<p><strong>ವೆಲ್ಲಿಂಗ್ಟನ್:</strong> ನ್ಯೂಜಿಲೆಂಡ್ನ ಉತ್ತರ ದ್ವೀಪದ ಪ್ರಮುಖ ಪಟ್ಟಣ ಆಕ್ಲೆಂಡ್ನಲ್ಲಿ ಬಾನೆತ್ತರಕ್ಕೆ ಚಿಮ್ಮಿದ ಪಟಾಕಿಯ ಬೆಳಕಿನ ಚಿತ್ತಾರದೊಂದಿಗೆ ಹೊಸವರ್ಷದ ಸಂಭ್ರಮಾಚರಣೆಗೆ ವಿಶ್ವವು ಮುನ್ನುಡಿ ಬರೆಯಿತು.</p><p>240 ಮೀಟರ್ ಎತ್ತರದ ಪ್ರಖ್ಯಾತ ಸ್ಕೈ ಟವರ್ನ ವಿವಿಧ ಮಹಡಿಗಳಿಂದ 3,500ಕ್ಕೂ ಅಧಿಕ ಪಟಾಕಿಗಳನ್ನು ಸಿಡಿಸಿ, ಜನರು 2026ನೇ ವರ್ಷವನ್ನು ಬರಮಾಡಿಕೊಂಡರು.</p><p>ನ್ಯೂಯಾರ್ಕ್ನ ಟೈಮ್ ಸ್ಕ್ವೇರ್ನಲ್ಲಿ ಬಾಲ್ ಡ್ರಾಪ್ ಮೂಲಕ ಹೊಸವರ್ಷದ ಶುಭಾರಂಭ ಮಾಡುವ 18 ಗಂಟೆಗೂ ಮುಂಚೆಯೇ ಆಕ್ಲೆಂಡ್ನಲ್ಲಿ ಹರ್ಷೋದ್ಘಾರದೊಂದಿಗೆ ಆಚರಣೆ ಶುರುವಾಯಿತು.</p><p>ನ್ಯೂಜಿಲೆಂಡ್ನ ಸಂಭ್ರಮದ 2 ಗಂಟೆಯ ಬಳಿಕ ಆಸ್ಟ್ರೇಲಿಯಾದಲ್ಲೂ ಪಟಾಕಿಗಳ ಚಿತ್ತಾರದೊಂದಿಗೆ ಆಚರಣೆ ಆರಂಭಗೊಂಡಿದೆ. ಆದರೆ, ಇತ್ತೀಚೆಗಷ್ಟೇ ಭಯೋತ್ಪಾದಕ ದಾಳಿ ನಡೆದಿದ್ದ ಕಾರಣ ವಿಶ್ವದ ಹೊಸ ವರ್ಷಾಚರಣೆಯ ರಾಜಧಾನಿ ಎನಿಸಿಕೊಂಡಿದ್ದ ಸಿಡ್ನಿಯಲ್ಲಿ ಪೊಲೀಸರ ಬಿಗಿ ಬಂದೋಬಸ್ತ್ನೊಂದಿಗೇ ಹೊಸ ವರ್ಷವನ್ನು ಸ್ವಾಗತಿಸಲಾಗಿದೆ.</p>.<p>ಇಂಡೋನೇಷ್ಯಾ ಹಾಗೂ ಹಾಂಗ್ಕಾಂಗ್ನಲ್ಲಿ ಪ್ರಾಕೃತಿಕ ವಿಕೋಪ ಹಾಗೂ ಇನ್ನಿತರ ದುರಂತಗಳಿಂದ ತೊಂದರೆಗೀಡಾದ ಜನರಿಗಾಗಿ ಪ್ರಾರ್ಥನೆ ಸಲ್ಲಿಸುವ ಮೂಲಕ ಹೊಸ ವರ್ಷವನ್ನು ಬರಮಾಡಿಕೊಳ್ಳಲು ಸಿದ್ಧತೆ ನಡೆದಿದೆ.</p><p>ಒಟ್ಟಾರೆ, ಟ್ರಂಪ್ ಪ್ರತಿಸುಂಕ ನೀತಿ, ಗಾಜಾದ ಶಾಂತಿ ಒಪ್ಪಂದದಂಥ ಪ್ರಮುಖ ಬೆಳವಣಿಗೆಗೆ ಸಾಕ್ಷಿಯಾಗಿದ್ದ 2025ಕ್ಕೆ ಬೀಳ್ಕೊಡುಗೆ ನೀಡಿ, ಉಕ್ರೇನ್ನಲ್ಲಿ ಶಾಂತಿ ಸ್ಥಾಪನೆಯಾಗುವ ಭರವಸೆಯೊಂದಿಗೆ 2026ಕ್ಕೆ ಜನರು ಸ್ವಾಗತ ಕೋರಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ವೆಲ್ಲಿಂಗ್ಟನ್:</strong> ನ್ಯೂಜಿಲೆಂಡ್ನ ಉತ್ತರ ದ್ವೀಪದ ಪ್ರಮುಖ ಪಟ್ಟಣ ಆಕ್ಲೆಂಡ್ನಲ್ಲಿ ಬಾನೆತ್ತರಕ್ಕೆ ಚಿಮ್ಮಿದ ಪಟಾಕಿಯ ಬೆಳಕಿನ ಚಿತ್ತಾರದೊಂದಿಗೆ ಹೊಸವರ್ಷದ ಸಂಭ್ರಮಾಚರಣೆಗೆ ವಿಶ್ವವು ಮುನ್ನುಡಿ ಬರೆಯಿತು.</p><p>240 ಮೀಟರ್ ಎತ್ತರದ ಪ್ರಖ್ಯಾತ ಸ್ಕೈ ಟವರ್ನ ವಿವಿಧ ಮಹಡಿಗಳಿಂದ 3,500ಕ್ಕೂ ಅಧಿಕ ಪಟಾಕಿಗಳನ್ನು ಸಿಡಿಸಿ, ಜನರು 2026ನೇ ವರ್ಷವನ್ನು ಬರಮಾಡಿಕೊಂಡರು.</p><p>ನ್ಯೂಯಾರ್ಕ್ನ ಟೈಮ್ ಸ್ಕ್ವೇರ್ನಲ್ಲಿ ಬಾಲ್ ಡ್ರಾಪ್ ಮೂಲಕ ಹೊಸವರ್ಷದ ಶುಭಾರಂಭ ಮಾಡುವ 18 ಗಂಟೆಗೂ ಮುಂಚೆಯೇ ಆಕ್ಲೆಂಡ್ನಲ್ಲಿ ಹರ್ಷೋದ್ಘಾರದೊಂದಿಗೆ ಆಚರಣೆ ಶುರುವಾಯಿತು.</p><p>ನ್ಯೂಜಿಲೆಂಡ್ನ ಸಂಭ್ರಮದ 2 ಗಂಟೆಯ ಬಳಿಕ ಆಸ್ಟ್ರೇಲಿಯಾದಲ್ಲೂ ಪಟಾಕಿಗಳ ಚಿತ್ತಾರದೊಂದಿಗೆ ಆಚರಣೆ ಆರಂಭಗೊಂಡಿದೆ. ಆದರೆ, ಇತ್ತೀಚೆಗಷ್ಟೇ ಭಯೋತ್ಪಾದಕ ದಾಳಿ ನಡೆದಿದ್ದ ಕಾರಣ ವಿಶ್ವದ ಹೊಸ ವರ್ಷಾಚರಣೆಯ ರಾಜಧಾನಿ ಎನಿಸಿಕೊಂಡಿದ್ದ ಸಿಡ್ನಿಯಲ್ಲಿ ಪೊಲೀಸರ ಬಿಗಿ ಬಂದೋಬಸ್ತ್ನೊಂದಿಗೇ ಹೊಸ ವರ್ಷವನ್ನು ಸ್ವಾಗತಿಸಲಾಗಿದೆ.</p>.<p>ಇಂಡೋನೇಷ್ಯಾ ಹಾಗೂ ಹಾಂಗ್ಕಾಂಗ್ನಲ್ಲಿ ಪ್ರಾಕೃತಿಕ ವಿಕೋಪ ಹಾಗೂ ಇನ್ನಿತರ ದುರಂತಗಳಿಂದ ತೊಂದರೆಗೀಡಾದ ಜನರಿಗಾಗಿ ಪ್ರಾರ್ಥನೆ ಸಲ್ಲಿಸುವ ಮೂಲಕ ಹೊಸ ವರ್ಷವನ್ನು ಬರಮಾಡಿಕೊಳ್ಳಲು ಸಿದ್ಧತೆ ನಡೆದಿದೆ.</p><p>ಒಟ್ಟಾರೆ, ಟ್ರಂಪ್ ಪ್ರತಿಸುಂಕ ನೀತಿ, ಗಾಜಾದ ಶಾಂತಿ ಒಪ್ಪಂದದಂಥ ಪ್ರಮುಖ ಬೆಳವಣಿಗೆಗೆ ಸಾಕ್ಷಿಯಾಗಿದ್ದ 2025ಕ್ಕೆ ಬೀಳ್ಕೊಡುಗೆ ನೀಡಿ, ಉಕ್ರೇನ್ನಲ್ಲಿ ಶಾಂತಿ ಸ್ಥಾಪನೆಯಾಗುವ ಭರವಸೆಯೊಂದಿಗೆ 2026ಕ್ಕೆ ಜನರು ಸ್ವಾಗತ ಕೋರಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
