ಬೈರುತ್: ಸಿರಿಯಾದ ಅಲೆಪ್ಪೊ ನಗರದಲ್ಲಿ ಭಾನುವಾರ ಬೆಳಗಿನ ಜಾವ ಕಟ್ಟಡವೊಂದು ಕುಸಿದುಬಿದ್ದಿದ್ದು, ಮಗು ಸೇರಿ ಕನಿಷ್ಠ 16 ಮಂದಿ ಮೃತಪಟ್ಟಿದ್ದಾರೆ. ನಾಲ್ಕು ಮಂದಿ ಗಾಯಗೊಂಡಿದ್ದಾರೆ. ಐದು ಅಂತಸ್ತಿನ ಕಟ್ಟಡ ಕುಸಿದಿದ್ದು, ಕಟ್ಟಡದಲ್ಲಿ ಕನಿಷ್ಠ 30 ಮಂದಿ ವಾಸವಿದ್ದರು.
ಈ ಪ್ರದೇಶವು ಅಮೆರಿಕ ಬೆಂಬಲಿತ ಸಿರಿಯಾ ಪ್ರಜಾಸತ್ತಾತ್ಮಕ ಪಡೆಯ ನಿಯಂತ್ರಣದಲ್ಲಿದೆ ಎಂದು ಸಿರಿಯಾದ ಮಾಧ್ಯಮ ವರದಿ ಮಾಡಿದೆ. ನೀರು ಸೋರಿಕೆಯಿಂದಾಗಿ ಕಟ್ಟಡದ ಅಡಿಪಾಯವು ಶಿಥಿಲಗೊಂಡಿತ್ತು ಎಂದು ವರದಿ ತಿಳಿಸಿದೆ.