಮಾರ್ ಮತ್ತು ಅವರ ಪತ್ನಿ ಲಕ್ಷ್ಮಿ ಅವರು 4 ವರ್ಷಗಳಿಂದ ನಡೆಸಿಕೊಂಡು ಬರುತ್ತಿದ್ದಾರೆ. ಇದಲ್ಲದೆ ಮಂತ್ರಾಲಯದಲ್ಲಿ ಎರಡು ಕಡೆ ಶುದ್ಧ ಕುಡಿಯುವ ನೀರಿನ ಘಟಕ ಮತ್ತು ಶೌಚಾಲಯ ಸ್ಥಾಪಿಸಿ ಅದರ ನಿರ್ವಹಣೆಯನ್ನು ಮಾಡುತ್ತಿದ್ದಾರೆ. ಈ ಸಾರಿ ಆರಾಧನೆಯ ಸಮಯದಲ್ಲಿ ವಸತಿ ಗೃಹಗಳ ಬುಕಿಂಗ್ ಕೇಂದ್ರದ ಬಳಿ ಹೊಸದಾಗಿ ಶುದ್ಧ ಕುಡಿಯುವ ನೀರಿನ ಘಟಕ ಸ್ಥಾಪಿಸಿದ್ದಾರೆ.

‘ಶ್ರೀಗುರುರಾಯರ ಪ್ರೇರಣೆ ಮತ್ತು ಮಂತ್ರಾಲಯ ಶ್ರೀ ಅವರ ಆಶೀರ್ವಾದದಿಂದ ‘ವೃಕ್ಷ ಪ್ರಸಾದ’ ಸೇವೆ ಮಾಡುತ್ತಿದ್ದೇವೆ. ಕಳೆದ ವರ್ಷ 10 ಸಾವಿರ ತುಳಿಸಿ ಸಸಿಗಳು ಸೇರಿದಂತೆ ಸುಮಾರು 24 ಸಾವಿರ ಸಸಿಗಳನ್ನು ವಿತರಣೆ ಮಾಡಲಾಗಿತ್ತು. ಈ ಸಾರಿ 20 ಸಾವಿರ ಸಸಿಗ ಳನ್ನು ವಿತರಣೆ ಮಾಡುವ ಉದ್ದೇಶ ಇದೆ’ ಎಂದು ಎಂ.ಕೆ. ಅನಿಲ್ಕುಮಾರ್ ತಿಳಿಸಿದರು.

‘ಒಂದು ಸಸಿಗೆ ಸಾಗಣೆ ವೆಚ್ಚವೂ ಸೇರಿ ₹12ರಿಂದ ₹15 ವೆಚ್ಚವಾಗುತ್ತದೆ. ಆದಷ್ಟೂ ಮಂತ್ರಾಲಯದ ಸಮೀಪದಲ್ಲೇ ಖಾಸಗಿ ಮತ್ತು ಸರ್ಕಾರಿ ನರ್ಸರಿಗಳಿಂದ ಸಸಿಗಳನ್ನು ಖರೀದಿ ಮಾಡುತ್ತೇವೆ. ಬೆಂಗಳೂರಿನಿಂದಲೂ ಸಸಿಗಳನ್ನು ತಂದಿದ್ದೇವೆ. ಮಂತ್ರಾಲಯ ಮಠದ ಸಮೀಪದಲ್ಲಿ ಸಸಿಗಳ ವಿತರಣೆಗೆ ಶಾಶ್ವತವಾದ ಕೌಂಟರ್ ತೆರೆಯುವ ಆಲೋಚನೆ ಕೂಡ ಇದೆ’ ಎಂದರು.

14 ವರ್ಷದಿಂದ ಆರಾಧನೆ ಸಮಯ ಮಂತ್ರಾಲಯಕ್ಕೆ ಬರುತ್ತಿದ್ದೇನೆ. ಆದರೆ, ‘ವೃಕ್ಷ ಪ್ರಸಾದ’ ತೆಗೆದುಕೊಂಡಿರಲಿಲ್ಲ. ಈ ಸಾರಿ ಎರಡು ಸಸಿ ಕೊಂಡೊಯ್ಯುವೆ. -ಮುನಿರತ್ನ, ಬಂಗಾರಪೇಟೆ ಭಕ್ತ

ಮುಖ್ಯಾಂಶಗಳು * 4 ವರ್ಷಗಳಿಂದ ‘ವೃಕ್ಷ ಪ್ರಸಾದ’ * ಸಸಿ ವಿತರಣೆಗೆ ಶಾಶ್ವತ ಕೌಂಟರ್ ತೆರೆಯುವ ಚಿಂತನೆ * ಕಳೆದ ವರ್ಷ 24 ಸಾವಿರಕ್ಕೂ ಹೆಚ್ಚು ಸಸಿಗಳ ವಿತರಣೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ವೃಕ್ಷ ಪ್ರಸಾದ’: 20 ಸಾವಿರ ಸಸಿ ನೀಡುವ ಗುರಿ

ಚಿನಕುರುಳಿ Cartoon: 11 ಜುಲೈ 2025

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ: ಹೇಳಿಕೆ ದಾಖಲಿಸಿದ ದೂರುದಾರ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಲಾರ್ಡ್ಸ್‌ ಟೆಸ್ಟ್‌ನಲ್ಲಿ 5 ವಿಕೆಟ್ ಉರುಳಿಸಿದರೂ ಸಂಭ್ರಮಿಸದ ಬೂಮ್ರಾ: ಕಾರಣವೇನು?

ಲಾರ್ಡ್ಸ್‌ನಲ್ಲಿ 350ರ ಗಡಿ ದಾಟಿದ ಆಂಗ್ಲರು: ಭಾರತದ ಜಯದ ಹಾದಿ ಕಠಿಣ! ಕಾರಣವೇನು?

ಟೆಸ್ಟ್ ಕ್ರಿಕೆಟ್‌ನಲ್ಲಿ ಅತಿಹೆಚ್ಚು ಕ್ಯಾಚ್: ದ್ರಾವಿಡ್ ದಾಖಲೆ ಮುರಿದ ಜೋ ರೂಟ್

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಧರ್ಮಸ್ಥಳದಲ್ಲಿ ಅಪರಾಧ ಕೃತ್ಯ ಕುರಿತ ಆರೋಪ: ಹೇಳಿಕೆ ದಾಖಲಿಸಿದ ದೂರುದಾರ

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ