ಅಮೆರಿಕ: ಹಿಂದೂ ದೇವಾಲಯದಲ್ಲಿ ಕಳ್ಳತನ

ಇಲ್ಲಿಯ ಶ್ರೀ ಓಂಕಾರನಾಥ ದೇವಾಲಯದಲ್ಲಿ ಈ ಘಟನೆಯು ಜನವರಿ 11ರಂದು ನಡೆದಿದೆ.

ದೇವಸ್ಥಾನದ ಕಿಟಕಿಯನ್ನು ಮುರಿಯಲಾಗಿದೆ. ಹುಂಡಿ ಮತ್ತು ಬೆಲೆಬಾಳುವ ವಸ್ತುಗಳನ್ನಿಡುವ ಪೆಟ್ಟಿಗೆ ಕಳುವಾಗಿದೆ ಎಂದು ತಕ್ಷಣಕ್ಕೆ ತಿಳಿದುಬಂದಿದೆ. ದೇವಸ್ಥಾನದ ಹಿಂಬದಿಯಿರುವ ಅಪಾರ್ಟ್‌ಮೆಂಟ್‌ನಲ್ಲಿ ಅರ್ಚಕರು ವಾಸಿಸುತ್ತಾರೆ. ಅವರು ಕ್ಷೇಮದಿಂದಿದ್ದಾರೆ ಎಂದು ದೇವಾಲಯ ಮಂಡಳಿ ಸದಸ್ಯ ಶ್ರೀನಿವಾಸ ಸುಂಕಾರಿ ಹೇಳಿದ್ದಾರೆ.

ಈ ರೀತಿಯ ಘಟನೆಗಳು ನಡೆದಾಗ, ಯಾರೋ ಅತಿಕ್ರಮಣ ಮಾಡಿದಂತೆ ಮತ್ತು ಯಾರಿಂದಲೂ ಗೌಪ್ಯತೆಗೆ ಭಂಗವಾದಂತೆ ಅನುಭವಾಗುತ್ತದೆ ಎಂದು ಸುಂಕಾರಿ ಹೇಳಿದ್ದಾರೆ.

ಕಳ್ಳತನದ ದೃಶ್ಯಗಳು ದೇವಸ್ಥಾನದಲ್ಲಿರುವ ಸಿ.ಸಿ.ಟಿ.ವಿ. ಕ್ಯಾಮರಾದಲ್ಲಿ ಸೆರೆಯಾಗಿದೆ. ಈ ಪ್ರಕರಣದ ತನಿಖೆ ನಡೆಸಲಾಗುತ್ತಿದೆ ಎಂದು ಬ್ರಾಸಸ್‌ ವ್ಯಾಲಿಯ ಅಧಿಕಾರಿಗಳು ತಿಳಿಸಿದ್ದಾರೆ.