ಕೊಲಂಬೊ: ಸಿಂಗಪುರದ ಸರಕುಸಾಗಣೆ ಹಡಗು ಶ್ರೀಲಂಕಾದ ಕೊಲಂಬೊ ಬಳಿ ಮುಳುಗಿದ್ದು, ತೈಲ ಸೋರಿಕೆಯಾಗುವ ಭೀತಿ ಎದುರಾಗಿದೆ ಎಂದು ವರದಿಯಾಗಿದೆ. ಇದೇಹಡಗಿನಲ್ಲಿ ಕಳೆದ ವಾರ ಅಗ್ನಿ ಅನಾಹುತ ಸಂಭವಿಸಿತ್ತು.
ಬೆಂಕಿ ನಂದಿಸುವ ಯತ್ನಗಳುಫಲಪ್ರದವಾಗದ ಕಾರಣ ತೈಲ ಸೋರಿಕೆ ಅನಾಹುತ ಎದುರಿಸಲು ಅಧಿಕಾರಿಗಳು ಸಿದ್ಧತೆ ನಡೆಸಿದ್ದಾರೆ. ‘ಎಂವಿ ಎಕ್ಸ್‌ ಪ್ರೆಸ್ ಪರ್ಲ್’ ಹಡಗು ಮುಳುಗುವ ಭೀತಿ ಎದುರಾಗಿದೆ ಎಂದು ‘ಕೊಲಂಬೊ ಗ್ಯಾಜೆಟ್’ ಪತ್ರಿಕೆ ವರದಿ ಮಾಡಿದೆ.
ಅಪಘಾತಕ್ಕೀಡಾಗಿರುವ ಹಡಗು ಗುಜರಾತಿನ ಹಾಜಿರಾಯಾದಿಂದ ಕೊಲಂಬೊ ಬಂದರಿಗೆ ತೈಲ ಮತ್ತು ರಾಸಾಯನಿಕಗಳನ್ನು ಸಾಗಿಸುತ್ತಿತ್ತು. ಕೊಲಂಬೊ ಕರಾವಳಿಯಿಂದ 9.5 ನಾಟಿಕಲ್ ಮೈಲಿ ದೂರದಲ್ಲಿ ಮೇ 20ರಂದು ಹಡಗಿನಲ್ಲಿ ಬೆಂಕಿ ಕಾಣಿಸಿಕೊಂಡಿತ್ತು.
