ರೋಮ್ (ರಾಯಿಟರ್ಸ್): ‘ಸಿಸಿಲಿಯ ದಕ್ಷಿಣ ಭಾಗದ ಬಂದರಿನಲ್ಲಿ ಕಳ್ಳಸಾಗಣೆ ಮಾಡಲಾಗುತ್ತಿದ್ದ 5.3 ಟನ್ ತೂಕದ ಕೊಕೇನ್ ಅನ್ನು ಇಟಲಿಯ ಅಧಿಕಾರಿಗಳು ಜಪ್ತಿ ಮಾಡಿದ್ದಾರೆ’ ಎಂದು ಪೊಲೀಸರು ಶುಕ್ರವಾರ ತಿಳಿಸಿದ್ದಾರೆ.
‘ಜಪ್ತಿ ಮಾಡಲಾದ ಸರಕಿನ ಅಂದಾಜು ಬೆಲೆ ₹ 7,761 ಕೋಟಿ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಐದು ಮಂದಿಯನ್ನು ಬಂಧಿಸಲಾಗಿದೆ’ ಎಂದು ದಿ ಗಾರ್ಡಿಯಾ ದಿ ಫಿನಾಂಜಾ (ಕಾನೂನು ಜಾರಿ ಸಂಸ್ಥೆ) ಪ್ರಕಟಣೆಯಲ್ಲಿ ಹೇಳಿದೆ.
ಬುಧವಾರ ಬೆಳಿಗ್ಗೆ ದಕ್ಷಿಣ ಅಮೆರಿಕದಿಂದ ಬಂದ ಹಡಗಿನಿಂದ ಕೆಲವು ಮೂಟೆಗಳನ್ನು ಸಿಸಿಲಿ ಜಲಸಂಧಿಯಲ್ಲಿ ಎಸೆದಿರುವುದನ್ನು ಕಣ್ಗಾವಲು ವಿಮಾನವೊಂದು ಪತ್ತೆ ಮಾಡಿದೆ. ಬಳಿಕ, ಅವುಗಳಲ್ಲಿದ್ದ ಕೊಕೇನ್ ಅನ್ನು ವಶಪಡಿಸಿಕೊಳ್ಳಲಾಗಿದೆ.