ಇಸ್ಲಾಮಾಬಾದ್: ಇಸ್ಲಾಮಿಕ್ ಸಹಕಾರ ಸಂಸ್ಥೆಯ (ಒಐಸಿ) ಉಪಾಧ್ಯಕ್ಷ ಹುದ್ದೆಗೆ ಈ ಬಾರಿ ಪಾಕಿಸ್ತಾನವನ್ನು ಆಯ್ಕೆ ಮಾಡಲಾಗಿದೆ. ಬಹುಪಾಲು ಮುಸ್ಲಿಂ ಪಾಬಲ್ಯ ಇರುವ 57 ರಾಷ್ಟ್ರಗಳ ಒಕ್ಕೂಟವು ಪಾಕಿಸ್ತಾನಕ್ಕೆ ಉಪಾಧ್ಯಕ್ಷ ಹುದ್ದೆ ನೀಡಿದೆ.
ಮೊರಾಕ್ಕೊದ ರಾಬಾತ್‌ನಲ್ಲಿ ನಡೆದ ಒಐಸಿಯ ಸಾಮಾನ್ಯ ಸಭೆಯಲ್ಲಿ ಈ ಆಯ್ಕೆ ಮಾಡಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾಗಿ ಡಾನ್ ಪತ್ರಿಕೆ ವರದಿ ಮಾಡಿದೆ.
ಕಾಶ್ಮೀರಕ್ಕೆ ಸಂಬಂಧಿಸಿದ ಪಾಕಿಸ್ತಾನದ ಎರಡು ನಿರ್ಣಯಗಳನ್ನೂ ಒಐಸಿ ಸಮ್ಮೇಳನದಲ್ಲಿ ಮಂಡಿಸಲಾಗಿದೆ. 1999ರ ಜೂನ್ 17ರಂದು ಈ ಸಂಸ್ಥೆ ಅಸ್ತಿತ್ವಕ್ಕೆ ಬಂದಿದ್ದು, ಇದರ ಕೇಂದ್ರ ಕಚೇರಿ ಟೆಹರಾನ್‌ನಲ್ಲಿ ಇದೆ.
