ಇಸ್ಲಾಮಾಬಾದ್‌ : ಅವೆನ್‌ಫೀಲ್ಡ್‌ ಭ್ರಷ್ಟಾಚಾರ ಪ್ರಕರಣಕ್ಕೆ ಸಂಬಂಧಿಸಿದಂತೆ ಇಸ್ಲಾಮಾಬಾದ್‌ ಹೈಕೋರ್ಟ್‌ ಪಾಕಿಸ್ತಾನದ ಮಾಜಿ ಪ್ರಧಾನಿ ನವಾಜ್‌ ಷರೀಫ್‌ ಅವರನ್ನು ಖುಲಾಸೆಗೊಳಿಸಿದೆ.
ಮುಖ್ಯನ್ಯಾಯಮೂರ್ತಿ ಆಮೀರ್‌ ಫಾರೂಖ್‌ ಹಾಗೂ ನ್ಯಾಯಮೂರ್ತಿ ಮಿಯಾಂಗುಲ್‌ ಹಸನ್‌ ಅವರನ್ನೊಳಗೊಂಡ ಪೀಠ ಈ ತೀರ್ಪು ನೀಡಿದೆ.
ಹಾಗೆಯೇ, ಫ್ಲ್ಯಾಗ್‌ಶಿಪ್‌ ಭ್ರಷ್ಟಚಾರ ಪ್ರಕರಣದಲ್ಲಿ ನವಾಜ್‌ ಅವರನ್ನು ವಿಚಾರಣಾ ನ್ಯಾಯಾಲಯವು ಬಿಡುಗಡೆಗೊಳಿಸಿದ್ದನ್ನು ಪ್ರಶ್ನಿಸಿ ತಾನು ಸಲ್ಲಿಸಿದ್ದ ಅರ್ಜಿಯನ್ನು ನ್ಯಾಷನಲ್‌ ಅಕೌಂಟೆಬಿಲಿಟಿ ಬ್ಯುರೊ (ಎನ್‌ಎಬಿ) ಹಿಂಪಡೆದಿದೆ. ಇದರಿಂದಾಗಿ ನವಾಜ್‌ ಅವರು ಈ ಪ್ರಕರಣದಿಂದಲೂ ಬಿಡುಗಡೆ ಹೊಂದಿದಂತಾಗಿದೆ.
