ಮಾಸ್ಕೊ: ಉಕ್ರೇನ್ನ ಗಡಿಯಲ್ಲಿ ಬುಧವಾರ ಅಪಘಾತಕ್ಕೀಡಾಗಿದ್ದ ರಷ್ಯಾ ಸೇನೆಯ ಐಎಲ್ 76 ವಿಮಾನದಲ್ಲಿ ಅಳವಡಿಸಿದ್ದ ಫ್ಲೈಟ್ ರೆಕಾರ್ಡರ್ (ಅವಘಡಕ್ಕೆ ಕಾರಣ ತಿಳಿಯಲು ನೆರವಾಗುವ ಸಾಧನ) ಪತ್ತೆಯಾಗಿದೆ. ಆ ವಿಮಾನದಲ್ಲಿದ್ದ 74 ಜನರು ಸ್ಥಳದಲ್ಲಿ ಸತ್ತಿದ್ದರು.
ಉಕ್ರೇನ್ನ ಸೇನೆಯೇ ಈ ವಿಮಾನವನ್ನು ಹೊಡೆದುರುಳಿಸಿದೆ ಎಂದು ರಷ್ಯಾ ಆರೋಪಿಸಿತ್ತು. ಈ ವಿಮಾನ ಅಪಘಾತವನ್ನು ಕುರಿತು ಅಂತರರಾಷ್ಟ್ರೀಯ ತನಿಖೆ ನಡೆಸಬೇಕು ಎಂದು ಉಕ್ರೇನ್ನ ಅಧ್ಯಕ್ಷರು ಒತ್ತಾಯಿಸಿದ್ದರು.
ಉಕ್ರೇನ್ನ ಗಡಿಯಲ್ಲಿ ವಿಮಾನ ಪತನಗೊಂಡಿತ್ತು. ಉಕ್ರೇನ್ನ ಕ್ಷಿಪಣಿ ದಾಳಿ ಇದಕ್ಕೆ ಕಾರಣ. ವಿಮಾನದಲ್ಲಿ 65 ಉಕ್ರೇನ್ನ ಕೈದಿಗಳಿದ್ದರು ಎಂದು ರಷ್ಯಾದ ಅಧಿಕಾರಿಗಳು ತಿಳಿಸಿದ್ದರು. ಆದರೆ, ವಿಮಾನದಲ್ಲಿ ಯಾರಿದ್ದರು ಎಂಬ ಮಾಹಿತಿ ಇಲ್ಲ ಎಂದು ಉಕ್ರೇನ್ ಪ್ರತಿಕ್ರಿಯಿಸಿತ್ತು.