ಕಠ್ಮಂಡು: ದೇಶದಲ್ಲಿ ಕೋವಿಡ್ ಪ್ರಕರಣಗಳು ಏರುತ್ತಿರುವ ಹಿನ್ನೆಲೆಯಲ್ಲಿ ಭಾರತದೊಂದಿಗಿನ 22 ಗಡಿ ಪ್ರದೇಶಗಳನ್ನು ಮುಚ್ಚಲು ನೇಪಾಳ ಸರ್ಕಾರವು ನಿರ್ಧರಿಸಿದೆ.
‘ನೇಪಾಳ ಮತ್ತು ಭಾರತದ ನಡುವಿನ ಒಟ್ಟು 35 ಗಡಿ ಪ್ರದೇಶಗಳಲ್ಲಿ 22 ಅನ್ನು ಮುಚ್ಚುವಂತೆ ನೇಪಾಳದ ಕೋವಿಡ್ ವಿಪತ್ತು ನಿರ್ವಹಣಾ ಸಮನ್ವಯ ಸಮಿತಿಯು (ಸಿಸಿಎಂಸಿ) ಸಲಹೆ ನೀಡಿತ್ತು. ಇದರ ಬೆನ್ನಲ್ಲೇ ಈ ಕ್ರಮವನ್ನು ಕೈಗೊಳ್ಳಲಾಗಿದೆ’ ಎಂದು ಅಧಿಕಾರಿಗಳು ತಿಳಿಸಿದರು.
‘ಸದ್ಯ ಭಾರತ ಮತ್ತು ನೇಪಾಳದ ನಡುವಿನ ಕೇವಲ 13 ಗಡಿಗಳು ತೆರೆದಿರಲಿವೆ’ ಎಂದು ಅವರು ಹೇಳಿದರು.
ನೇಪಾಳದಲ್ಲಿ ಒಟ್ಟು 3,23,187 ಪ್ರಕರಣಗಳು ವರದಿಯಾಗಿದ್ದು, 3,279 ಮಂದಿ ಮೃತಪಟ್ಟಿದ್ದಾರೆ.