ದುಬೈ: ‘ಬಾಂಬ್ ಸಾಗಿಸುವ ಡ್ರೋನ್‌ಗಳು ಇರಾನ್‌ನ ಪ್ರಮುಖ ನಗರವಾದ ಇಸ್‌ಫಹಾನ್‌ನಲ್ಲಿರುವ ರಕ್ಷಣಾ ಕಾರ್ಖಾನೆಯನ್ನು ಗುರಿಯಾಗಿಸಿ ದಾಳಿ ನಡೆಸಿವೆ’ ಎಂದು ಅಧಿಕಾರಿಗಳು ಶಂಕೆ ವ್ಯಕ್ತಪಡಿಸಿದ್ದಾರೆ.
ಇರಾನ್‌ನ ವಾಯುವ್ಯ ಪ್ರದೇಶದಲ್ಲಿ ಭೂಕಂಪ ಸಂಭವಿಸಿತ್ತು. ಅದೇ ವೇಳೆ ತೈಲ ಸಂಸ್ಕರಣಾಗಾರದಲ್ಲಿ ಬೆಂಕಿ ಕಾಣಿಸಿಕೊಂಡಿತ್ತು. ಇಂತಹ ಸನ್ನಿವೇಶ ಇದ್ದಾಗಲೇ ರಕ್ಷಣಾ ಕಾರ್ಖಾನೆ ಮೇಲೆ ದಾಳಿ ನಡೆದಿದೆ. ಈ ದಾಳಿಯನ್ನು ಯಾರು ನಡೆಸಿದ್ದಾರೆ ಎಂಬುದರ ಕುರಿತು ಇರಾನ್ ರಕ್ಷಣಾ ಸಚಿವಾಲಯವು ಯಾವುದೇ ಮಾಹಿತಿ ನೀಡಿಲ್ಲ.
