<p><strong>ಪೆಶಾವರ: </strong>ಅಫ್ಗಾನಿಸ್ತಾನದಲ್ಲಿ ತಾಲಿಬಾನ್ ಆಡಳಿತ ಶುರುವಾದ ನಂತರ ಸಂಗೀತಗಾರರಿಗೆ, ಸಂಗೀತ ಸಂಯೋಜಕರು ಹಾಗೂ ಕಲಾವಿದರಿಗೆ ಅಸ್ತಿತ್ವದ ಚಿಂತೆ ಯೊಂದಿಗೆ ಜೀವದ ಆತಂಕವೂ ಕಾಡುತ್ತಿದೆ.</p>.<p>ಜೀವ ಬೆದರಿಕೆ ಜೊತೆಜೊತೆಗೆ ಸಂಗೀತಕ್ಕೆ ಒದಗಬಹುದಾದ ವಿಪತ್ತನ್ನು ನೆನೆದು ಅವರು ದೇಶ ತೊರೆಯುತ್ತಿದ್ದಾರೆ. ತಮ್ಮ ಜೀವ ಹಾಗೂ ತಮ್ಮ ಜೀವದ ಜೀವವೇ ಆದ ಸಂಗೀತವನ್ನು ಉಳಿಸಿಕೊಳ್ಳುವ ದಾರಿ ಕಾಣದೇ ಪಲಾಯನ ಮಾಡುತ್ತಿದ್ದಾರೆ.</p>.<p>ನೂರಾರು ಸಂಗೀತ ಕಾರ್ಯಕ್ರಮಗಳು ರದ್ದಾಗಿದ್ದು, ಪಾಕಿಸ್ತಾನದ ಸಂಗೀತ ಪೋಷಕರು ಕಾಬೂಲ್ನಲ್ಲಿರುವ ತಮ್ಮ ಕಚೇರಿಗಳನ್ನು ಮುಚ್ಚುತ್ತಿದ್ದಾರೆ. ಬಹುತೇಕ ಕಾರ್ಯಕ್ರಮಗಳಿಗೆ ಮುಂಗಡವಾಗಿ ಹಣ ನೀಡಿದ್ದ ಅವರು ದಿವಾಳಿಯಾಗಿದ್ದಾರೆ.</p>.<p>ಅಫ್ಗಾನಿಸ್ತಾನವು ತಾಲಿಬಾನ್ ವಶಕ್ಕೆ ಬಂದಾಗಿನಿಂದ ಸಂಗೀತ ಕಲಾವಿದರು ತಮ್ಮ ವಾದ್ಯಪರಿಕರಗಳನ್ನು ಮನೆಗೆ ಒಯ್ದು ಇಟ್ಟಿದ್ದಾರೆ. ಹಲವು ಕಲಾವಿದರು ಹಾಗೂ ಹಾಡುಗಾರರು ಜೀವ ಉಳಿಸಿಕೊಳ್ಳುವುದಕ್ಕಾಗಿ ಪಾಕಿಸ್ತಾನಕ್ಕೆ ಬರುತ್ತಿದ್ದಾರೆ. ಈ ವೃತ್ತಿಯನ್ನು ಬಿಡದೇ ಹೋದರೆ ತಮಗೆ ಉಳಿಗಾಲವಿಲ್ಲ ಎನ್ನುತ್ತಾರೆ ಅಫ್ಗಾನಿಸ್ತಾನದ ಗಾಯಕ ಪಾಸುನ್ ಮುನಾವರ್. ಇನ್ನೊಬ್ಬ ಹಾಡುಗಾರ ಅಜ್ಮಲ್, ತಮ್ಮ ಪೋಷಾಕು ಬದಲಿಸಿ ಪಾಕಿಸ್ತಾನಕ್ಕೆ ತೆರಳಿದ್ದಾರೆ.</p>.<p>ಅಫ್ಗಾನಿಸ್ತಾನದವರು ಸಂಗೀತಪ್ರಿಯರು. ಅಲ್ಲಿ ಸಂಗೀತ ಕಾರ್ಯಕ್ರಮ ನೀಡಿದಾಗಲೆಲ್ಲ ತಮಗೆ ತುಂಬಾ ಗೌರವ ಸಿಕ್ಕಿದೆ ಎನ್ನುತ್ತಾರೆ ಪಾಕಿಸ್ತಾನದ ಕಲಾವಿದ ಷಾಜಹಾನ್. ಆತಂಕದಿಂದ ಇಲ್ಲಿಗೆ ಬಂದಿರುವ ಅಲ್ಲಿಯ ಕಲಾವಿದರನ್ನು ಸ್ವಾಗತಿಸುವುದಾಗಿಯೂ ಅವರು ಹೇಳಿದರು.</p>.<p>ಸಂಗೀತ ಕಾರ್ಯಕ್ರಮಗಳ ಮೇಲಿನ ನಿಷೇಧದಿಂದಾಗಿ, ಆ ದೇಶದ ಕಲಾವಿದರಿಗೆ ಮಾತ್ರವಲ್ಲದೇ ಪಾಕಿಸ್ತಾನದ ಕಲಾವಿದರಿಗೂ ತೊಂದರೆಯಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪೆಶಾವರ: </strong>ಅಫ್ಗಾನಿಸ್ತಾನದಲ್ಲಿ ತಾಲಿಬಾನ್ ಆಡಳಿತ ಶುರುವಾದ ನಂತರ ಸಂಗೀತಗಾರರಿಗೆ, ಸಂಗೀತ ಸಂಯೋಜಕರು ಹಾಗೂ ಕಲಾವಿದರಿಗೆ ಅಸ್ತಿತ್ವದ ಚಿಂತೆ ಯೊಂದಿಗೆ ಜೀವದ ಆತಂಕವೂ ಕಾಡುತ್ತಿದೆ.</p>.<p>ಜೀವ ಬೆದರಿಕೆ ಜೊತೆಜೊತೆಗೆ ಸಂಗೀತಕ್ಕೆ ಒದಗಬಹುದಾದ ವಿಪತ್ತನ್ನು ನೆನೆದು ಅವರು ದೇಶ ತೊರೆಯುತ್ತಿದ್ದಾರೆ. ತಮ್ಮ ಜೀವ ಹಾಗೂ ತಮ್ಮ ಜೀವದ ಜೀವವೇ ಆದ ಸಂಗೀತವನ್ನು ಉಳಿಸಿಕೊಳ್ಳುವ ದಾರಿ ಕಾಣದೇ ಪಲಾಯನ ಮಾಡುತ್ತಿದ್ದಾರೆ.</p>.<p>ನೂರಾರು ಸಂಗೀತ ಕಾರ್ಯಕ್ರಮಗಳು ರದ್ದಾಗಿದ್ದು, ಪಾಕಿಸ್ತಾನದ ಸಂಗೀತ ಪೋಷಕರು ಕಾಬೂಲ್ನಲ್ಲಿರುವ ತಮ್ಮ ಕಚೇರಿಗಳನ್ನು ಮುಚ್ಚುತ್ತಿದ್ದಾರೆ. ಬಹುತೇಕ ಕಾರ್ಯಕ್ರಮಗಳಿಗೆ ಮುಂಗಡವಾಗಿ ಹಣ ನೀಡಿದ್ದ ಅವರು ದಿವಾಳಿಯಾಗಿದ್ದಾರೆ.</p>.<p>ಅಫ್ಗಾನಿಸ್ತಾನವು ತಾಲಿಬಾನ್ ವಶಕ್ಕೆ ಬಂದಾಗಿನಿಂದ ಸಂಗೀತ ಕಲಾವಿದರು ತಮ್ಮ ವಾದ್ಯಪರಿಕರಗಳನ್ನು ಮನೆಗೆ ಒಯ್ದು ಇಟ್ಟಿದ್ದಾರೆ. ಹಲವು ಕಲಾವಿದರು ಹಾಗೂ ಹಾಡುಗಾರರು ಜೀವ ಉಳಿಸಿಕೊಳ್ಳುವುದಕ್ಕಾಗಿ ಪಾಕಿಸ್ತಾನಕ್ಕೆ ಬರುತ್ತಿದ್ದಾರೆ. ಈ ವೃತ್ತಿಯನ್ನು ಬಿಡದೇ ಹೋದರೆ ತಮಗೆ ಉಳಿಗಾಲವಿಲ್ಲ ಎನ್ನುತ್ತಾರೆ ಅಫ್ಗಾನಿಸ್ತಾನದ ಗಾಯಕ ಪಾಸುನ್ ಮುನಾವರ್. ಇನ್ನೊಬ್ಬ ಹಾಡುಗಾರ ಅಜ್ಮಲ್, ತಮ್ಮ ಪೋಷಾಕು ಬದಲಿಸಿ ಪಾಕಿಸ್ತಾನಕ್ಕೆ ತೆರಳಿದ್ದಾರೆ.</p>.<p>ಅಫ್ಗಾನಿಸ್ತಾನದವರು ಸಂಗೀತಪ್ರಿಯರು. ಅಲ್ಲಿ ಸಂಗೀತ ಕಾರ್ಯಕ್ರಮ ನೀಡಿದಾಗಲೆಲ್ಲ ತಮಗೆ ತುಂಬಾ ಗೌರವ ಸಿಕ್ಕಿದೆ ಎನ್ನುತ್ತಾರೆ ಪಾಕಿಸ್ತಾನದ ಕಲಾವಿದ ಷಾಜಹಾನ್. ಆತಂಕದಿಂದ ಇಲ್ಲಿಗೆ ಬಂದಿರುವ ಅಲ್ಲಿಯ ಕಲಾವಿದರನ್ನು ಸ್ವಾಗತಿಸುವುದಾಗಿಯೂ ಅವರು ಹೇಳಿದರು.</p>.<p>ಸಂಗೀತ ಕಾರ್ಯಕ್ರಮಗಳ ಮೇಲಿನ ನಿಷೇಧದಿಂದಾಗಿ, ಆ ದೇಶದ ಕಲಾವಿದರಿಗೆ ಮಾತ್ರವಲ್ಲದೇ ಪಾಕಿಸ್ತಾನದ ಕಲಾವಿದರಿಗೂ ತೊಂದರೆಯಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
