<p><strong>ವಿಶ್ವಸಂಸ್ಥೆ:</strong> ವಿಶ್ವಸಂಸ್ಥೆ ಕೇಂದ್ರ ಕಚೇರಿ ಸಭಾಂಗಣವನ್ನು ಬುಧವಾರ ಭಾರತದ ಜನಪ್ರಿಯ ಪೇಯ ‘ಚಹಾ‘ದ ಸ್ವಾದ, ಪರಿಮಳ ಆವರಿಸಿತ್ತು. ಕಾರ್ಯಕ್ರಮದ ‘ಕೇಂದ್ರಬಿಂದು’ ಚಹಾ ಆಗಿತ್ತು.</p><p>‘ಅಂತರರಾಷ್ಟ್ರೀಯ ಚಹಾ ದಿನ’ ನಿಮಿತ್ತ ವಿಶ್ವಸಂಸ್ಥೆಯಲ್ಲಿನ ಭಾರತದ ಶಾಶ್ವತ ಮಿಷನ್, ‘ಬದುಕಿಗಾಗಿ ಚಹಾ, ಸುಸ್ಥಿರಾಭಿವೃದ್ಧಿ ಗುರಿ ಸಾಧನೆಗೆ ಚಹಾ’ ವಿಷಯ ಕುರಿತ ಉನ್ನತ ಮಟ್ಟದ ಸಭೆ ಏರ್ಪಡಿಸಿತ್ತು.</p><p>‘ಚಹಾ ಜಗತ್ತಿನಲ್ಲೇ ನೀರಿನ ನಂತರ ಅತಿ ಹೆಚ್ಚು ಸೇವಿಸುವ ಪಾನೀಯ. ಸೇರ್ಪಡೆಯುಕ್ತ ಆರ್ಥಿಕ ಪ್ರಗತಿಯಲ್ಲಿ ಜನರ ಪಾಲ್ಗೊಳ್ಳುವಿಕೆಗೆ ಚಹಾದ ಕೊಡುಗೆ ಪ್ರಮುಖವಾದುದು’ ಎಂದು ಸ್ಮರಿಸಲಾಯಿತು. </p><p>ಕಾರ್ಯಕ್ರಮದ ನಿಮಿತ್ತ ಅತಿಥಿಗಳಿಗೆ ಭಿನ್ನ ಸ್ವಾದ, ಸುವಾಸನೆಯ ಚಹಾ ನೀಡಲಾಯಿತು. ಇದರಲ್ಲಿ ದಾರ್ಜಿಲಿಂಗ್ ಟೀ, ಮಸಾಲಾ ಚಾಯ್, ಅಸ್ಸಾಂ ಮತ್ತು ನೀಲಗಿರಿ ಟೀ ಸೇರಿದ್ದವು. </p><p>ಭಾರತದ ಶಾಶ್ವತ ಮಿಷನ್ನ ಪ್ರತಿನಿಧಿ ಮತ್ತು ವಿಶ್ವಸಂಸ್ಥೆಯ ರಾಯಭಾರಿ ಪರ್ವತನೇನಿ ಹರೀಶ್, ವಿಶ್ವಸಂಸ್ಥೆ ಅಧಿಕಾರಿ ಅಂಜೆಲಿಕಾ ಜಾಕೋಮ್, ಶ್ರೀಲಂಕಾ, ಕೆನ್ಯಾ ಮತ್ತು ಚೀನಾದ ಪ್ರತಿನಿಧಿಗಳಿದ್ದರು.</p><p>ಭಾರತವಲ್ಲದೆ, ಪ್ರಮುಖವಾಗಿ ಟೀ ಬೆಳೆಯುವ ರಾಷ್ಟ್ರಗಳ ಪ್ರತಿನಿಧಿಗಳು, ಚಹಾ ಬೆಳೆಗಾರರು ಎದುರಿಸುತ್ತಿರುವ ಸವಾಲುಗಳನ್ನು ಉಲ್ಲೇಖಿಸಿದರು.</p><p>‘ಭಾರತದಲ್ಲಿ ಚಹಾ ಎಂದರೆ ಅದು ಕೇವಲ ಒಂದು ವ್ಯಾಪಾರ ಅಥವಾ ಪೇಯವಷ್ಟೇ ಅಲ್ಲ. ಪರಿವರ್ತನೆಯ ಸಂಕೇತ. ಇದು ಉದ್ಯಮವಾಗಿ ಬೆಳೆದಿದೆ. ಗ್ರಾಮಗಳ ಸಬಲೀಕರಣ, ಮಹಿಳಾ ಸಬಲೀಕರಣದ ಜೊತೆಗೆ ರಫ್ತು ಆಧಾರಿತ ಅಭಿವೃದ್ಧಿಗೆ ಪೂರಕವಾಗಿದೆ’ ಎಂದು ಹರೀಶ್ ಹೇಳಿದರು.</p><p>ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯು 2019ರಲ್ಲಿ ಪ್ರತಿ ವರ್ಷ ಮೇ 21 ಅನ್ನು ‘ಅಂತರರಾಷ್ಟ್ರೀಯ ಚಹಾ ದಿನ’ವಾಗಿ ಆಚರಿಸಲು ಘೋಷಿಸಿತ್ತು. 2015ರಲ್ಲಿ ಭಾರತ ಈ ಕುರಿತು ಪ್ರಸ್ತಾವವನ್ನು ಮಂಡಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವಿಶ್ವಸಂಸ್ಥೆ:</strong> ವಿಶ್ವಸಂಸ್ಥೆ ಕೇಂದ್ರ ಕಚೇರಿ ಸಭಾಂಗಣವನ್ನು ಬುಧವಾರ ಭಾರತದ ಜನಪ್ರಿಯ ಪೇಯ ‘ಚಹಾ‘ದ ಸ್ವಾದ, ಪರಿಮಳ ಆವರಿಸಿತ್ತು. ಕಾರ್ಯಕ್ರಮದ ‘ಕೇಂದ್ರಬಿಂದು’ ಚಹಾ ಆಗಿತ್ತು.</p><p>‘ಅಂತರರಾಷ್ಟ್ರೀಯ ಚಹಾ ದಿನ’ ನಿಮಿತ್ತ ವಿಶ್ವಸಂಸ್ಥೆಯಲ್ಲಿನ ಭಾರತದ ಶಾಶ್ವತ ಮಿಷನ್, ‘ಬದುಕಿಗಾಗಿ ಚಹಾ, ಸುಸ್ಥಿರಾಭಿವೃದ್ಧಿ ಗುರಿ ಸಾಧನೆಗೆ ಚಹಾ’ ವಿಷಯ ಕುರಿತ ಉನ್ನತ ಮಟ್ಟದ ಸಭೆ ಏರ್ಪಡಿಸಿತ್ತು.</p><p>‘ಚಹಾ ಜಗತ್ತಿನಲ್ಲೇ ನೀರಿನ ನಂತರ ಅತಿ ಹೆಚ್ಚು ಸೇವಿಸುವ ಪಾನೀಯ. ಸೇರ್ಪಡೆಯುಕ್ತ ಆರ್ಥಿಕ ಪ್ರಗತಿಯಲ್ಲಿ ಜನರ ಪಾಲ್ಗೊಳ್ಳುವಿಕೆಗೆ ಚಹಾದ ಕೊಡುಗೆ ಪ್ರಮುಖವಾದುದು’ ಎಂದು ಸ್ಮರಿಸಲಾಯಿತು. </p><p>ಕಾರ್ಯಕ್ರಮದ ನಿಮಿತ್ತ ಅತಿಥಿಗಳಿಗೆ ಭಿನ್ನ ಸ್ವಾದ, ಸುವಾಸನೆಯ ಚಹಾ ನೀಡಲಾಯಿತು. ಇದರಲ್ಲಿ ದಾರ್ಜಿಲಿಂಗ್ ಟೀ, ಮಸಾಲಾ ಚಾಯ್, ಅಸ್ಸಾಂ ಮತ್ತು ನೀಲಗಿರಿ ಟೀ ಸೇರಿದ್ದವು. </p><p>ಭಾರತದ ಶಾಶ್ವತ ಮಿಷನ್ನ ಪ್ರತಿನಿಧಿ ಮತ್ತು ವಿಶ್ವಸಂಸ್ಥೆಯ ರಾಯಭಾರಿ ಪರ್ವತನೇನಿ ಹರೀಶ್, ವಿಶ್ವಸಂಸ್ಥೆ ಅಧಿಕಾರಿ ಅಂಜೆಲಿಕಾ ಜಾಕೋಮ್, ಶ್ರೀಲಂಕಾ, ಕೆನ್ಯಾ ಮತ್ತು ಚೀನಾದ ಪ್ರತಿನಿಧಿಗಳಿದ್ದರು.</p><p>ಭಾರತವಲ್ಲದೆ, ಪ್ರಮುಖವಾಗಿ ಟೀ ಬೆಳೆಯುವ ರಾಷ್ಟ್ರಗಳ ಪ್ರತಿನಿಧಿಗಳು, ಚಹಾ ಬೆಳೆಗಾರರು ಎದುರಿಸುತ್ತಿರುವ ಸವಾಲುಗಳನ್ನು ಉಲ್ಲೇಖಿಸಿದರು.</p><p>‘ಭಾರತದಲ್ಲಿ ಚಹಾ ಎಂದರೆ ಅದು ಕೇವಲ ಒಂದು ವ್ಯಾಪಾರ ಅಥವಾ ಪೇಯವಷ್ಟೇ ಅಲ್ಲ. ಪರಿವರ್ತನೆಯ ಸಂಕೇತ. ಇದು ಉದ್ಯಮವಾಗಿ ಬೆಳೆದಿದೆ. ಗ್ರಾಮಗಳ ಸಬಲೀಕರಣ, ಮಹಿಳಾ ಸಬಲೀಕರಣದ ಜೊತೆಗೆ ರಫ್ತು ಆಧಾರಿತ ಅಭಿವೃದ್ಧಿಗೆ ಪೂರಕವಾಗಿದೆ’ ಎಂದು ಹರೀಶ್ ಹೇಳಿದರು.</p><p>ವಿಶ್ವಸಂಸ್ಥೆಯ ಸಾಮಾನ್ಯ ಸಭೆಯು 2019ರಲ್ಲಿ ಪ್ರತಿ ವರ್ಷ ಮೇ 21 ಅನ್ನು ‘ಅಂತರರಾಷ್ಟ್ರೀಯ ಚಹಾ ದಿನ’ವಾಗಿ ಆಚರಿಸಲು ಘೋಷಿಸಿತ್ತು. 2015ರಲ್ಲಿ ಭಾರತ ಈ ಕುರಿತು ಪ್ರಸ್ತಾವವನ್ನು ಮಂಡಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
